السلام عليكم
عندي استفسارات بخصوص صندوق المئويه
1- ما اقصى حد للتمويل
2- هل يطول الانتضار للتميول
3-لو كنت موظف حكومي هل من الممكن ان احصل على قرض
4-طيب لو ابغا افتح مشروع تاجير سيارات كيف موافقتهم
5-هل ياخذون فوائد
6-طيب لو مايخذون فوائد هل هي منحه
7- طيب كم مدته القصد لو اخذته منهم 100 الف
8- هل يحتاج كفيل لو كنت عاطل
9-طيب لو خسر المشروع هل عليه تسديد المبلغ
10-طيب لو عرضت عليهم اكثر من مشروع هل ينفذوها لي كلها
11-طيب لو اخذته قرض منهم هل احرم من وظيفه في الدوله في المستقبل
12-طيب لو بفتح مشروع في محافظه هل يوافقون
13- هل هناك دفعه اولا وكم هي

السلام عليكم
إجابات اسئلتك كالتالي:

1- 200الف ريال قابلة للزيادة في حالات خاصة(على حسب المشروع وجدواه الإقتصادية).

2- نوعا ما،أنا قدمت طلبي وردوا علي بعد ثلاث اشهر تقريبا علشان المقابلة،بعدها بشهرين ابلغوني بالموافقة،وسبب تأخيرهم ان اللجنة حقتهم إجتماعها دوري والظاهر انه كل ثلاث شهور.

3- نعم ممكن بس بعد مايوافقون على مشروعك وإذا جاء توقيع العقد راح يطلبون منك تترك وظيفتك وتجيب لهم إخلاء طرف من جهة عملك (هذا السبب اللي خلاني ماأكمل معهم).

4- المشروع يقيمونه حسب جدواه الإقتصادية،يعني إذا كان ناجح وممتاز راح يوافقون،نوع النشاط غالبا مافيه تدقيق.

5- لا ،قروضهم قروض حسنة اي بدون فوائد

6- لا، اسمه قرض يعني انت مطالب بتسديده.

7- هم يعطونك مدة أقصاها 5 سنوات مع فترة سماح 6 اشهر من بداية المشروع،وأنت تقدر تحدد مدة الأقساط ومدة السماح،وهذه أحلى مميزاتهم.

8- لا بدون كفيل

9- عزيزي هذا اسمه قرض يعني أكيد راح يطالبونك بالسداد وماعليهم إذا مشروعك خسر او نجح،ولو ماسددت راح يسحبونك عند الحقوق المدنية

10-ماأدري بس ماأتوقع انهم يوافقون حتى يكون فيه فرص لك ولغيرك.

11-مافهمت سؤالك زين،بس ان كان قصدك هل اخذ القرض منهم يعتبر مانع من انك تتوظف في الدولة،فالإجابة لا،يمكنك العمل في الدولة او غيرها.

12- اكيد،مادامك في السعودية فمافيه مشكلة.

13- لا،بس لو حبيت ماراح يقولون لا

أخيراً هذا موقعهم راح تلاقي فيه الشروط وكافة التفاصيل،أيضا التقديم عن طريقه.

http://web.tcf.org.sa/new/

ختاما اتمنى لك التوفيق ولبقية الإخوان

الله يعطيك العافيه ماقصرته كفيته ووفيته
بيض الله وجهك

الله يوفق الجميع