ولد خالتي كان مصاب برباط صليبي المهم اجتاز الكشف الطبي مدري وشلون ممكن بالواسطه المهم دخل الدوره وقبل لا تنتهي باسبوع لاحظوا انه يعرج فاستبعدوه ، اتمنى ما يصير لك مثل ما صار له

من المحتمل اعاده دورة .. او طي قيد

ما احطمك .. بس استبعاد

حسب الضباط والمدربين الي عندك اذ انهم رجال كفو ومايبون يقطعون رزقك بيساعدونك ويغطون عليك كان واحد بدورتنا بعد ال45 يوم واحد سمين يبي ينقز من السور يجيب عشاء طاح وانكسرت رجله وهو يبي يهرب مو تدريب مثلك بس المدربين غطو عليه ومشت اموره . الله ييسر امرك

اذا انت بالامن العام الله يعينك
كان بدورتي بالجوية واحد ب ٤٥ سوا حادث والله اعلم او طاح المهم ان الرجال تكسر تكسير مايمشي الا بعكازات
وقت الحصص والجزاوات والتكميل جالس بالمهجع لين تخرجنا وتخرج معنا الحمد لله
الزبدة اذا مدربينكم كفو والرقباء
امورك تمام وان شاء الله ماعليك خلاف

الله يجزاكم خير ياللي رديتوا ودعواتكم إن شاء الله تتسهل

الله يوفقك ي رب

حسب المركز
احنا ف حرس الحدود خلصنا ال 45 ومن بداية الدورة فيه 2 مكسورين وعلى عكازات ولا طردوهم ولا شي

على حسب مدينة التدريب

الامن العام حسب الي نسمع من خويانا .. اذا كانت اصابة وراحة طويلة ياخرونك دورتك ومثلها الدفاع المدني

اما دورات الفرد الاساسي الغالب منها يتجاوزون واعرف زملاء دورته كلها ٤٥ يوم والباقي ع السرير متبطح لين تتخرج