انا انقبلت في كلية الملك عبدالعزيز الحربية وخلصنا نص ال45 يوم وانا اريد الإنسحاب منها لأن اهلي بعيد مني وانا ماني من الرياض واريد القرب من اهلي وان شاء الله اكمل الجامعة وش تنصحوني يارجال

حررررررررام عليك
لاتنسحب يارجال
اهلك ينتظرونك تتخرج ويفرحون بك
والايـام تمممم ـشي ..
لاتفكر كثيـر وسهـآلات ان ششاء الله
وتذككر ان غيي ـرك يتمنـاها ..
والله يـو فق ـك

اغلب المقبولين من مناطق مختلفه !! لا تحسب انك الوحيد

وقربك من اهلك يعتمد على تخرجك وان شاء الله تتعين عندهم

كلها شهور وانت مخلص بإذن الله ، حط في بالك ان خروجك مو ضار الكليه بشي بيجيون من الاحتياط مكانك

الله يوفقك ان شاء الله

نصيحة لك وانا اخوك لاتسحب ابدا والله مثل ماقالوا الاخوان اهلك واصحابك واحبابك ينتظرونك تتخرج وترفع رؤوسهم ويفرحون فيك السنين تمشي بسرعة والله ياخوك اني اعرف ناس بالكليه ومتغربين وبعضهم بالغصب يلاقي المصروف لكن يدورن لقمة العيش وصابرين حتى ياخذون الوظيفة اللي تسعدهم على قد ماصبروا ونالوا ماابغى اطول عليك لكن يعلم الله ان الكلام طالع من قلبي واعتبرك مثل اخوي يشهد الله

وانت احسبها وانا اخوك تدرس 4 سنوات او 5 سنوات جامعه وبعدها من بيضمن لك قبولك بالكليات العسكرية
والحين انت بالدورة ودورتكم على مااعتقد كلها 3 سنوات وتتخرج بنجمه فكر فيها زين ياخوك اسمع كلامي زين واسمع كلام الاخوان لاتفكر ابدا في البعد اهلك فرحانين فيك والله

سلامات يبوي كمل كمل كمل وتعوذ من ابليس ... اهلك فرحتهم يشوفون النجمه على كتفك والله كلن يتمناها وصدقني فشيله وعيب وتعتبر رخامه وتعتبر منت رجال الناس بيقولون م فيه خير والى آخره بس م راح يدرن علشان اهلك بيقلون م تحمل دوره شلون يتحمل امور الدنيا الباقيه ي اخوي ترا كلها اسبوعين بعدين تصير دراسه مواد وتنسى هرول وثابت وماهو انت لحالك بعيد عن اهلك انا اخوي في الكليه الجويه وبعيد عننا ةغيرك ناس كثار فكر فيها يالذيب ,,, الرجال الي بالكليات م هم اطيب منك

حرام والله

الأفضل والمضمون الكلية

اما الجامعة ماتدري نسبة القبول بعد التخرج ٥٠٪

يمكن ماتلقى وظايف .. الرخامة هي الانسحاب

ياخوي كمل ليه تنسحب دامك خلصت ال 45 يوم ليه تنسحب
في ناس يتمنون يكونون مكانك وبعدين حتى لو دخلت جامعه
تجلس 4 او 5 سنوات وفي النهايه عاطل ناس كثير جامعيين وعاطلين
لاتفشل اهلك جايهم وانت منسحب من الدوره وكلام الناس كثير
ياخوك النجمه مافيه مثلها راتب + منصب وبتجيك ترقيات وبترفع راس اهلك
تعوذ من الشيطان وكمل نصيحة محب كمل واعتذر عن الاطاله

انت في نعمه كبيره لم تشعر بها حتى الان صدقني ولكن بمجرد التخرج صدقني بيروح التعب وتتغير النفسيه ونظرتك الى الافضل ومن ناحيه لو انك انسحبت صدقني الجامعه التخصص مو على كيفك وثاني حاجه حتى لو تخرجتك الوظيفه مو مضمونه والله الخريجيين الجامعيين الان كثير جدا وانا جامعي تخصص لغه انجليزي وعاطل وكثير من زملائي عاطلين من الدفعه السابقه وزملائي الحاليين والله مافيه وظائف ياجماعه والله . والله يوفقك واتمنى ان تستمر وتتخرج ملازم وعمرك 21 وراتب جامد ومستقبل ممتاز . بالتوفيق يابطل

