السلام عليكم ورحمة الله وبركاته
اخباركم إن شاء الله طيبين
زبدة الموضوع ، انا طالب في كلية التقنية الترم الثاني لي ، المهم ان النفس طابت من الكليه ومن تهديد مدرب لنا بالرسوب جميعاً ، علماً بإن معدلي 4.45 من 5 تخصص قوى كهربائيه ، المهم انا قدمت ف البحريه ، مشاة بحري والطول المطلوب 165 ، ونا تقريباً طولي 163 ، تتوقعون يقبلوني ، مع إمكانيه استخدام واسطه وهي اخر حل ، وكيف التخصص كويس ولا ، وشكراً لكم واعذروني على المقدمه الطويله

من ناحية الطوول ازهلهاا
البحرية مافيها تشديد وجميع وزارة الدفاع مافيها تشديد و اجراءاتها سهله الطول بعض التخصصات فيها تشديد
و نصيحة كمل تقنية مدام انك قربت تتخرج وﻻ عليك من المدرب حقكم جمع لك كم طالب وقدمو شكوى ضده البلد مهي فوضة ذا مستقبلك
بالتوفيق لك
ملاحظة انا طولي 168 والبحرية و الجوية زادوني طول 170 ههههههههههه

شكراً لك اخوي على الرد الرائع ، بالنسبه لي نفسي طابت من الكليه خلاص ، معد ابيها ، أملي في البحريه

الله يوفقك يارب

والله يالغالي كل شي بالواسطه يصير
بس نصيحة محب معدلك كويس حرام تفصل
كمل التقنيه واول ماتتخرج تعلق وكيل رقيب احسن من الجندي

الله يسعدكم جميعاً ، لحد الأن مني مستعجل عالعسكريه ، بحاول اقنع نفسي اني اكمل ، مع ان النفس طابت خلاص من الكليه ، والله يعين ، شاكر لكم جميعاً ..