السلام عليكم ورحمة الله وبركاته


انا الحمدلله ترشحت لمقابلة في جامعة الملك سعود محلل نظم على المرتبة السابعة

وترشحت لمقابلة في المؤسسة العامة للتأمينات الاجتماعية المرتبة وظيفة مبرمج المرتبة
42( أتوقع)

يمكن ما أقبل فيها كلها

لكن سؤالي لو فرضا انقبلت فيها كلها مين الأفضل ؟ وله الأولوية ؟

سواء بالراتب أو الاجازات أو طبيعة العمل ؟



شاكرة لكم

الله يوفقك

ماعندي علم عن الاجازات والراتب بالامكان تروح وتسئلهم

بس انا من الاشخاص اللي اروح لتأمينات الاجتماعيه بشكل متكرر بسبب معامله متوقفه

اشوف المبنى فاضي والموظفين جالسين لاشغل ولا مشغله لانو صار كل شي عن طريق الموقع

ماعرف عن تخصصك ومسمى وظيفتك هل فيها كرف او لا

اتمنى لك التوفيق ولي بجامعة الملك سعود ويعلنو الاسماء هههههه

الله يجزاك خير على الرد

والله يوفقك وتنقبل في جامعة الملك سعود


ابي ردود ثانية
لأني فعلا ما اعرف الفرق بينهم ):

أنا أقولك التأمينات و بدون تفكير لأنها أفضل كراتب و مستقبل

لكن عمومًا الأفضل في مثل هذه المواقف ( ركعتين و دعاء الاستخارة ) و ربك بيدلك على الأفضل بإذن الله

بس مثل ما قلت لك التأمينات أفضل من الجامعة كراتب و مستقبل


وفقك الله ،،

التأمينات الإجتماعية افضل بمراحل كبيييرة عن جامعة الملك سعود لعدة أسباب :
اولا / التأمينات لها كادرها الخاص ولها استقلالها المالي والاداري ومالها اي علاقة بأي وزارة
ثانيا / المميزات الوظيفية اللي تقدمها التأمينات لموظفينها ( مكأفأة شهرية عبارة عن ٢٠٪ من الراتب الاساسي تنزل مع الراتب كل شهر - التأمين الطبي - بدل السكن - مكافأة رمضان عبارة عن راتب شهرين من الراتب الاساسي في اول ايام رمضان غير الراتب الشهري - الابتعاث الداخلي والخارجي )
ثالثا / الترقيات بالتأمينات باستمرار دون اي تطويف من ثلاث سنين ونص الى اربع سنين
رابعا / الدورات التطويرية باستمرار

التأمينات بلا اي منازع ..