خلك في الكلية تعب فترة ولا تعب العمر كله شف الجامعيين جالسين ببيوتهم عاطلين انت 3 سنوات وتتخرج ضابط والضابط مستقبله حلو ترقيات بجيبك وراتب ممتاز وظيفة ممتازة . انا كانت امنيتي الكلية ونسبتي امتياز بس ماكتب لي ربي ودخلت فرد . بالتوفيق

حط في بالك ان ربي عطاك رزقك لين حدك ..
الكلية فيها فقط 500 طالب او اظن 600 من اصل 30 الى 50 الف طالب متقدم ..
ليش ربي اختارك واعطاك هذي النعمه من بينهم ؟ لانه رزقك ومكتوب لك ..
لازم تصبر عليه ،وتكد ، ياخوي مافي شي ترا يجي ب الساهل ،
بعدين لازم كلنا نتغرب،مستحيل كل واحد يجيه رزقه وهو عند اهله
حتى لو الحين خرجت وكملت جامعه بعد الجامعه بتتغرب ، الحين الواحد من المستحيل يحصل وظيفه حكوميه بمدينته،الخريجين الجامعين زي الرز،والعالم الحين قلبت ماستر البكالوريوس ولا شي ،

انت فقط خلص ال 45 يوم وشوف كيف بتتغير نظرتك
ولله ي رجال اني اعرف واحد ب الكلية يقولي الكلية دلع بشكل مو طبيعي مو مثل زمان الكرف من جد
من لما جاء ظافر الشهري دلعكم ،النظام اليومي حقكم تغير ،حاجات كثيره تغيرت

لازم تصبر ع ال 45 يوم وتكد نفسك،حط قدامك المستقبل والنجمه هدف ،واتعب عشانه
لو طلعت الحين بالعكس بتطيح راس اهلك وتعرف وش الي يقولونه عن الي يطلع من الدورة العسكرية
بتتغير نظرة الناس لك،ولو ربي ماوفقك مستقبلآ بتقعد ندمان طول عمرك على هذه النعمه الي ربي عطاك هيا وانتا رديتها .

كلام من قلبي لان اعرف واحد انسحب ومره كتب موضوع هنا ب المنتدى بعد انسحابه ب سنتين وقعد يشكل وتقدر ترجع ورا كم صفحه وتحصله انسحب من نفس الكلية نفس وضعك خلال ل 45 يوم
والحين ندمان اشد الندم لانه حس بقيمتها،اخوياه تخرجو والنجمه على كتوفهم واحلى وظيفه وضمنو المستقبل
وهو باقي متحفر ب الجامعه لاتخرج ولا في شي مضمون في يده،
الجامعه ترا تعب وبحوثات والتخصص موب بكيفك،واصلآ ماتضمن شي الحين بالجامعه شوف كم عدد الخريجين كل سنه وتتفاوت الارقام والعاطلين كثر شعر راسك،ولله لو تفوتها تندم اشد الندم وصدقني بتحس بقيمتها بعدما تشوف اخوياك معلقين النجمات وماسكين مناصب بالمستقبل وانت تقول ااااخ ليتني كملت معهم ومسكت هذاك المنصب

نصيحتي لك ،اضغط ع نفسك،انت الان رجل تعتبر قائد مستقبلي،لازم تنضغط وتنكرف عشان تنجح كـ قائد مستقبلي،كيف تبغى تجي قائد وانت ماحسيت بطعم التعب ؟
لازم تتغرب عشان تحس انك مكافح ومجتهد ومتميز عن غيرك وتستحق هذا المنصب،كيف تبغى تاخذ نجمه وراتب فوق ال13 الف وانت ماتعبت وكافحت ؟
لازم تتعب ي اخوي الغالي ،مافي شي يجي من دون تعب

ولكل مجتهد نصيب .. لازم تجتهد عشان تاخذ نصيبك ومنصبك وترفع راسك اهلك وتعلق النجمه ع كتفك وتصير ضابط قد الدنيا : ) ..

اصبر ي حبيبي اصبر،كلها 3 سنوات وترا تعدي بغمضة عييييييييييين،هي بس ال45 لو راحت انتا بتشوف كيف الدلع ي رجال ،ولله ي العالم فالتها ب الكليات العسكريه ،خصوصا الحربيه صارت احسن من الحرس الحين
الشهري دلعهم دلع مو طبيعي واسئل الي موجودين ب الكلية سابقا تغير النظام100% عن زمان الي هو الكرف ولله الواحد يبكي من عينه ،الحين الواحد يعدي سلام سلام،اصبر بس وشد حيلك


وفالك النجمه ي وحش ،ومنصب قد الدنيا : )