نبي نعرف إيش الإسئلة الي تطرح في المقابلة الشخصية .. غالباَ ؟!

عندي مقابلة ع وظيفة" إداري" مستشفى الأمل.. وماعندي خلفية عن طريقة المقابلة وطبيعة

الإسئلة ياليت إلي سبق وأن عمل مقابلة يفيدنا بتجاربة ولو خارج القطاع الصحي..

والله يجزاكم عنا خير الجزا

حط ببالك ان الاسئله ممكن تكون استغزازيه والهدف منها اختبار ( شخصيتك )
تعال بكامل اناقتك وبأعصاب من جليد ، وحاول تقرا عن المستشفى معلومات اساسيه وكذا
جهز نفسك لسؤال ( تكلم عن نفسك ) لا تمجد نفسك كثير ولا تستهين فيها خلك متوازن ، لا تكثر حكي ، تكلم بعد ما يطلب منك ، انا كنت اعتقد اني اسيطر اذا كثرت حكي هههه بالنهايه يشوتوني ، اهم شيء لا تخليهم يجرونك للامور السياسيه او اي شيء حساس ، خلك مثالي ، وترى الامور سهالات بس وسع صدرك وانا تفلسفت لكن اعتبرها نصايح وخذ وخل وبالتوفيق

جزاك الله خير أخوي ,, ماقصرت وافي بشرحك بالعكس استفدت منك كثير وشكراَ

بالتوفيق ان شاء الله

والاخ سيف ماقصر

يعطيكم العافيه

اخوي انا عملت ٣ مقابلات لثلاث شركات الاولى والثانيه اللي كنت متخوفه منها كانت عباره عن سوالف وماتستاهل الاستعداد اللي استعديت فيها وكانت مع شخص واحد
بس المقابله الثالثه كنت متوقعتها سوالف مثل اللي قبلها وانصدمت بعده اشخاص يجرون معي المقابله ونشفو ريقي بالأسئلة واللف والدوران
اهم شي تكون واثق من نفسك وتجاوب بدون تردد
اول سوال وهو المعتاد تحدث عن نفسك باللغه الانجليزيه او العربيه
بيسالونك عن تطوراتك المهنيه وعن مجال تخصصك وايش درست بهالتخصص

من الاسئله اللي جتني بالمقابله وفيها فخ وكمين ��
قالت لي الموظفه عندنا نقص في قسم للفلاني الي هو اصلا خبرتي فيه قالت أبغاك تجيبين لي موظفات من المكان اللي كنتي تشتغلين فيه
طبعا انا رفضت وبينت ولائي للمنشئه اللي كنت فيها واللي معها يحاولون ويقولون اجل مدام لك هالولاء ليه تركتيهم وجيتينا.
والحمد لله طلعت من محاولاتهم بسلام
فلازم تاخذ ببالك كل التوقعات واحيانا بيسالونك أسئله مالها اجابات بس يبغون ردت فعلك
ولو كثرو الاسئله المستفزه خلك مبتسم وتقبلها بصدر رحب