تعقيبا على موضوعي السابق اللي تحدثت فيه عن مشروع ( استضافة مواقع الإنترنت )
https://www.btalah.com/t589997.html

اليوم سأعود لكم بمشروع جديد .. مشروع - بعد الله تعالى - سيكفل لك حاضرك ومستقبلك بل حتى أبناءك من بعدك

مشروع سيفتح لك باب الرزق والدخل على مصراعية.. ستجني المال في أي وقت تشاء.. وستيفتح لك الخيارات الوظيفية

وستبحث عنك الشركات والمؤسسات الخاصة أو الحكومية وستكون وقتها بكل معنى الكلمة (ملك القرار) في اختيار مجالك

واختيار وظيفتك .. لعلكم تتساءلون عن هذا المشروع !!! وسأخبركم بأنه

مبرمج ومطور مواقع الويب

انتظر .. لاتقول برمجة وإنجليزي وتعليم ودوخة راس ثم يصيبك الإحباط وتطلع !! لا ياصاحبي اقرأ للآخر ثم قرر

حقائق تجهلها عن برمجة الويب :

1- هل تصدق بأن هناك من أتقن برمجة الويب خلال شهر فقط !! نعم فقد كنت أقدم هذه الدورة في معهد بحي المصيف لمدة
شهر فقط ويعلم الله ماكنت أختم الدورة إلا بأكثر من ثلاثة تلاميذ يقدمون مشاريعهم التي كتبوها من الصفر .. الشغلة يبغالها
تدريب وممارسة ولن تدخل البرمجة راسك إلا بكتابة الكود البرمجي أكثر من مرة والتعلم بالمحاولة والخطأ .

2- هل تصدق بأن هناك مبرمجين لم يدخلوا أي دورة !! وأتقنها بالتعليم الذاتي عن طريق الإنترنت بالبحث ومشاهدة الدروس؟!
يعني طريقك للإتقان مايبي له مشورة ولا حتى تخرج من منزلك .. شغل كمبيوترك وعلم نفسك فقط فمستقبلك سيشرق بعد تعلمك للبرمجة
.. أنا لم أدخل أي دورة وتعلمت ذاتيا حتى أتقنت ثم دخلت اختبار شركة Zend وتجاوزته ..وهذه الشهادة أقوى اعتماد لمبرمج PHP

3- ليس شرطا أن تكون متقنا للغة الإنجليزية .. شوية مصطلحات ستعرفها أثناء الممارسة والتعلم .

4- هل تعلم بأن 90% مماتراه في ( عرض المصدر ) لصفحات الإنترنت هي نصوص جاهزة لن تقوم بكتابتها ؟! والبرمجة أحيانا في بعض
الصفحات لاتتجاوز سطرين ؟!

5- هل تعلم بأن أغلب المشاكل اللي يتم حلها في قواعد البيانات أو رسائل الخطأ في المواقع لاتأخذ منك سوى 20 دقيقة لتحصل على مبلغ يعادل راتب شهر لموظف عادي



عند إتقانك التام للبرمجة تدلع وفصل ثوب جديد تكون مخابيه واسعه
وش تبي ؟ شركات استضافة تدورك ولو بارت تايم .. مشاريعك الخاصة تبرمجها وتبيعها بالسعر اللي يعجبك .. وظائف بالهبل خاص وحكومي
.. مشاريع تنهال عليك سنويا من تلاميذ الجامعات بأسعار ممتازة .. تنفيذ أفكارك البرمجية وبناء المواقع بالشكل اللي تبغاه
وقد تنفذ فكرة رائدة وتبيعها بمبلغ قد يتجاوز مئات الآلآف ... الكثيررر جدا من أبواب الرزق ستفتح على مصراعيها لك

مبرمج الويب النايم واللي مايحب يتعب نفسه ويشتغل حسب المزاج والتصانيف يدخل سنويا مالايقل عن 50 ألف ريال


تعلموا البرمجة ياشباب .. وعلموها مستقبلا لأبنائكم وإخوانكم الصغار .. ذهب والله ذهب


ابدأوا بدون تردد .. المسالة شهر زمان تتعب فيه لكن بعدها ستشرق عليك شمس أخرى وستقول ويني عن هالرزق من زمان!!


