كذا يعني

عطش دنياي

والشعبان مليانه

وانت اللي اذا شفتك

رويتـ

ولا بغيت الماي

عطش يا خل ..،،














نشف ريق الطريق ولا قويت امـر مـن ضيقـه


نشف من كثر تردادي إليـن. انـه تعـب ساقـي


يبي وصلٍ يبل الحلـق مـن حضـرة عشاشيقـه


وانا مثله ابـي وصـلٍ يطّفـي لاهـب اشواقـي


مسافه.. والزمن حولٍ مضى يا كيف تصديقـه !!


كِذا يعني سنه مـرّت مـرورٍ طيّـح اوراقـي ؟!


سنه مرّت وانا مـا غيـر انامـك حلـم وآفيقـه


معلّق في سما التخمين .. لا نازل و لا راقي


اروح / ارجع مع اهجوسٍ تجد فـكـل تشريقـه


تنام الشمس أو تصحى انـا مـا نامـت احداقـي


على رجوى عهـد بينـك وبينـي حـل توثيقـه


عسى قلبك علـى عهـده وفـيٍ صـادقٍ باقـي


رغم ذلك ورود اسمـك فضـح قلـبٍ تخافيقـه


تزيـد ان حـل والسبـه كثيرالشـوق فأعمـاقـي


لأنك مصدر ألهـام القصيـد اعـذب طواريقـه


وحبك داخل عـروق الغـلا مـن جـود خفاقـي


احبك ايه ... وحبـك فـالحشـا شمعـة معاليقـه


ابـي شعلـة فتيلتهـا دفـى .. وشعـاد بحراقـي


احبـك والمشاعـر سافـرت جملـه وتفريـقـه


تجاهـك ليـن بـان الغيـظ واحبـاطٍ بِعشـاقـي


احبك والمـدى صوتـك غـرامٍ صبّـه ابريقـه


وسمعي كاسته جفّـت فـرجـوى صبّـه الباقـي


احبك واكره اغيابك .. غيابك حييييل مـا آطيقـه


هني اللي حضى بشوفك وانـا فـأقبالتـك هاقـي


هنيّـه دفترالتحضيـر .. صفحاتـه وتطبيـقـه


ومرسم بين اصابيعـك وبينـه وصـل وعناقـي


هنّـي كتوفـك بليـلٍ تحـدّر مــن مفاريـقـه


برادٍ لي لفاك الصيـف وان جـاك الشتـا واقـي


هنـي اللـي ورى الشبـاك يغـرّد دون تحليـقـه


تنازل عن حقوقه لجـل يرضـي ذوقـه الراقـي


عجايب والهنا ما لـي بشايـر عـن تباريقـه!!


لجل كلمـة احبـك طالبـك خفـي مـن أشهاقـي


فديتك جـودي بوصلـك كفانـي منـك تعليقـه


و كفى ذاك الطريق اللي تحرّى وصلك وضاقـي


عجز قطر الندى يـروي طريـقً ناشـفٍ ريقـه


وانا مثله عجزت احضى بوصل يطْفـي اشواقـي


.



أحمد الدهيان