السلام عليكم

اخواتي المعلمات والاداريات الله يسلمكم ابغى استفسر منكم عن

الاجرائات حقت التعيين .. اتمنى محد يقولي اتعيني اول بعدين انا ابغى اخذ المعلومة من الحين

يعني الحين لو طلع اسمي واتعينت بإذن الله

اروح مكتب الاشراف طبعا

سؤالي متى يعطوني التعريف عشان البنك افتح حساب

وبعد ما افتح حساب اعطية المديرة او لازم اعطية مكتب الاشراف

والتعريف حق البنك يكون مكتوب فية الراتب كم او لا

وشكرا

انا غير تربوية يعني ادارية

الله يرزقك من واسع فضله

اذا عندك حساب باحد البنوك تروحين للبنك وتطلبين منهم ورقة فيها الايبان حق حسابك وتروحين لقسم الرواتب في شؤون المعلمات وتعطينهم كذا ورقه منها هذي حقت البنك ومنها ورقة مباشرتك بالمدرسه وورقه بدل تعيين وصور من بطاقة العايلة او الاحوال

ورقة البنك مالها دخل فيها المديره
لكن ورقة بدل التعيين وورقة المابشرة لازم توقيع المديره

وبس ربي يرزقك ويوفقك

قلتيها بنفسك اتعيني اول وبعدين فكري بالامور الثانوية

ربي يوفقك وتتعيني وتكرفي

ههههههههه
كمان الخطوات بالتفصيل ههههههه
و إنتي لسا حتى اسمك مانزل الله يكملك بعقلك

اول شي تطابقي في الخدمة المدنية وتنتظري حتى ينزل اعلان منهم يحدد المكان اللي راح تسويمقابلتك فيه بناء على المناطق اللي انتي اخترتيها
بعدها تدخلي بوابة تكامل تحددي موعد المقابلة الشخصية وتروحي ومعاك شهاداتك ويعطوك ورقة الكشف الطبي ورقة الايبان ضروري جداً تكون معك وقت المقابلة اخر شي تنتظري المكان اللي يوجهونك فيه اذا في نفس المنطقه او قراها وتطبعي ورقة المباشره من بوابة التكامل
ان شاء الله تبشرينا قريب انك اتعينتي

الله يوفقك اختي ويرزقك من واسع فضله ان شاء الله
وتبلغينا بخبر تعيينك عما قريب بإذن الواحد الأحد ...


عموماً اتوقع تختلف الاجراءات اذا كانت تعليميه او اداريه او غيرها
بس ان شاء الله تحصلين الاجابه الشافيه لإسألتك

وبالتوفيق ياعسل

الله يوفقك ويسهل امرك / اذا طلع اسمك ان شاء الله تبداء مرحلة المطابقه طبعا تروحين معك وثيقة التخرج وكرت العائلة طبعا الاصلي ومعه صور تبداء مرحله تدقيق البيانات يعني راح يشوفون اللي مسجل بالوثيقه من معدل ونسبه وسجل المدني والاسم وسنه التخرج واسم الجامعه مطابق للي ادخلته بالنت او لالا بعد كذا في شي اسمه الفحص الطبي يعطونك مكتب الاشراف ورقه توجهك للمستشفي انه يسون لك تحليل طبعا بعد قبولك / بعد كذا تختارين اسماء المدارس اللي ترغبينها / وبنسبه للراتب افتحي حساب من الحين لانه الاداره راح تطلب منك رقم الايبان مختوم من البنك وعشان ما تتاخرين سويه من الحين طبعا انا قلت لك اللي اعرفه بحكم اختلاطي بالعالم / ولا تندمين انك توظفتي اداريه تراه افضل مليووون مره من التدريس وبنسبه للرواتب السلم العام ان شاء الله راح تتحسن رواتبهم مستقبلا بس انتي خل عندك قناعه ورضاء بما قسمة الله لك وربي يوفق الجميع اداريات ومعلمات / اتمنى اكون افدتك باللي اقدر عليه وجميل انك متفائله انك راح تتوظفين لان هذا من حسن ظن الانسان بربه وبشرينا وش صار معك

بالتوفيق ي عسل وان شاء الله تتم امورك من احسن مايكون