ختاما ياجماعة وعشان أشحذ الهمم سأعرض لكم شخص يبلغ من العمر 20 سنة فقط .. قمت بنصحه ووضعه على الخطوات الأولى

لهذا الطريق وأجبته على تساؤلاته بداية الأمر وكتبت له منهج يمشي عليه ..وأقسم بالله ماكمل 3 أسابيع إلا متقن لبرمجة الويب Php MySql

.. وعلى طول حصل عملاء وشغل واندهش من شدة الطلب على هالمجال وقام يشكر ويدعي .. لدرجة أنه مكلمني مايدري كم يطلب فلوس إليكم مراسلاته




ولعلمكم استلم البرنامج بمبلغ 5000 ريال مع الحقوق .. يعني كيف ( مع الحقوق ) ؟!
يعني يضل البرنامج ملك لك .. متى ماجاك زبون يبي برنامج تجاري تقدر تبيعه نفس البرنامج وبسعر مختلف .. اللهم انسخه بموقعه وركبه بعشر دقايق وخذ المبلغ اللي تشوف

القاسم المشترك بيننا يالسعوديين هي الحماس والاندفاع بادئ الأمر

ثم نبدأ نكسل بالتدريج لحد مانسحب على الشغلانة كلها .. كذا لعانة

ولو مرة واحدة جاهد نفسك وابدأ بداية الصامل .. وأي سؤال أو استفسار أبشروا باللي يوقف معاكم خطوة خطوة

مشكور على الطرح

انا من زمان مشتاق لتعلم البرمجة لاكن من وين ابدأ وبأيش تنصحني بالبداية ا

وايش هي المصطلحات الي لازم اعرفها بالانجليزي علشان اتقن البرمجة

اتمنى ان تعلمني على افضل برامج المساعدة للبرمجة

حيآك الله وبيآك ،

طيب من وين نبدأ طآل عمرك

مشروع جميل وبذات بعصر الانترنت السابق يمكن الان يكون قل عن الفتره السابقه ولاكن برضو مشروع مريح وممتع

انا دخلت مرا ولاكن كانت دخلتي خجوله ما استمريت ولا حاولت اتعلمها

واذا تقدر تفيدنا بالمجال هاذا اكون لك من الشاكرين

تحياتي لسموك

روووووووعه ممكن تدلنا على مواقع تقدم دروس للمبتدئين
وش تنصحني ابدأ بأي لغة

لي عودة اليوم للإجابة على كل تساؤلاتكم

السلام عليكم .. كل الشكر لك أخوي خالد و جزاك الله ل خير على حسن نيتك و مساعدتك

بإنتظارك للرد على تساؤلات الأخوان .. و أيضآ متشوقين و متحمسين للدخول في هذا العالم

و انا لدي بعض الخبره في مجال ( شبكات الكمبيوتر ) .. و سبق ان اشتغلت على برمجة الهواتف الثابته
لنظام تابع لشركة اريكسون المعروفه ,,

بإنتظارك يالغالي

السلام عليكم

اخوي الغالي الله يوفقك و يرزقك علی نيتك وماقصرت يالغالي

لدي تساؤل بسيط وهو هل لازال لهذة الشغله و هجها الی الآن لانه بعد انتشار الجوالات و الذكيه و برامجها خف الاقبال جدا علی المواقع و المنتديات؟؟

الإخوة الكرام شرفتني تعقيباتكم .. أحب أن أنبه على كل من راسلني خاص بأني رديت عليهم جميعا لكن المنتدى للأسف مايبين لك هل تم إرسال الرسالة أم لا .. كما أنها لاتظهر في الرسائل المرسلة !! اللي ماوصله ردي فالمشكلة في الرسائل الخاصة ولم أهمل أي رسالة