[align=center]صباح الخير ...


فتحت معي جدارة اليوم ... وطلعت لي وظائف

مساعد إداري .. بهيئة التحقيق والإدعاء العام بكذا منطقة

ومفتشة نساء .. بالأمن العام بكذا منطقة ..


الغريب أنها كلها تتطلب مقابلة ..!

حتى مفتشة نساء الي بالمفاضلة الي فاتت كثير تكبرو عليها صعبوها وسوو لها مقابلة

من يعرف يا اخوان ويا اخوات عن طبيعة هذي المقابلات ؟
يعني ممكن يستدعو كذا وحدة ويسوون معهم مقابلة ويختارون منهم .. ولا الي تترشح يعتبر قبول
نهائي والمقابلة شكلية ..

أخترت كذا رغبة وبعضها برا مدينتي .. يعني ممكن أترشح بوحدة ويطلبوني للمقابلة وما أعدي منها ومايطلع لي إلا تعب السفر والمرمطة[/align]

راجعي كل جهه ايش اعمالها
الاساسيات اطلعي عليها
وطبيعة الوظيفة واطلعي على تجاب سابقة
بالتوفيق

في موضوع للمقابلات وتجاربهم بالمنتدى

السؤال هل المقابلة شرط للقبول .. ولا تعتبر إجراء شكلي بعد الترشيح ؟

كما ذكرت بعض الوظائف خارج منطقتي وتتطلب سفر ..

اتوقع انها شرط للقبول لانه لايوجد اختبار
لانها تعتمد على شخصية المتقدمة بعضها تتطلب صفات معينة
والله اعلم

طيب يحطون لنا مقابله على أي اساس وهما وظفونا بمكان غير تخصصنا ولا نعرف شي

حسبي الله عليهم حرمونا من التعليم واجبرونا على هالوظائف

^^^


هذا الي ماندري عنه ..

مادري ليش كل مفاضلة يصعبونها علينا ... المفاضلة الي فاتت كان التقديم متاح بدون شرط المقابلات

الحين صار شرط ,,

وحنا ماندري عن هالوظائف إلا مسمياتها

انا كمان طلع عندي مقابله انا تاريخ ايش عرفني في كاتب او مساعد او مفتشه
الله يعين ويرزقنا الرزق الحلال صارت الوظيفه حلم

من أبسط حقوق الجهة إنها تعمل مقابلة. صعب التوظيف على عماه. يعني فيه وظائف تكون الشخصية فيها مهمّة أكثر من المؤهل.

الأمن العام جربوا المرة الماضية ولهم أسبابهم في اشتراط المقابلة للتعيين.

وأعتقد إنها تعني قبول أو رفض. مثل باقي الاختبارات لما تكتب جنب الشاغر غنه يتطلب اختبار فهذي تتطلب مقابلة للتعيين. والله أعلم.


إنتي توكلي على الله. والله يوفقك.