أول شي حياكم الله جميعا العاطلين والعاطلات
وثاني شي الحمدلله لقيت وظيفة تمشي الحال براتب 1800 ريال وداومين والبركة فيكم وفي جهودكم والفال لكم انشالله وعسى الله يوفقكم .
استفساري هو متى التقديم في وزارة التربية والتعليم في أي شهر وأي يوم
لأن الاعلانات اللي حطوها بالجرايد العام الماضي وهقتنا حسبي الله عليهم
رحت للوزارة وقالوا التقديم كان عن طريق موقع الوزارة وتقفل التقديم عندهم ذاك الوقت
ياليت اللي عنده خبر يقولنا لاهنتو
1800 في هالزمن وش تسوي بالله عليكم لكن الحمدلله على كل حال

يعطيكم العافية

بالتوفيق يالغلا ...


الله يقطع بليسك .. ذكرتني بالتوقيع توقيعي نفس الشي .. من نفس كليه الـ قذارات والـ....... الله يكرمكم آسف على التعبير بس من اللي شفته منهم الله يكفيني فيهم بما يشاء


بالنسبة للتقديم ,أول مره أسمع بتقديم وظايف عن طريق موقع التربية والتعليم !!!

صدق أخوي اللي قبلي يوم قال 1800 أحسن من لا شيء ...

ولكن أذكر مكتب توظيف كانت عنده وظايف قبل كم يوم راتبها تقريبا 3000 بس أهم شي أنقليزي ولكن يدبرونها لك .. يعني أنجليزي بسيط .. إذا بغاها أحد يقول لي على العام للفائده للجميع ..

نصيحة من مجرب لكل العاطلين والعاطلات ((قبل النصيحه تذكير مهم وهو :-رغم أن لي ظروفي الخاصه للعلم فهي نصيحه يعني ليس معناها أني نسيت ماتعلمت بالعكس فأنا عندي دورات كنت دائم المراجعه للمقررات الدراسيه ولله الحمد والمنه ... ولكن الوظائف التي قبلت فيها كانت ليس على نفس التخصص بل كانت في مجال المبيعات ووظائف أخرى دون المستوى بكثيرررر )))

لكن لامانع من ذكر مايقع فيه - الكثير من العاطلين والعاطلات - :
أنا لي الآن سنة وكم شهرعاطل بديت أنسى بعض المعلومات اللي درستها وكان همي أن أحصل على وظيفة ممتازه ... والحين ماأستفدت أي شي ... ضيعّت فرص عمل كثيره ...بسبب الراتب ... وأنصح الجميع على عدم تضييع أي فرصه مهما كان الراتب لأسباب منها :
لكي لاتنسى ماتعلمته
ولكي تأخذ شهادة خبره
ولكي تستفيد من وقتك
ولكي يكون عندك مردود مادي أفضل لك من العطاله

آسف على الإطاله وعلى التعديل اللي خرَب التعديل المطلوب


الله يوفقنا والمسلمين بالدنيا والآخره ..

طيب بدل ال1800<<< والله ما تكفي للأسف هذي الايام حاول تركز على ان تكون مؤقته ودورلك شي ثاني ..


محلات الملابس الماركات العالمية مثل (زارا, نكست) وغيرهم يوظفون السعودي في البيع براتب 2500 شهريا ودوام فترتين برضه .. التميمي وبنده عندهم تشتغل كاشير براتب 2000 ودوام واحد متصل 9 ساعات .. برضه جرير يوظفونك ممكن كاشير براتب يوصل بين ال2500 الى 3000 .. من جد خليها مؤقته اللي معك الحين والحمدلله عليها وشوفلك شي ثاني ..


1800 في سنة = 21600 ريال سنويا
بينما 2500 في سنة = 30000 ريال سنويا .. الفرق 8400 ريال في السنة ..
3000 في سنة = 36000 ريال سنويا .. الفرق عن الثاني 6000 ريال وعن الأول 14400 سنويا ..

بما انك معك شهادة يعني اكيد تلاقي الوظائف اللي ب3000 .. لا تيأس ..

اعرف ولد عمي معه بس ثانوية عامة ويشتغل في احد الشركات في جدة في حجوزات الطيران وتقريبا معقب يخلص امور الشركة ويعطونه 3800 شهريا ..


اتمنى اخدمك بنصيحتي لا أكثر


ماجد

أسفرت وأنورت ياخريج تسويق
هذا اللي أنا بسويه وانا أخوك راح أدور غيرها
بالنسبة لوظايف بثلاثة الاف للي معه شهادة والله مابقيت شركة ومكان الا رحت له مايطعوني وجه ولا حتى مقابلة شخصية لدرجة ان فيه شركة مارضت تعطيني ورقة مكتب العمل واشتكيت عليهم وراح يوقفون عنهم الاستقدام ونقل الكفالات وغيرها لين يراجعون المكتب ويردون لي خبر عنهم وهذا رابط لمعاناتي
https://www.btalah.com/showthread.*****..ge=1&highlight=

بالنسبة لوظايف الكاشير والمبيعات ماتناسب تخصصي والوظيف اللي أنا عليها في مجال
الحاسب على الأقل
شاكر لك نصيحتك أخوي وبالتوفيق
شاكر لك مرورك

ياليت اللي عنده خبر من المشرفين والأعضاء يقولنا
وفيه ناس مايدرون عن هالتقديم

يعطيكم العافية

ماشــاءالله تبارك الله
الف الف مبــــــــروك مبــــروك..

لاتستهين ب1800 ريال خير وبركه ياطويل العمر..
ومنها:
1/تستفيد انك تاخذ خبرة تقوي فيه شهاداتك
2/تغير جو ونفسيتك..
3/ماتدري يمكن الله يسخر لك احد من خلقه في هالوظيفه اذا اثبـت وجودك ..ويصير بدل 1800 ... تصيــر 18000 ريال..بزيادة(0) فقـط^_^


ولاتنســى وانت على راس العمل ابحــث ..


اللــــــه يوفقـكـ يارب..

على حسب علمي انه اذا انت مسجل في التامينات الاجتماعية وراتبك اقل من 2000ريال
تعطيك التامينات زيادة على راتبك على حسب الشهادة (اتوقع مايقل عن 1000ريال )
هذا الكلام قالة لي واحد وحالف ايمان
انا انصحك انك تسال في الموضوع هذا وانشاء الله يطلع الكلام صح