السلام عليكم ورحمة الله وبركاته
كل عام وأنتم بخير
اخواني جميع الأعضاء تحيه طيبه
أنا موظف في وزارة الصحه وتخصصي حلو الحمدلله
بس انفتحت عيني خلال الفتره اللي راحت ع شركة تورد لنا فالقسم اللي اشتغل فيه ادوات طبيه
المهم خلال استلامي لهذي الادوات صار فيه احتكاك مباشر بيني ىبين مهندس الشركة هذي وهو من اصول اردنيه ومعه وحامل للجنسيه الكنديه
الزبده فالموضوع انا ماني مرتاح بالدوام ولا هي عاجبتني فكرة الراتب من اساسا وزاد علي ان المدير عندنا سيء بشكل ماهو طبيعي
وعرض علي الاردني هذا اني افتح سجل توريد اجهزه وادوات طبيه وقال انا اعرف كل الشركات والمواصفات الجيده المطلوبه اللي عليك انك تفتح سجل وتفتح عينك ع كل مشاريع وزارة الصحه ،،،
ووراني العقود والله العضيم ياناس العقد اللي اخذينه من المستشفى عندنا ب 7500000 ووراني تكاليف مشترياتهم لم تتجاوزت 3900000 يعني مربحهم فوق 3 مليون وقسم بالله ان الادوات اللي يجيبونها لنا كلها استهلاكيه
اللي ابغاه منكم يا اخوان النصيحه والمشوره مع العلم اني صليت واستخرت وارتحت لهذا الموضوع خصوصا ان الشركات كلمتهم وشفت بعيني اسعارهم مقارنه مع اسعار المناقصات هنا والترسيه
وخصوصا هالمجال الناس غافله بشكل ماهو طبيعي وفيه مم شركة فقط محتكره السوق
يقولي الاردني انتم هنا في نعمه كبيره واستغرب لما اسمع ان السعوديه فيها فقراء



اطلت عليكم ولاكن لاتبخلون علي تكفون بأي معلومه ممكن تفيدني او نصيحه الله يسعدكم
وخصوصا اني نويت اتقدم بأستقالتي مع بداية السنه الميلاديه بأذن الله
عسى الله يكتب للجميع التوفيق والرزق الحلال الطيب المبارك

طيب عندك رأس المال لبداية مشروع كهذا ؟
اللي أعرفه ان الدخول في مناقصات التوريدات يحتاج مواصفات معينة في الشركات المتقدمة منها القدرة المالية .
في رأيي لا تستقيل حتى تثبت رجلك في التجارة

وعليكم السلام ورحمة الله وبركاتة
انصحك في الدخول في هذا الموضوع وخاصة انك فاهم فية ولكن لا تستقيل حتى توقف على رجولك استعين باخوك ابوك زوجتك اي شخص قريب وثقة بفتح السجل وانت اللي تدير المشروع وتبقى في وزارة الصحة لتكون عالم وقريب من مايحصل فيها . واول ماتشوف المناقصة الاولى ضربت معك قول للمدير باي باي
وبالتوفيق

الله يرحم والديك اخوي نخيل لاتنحني ع تجاوبك معي
واحب اقولك ان هذا اللي قاله لي الكندي ان الشركة لاتحتاج الا شي ولحد فقط وهو ضمان بنكي بنسبة 5 بالمئه من قيمة المشروع اللي بتقدم عليه فقطططططط هذا اللي مخلي الناس متوقعه انو شي كبير وان لازم خبره وووو
لا ابدا بس طبعا الموضوع فيه صعوبه بعد ماترسي عليك المناقصه وهو السفر والاطلاع ع المصانع في الدول اللي بتورد منها ..
شكرا من كل قلبي ع تجاوبك معي
الله يوفقك

وحشتني السعوديه يارب مايوحشك غالي
وربي اسعدني تأييدك لي بالمشروع الله يسعدك ياشيخ
وسالفة اني احط المشروع بأسم احد صدقني ماعندي يعني لازم بأسمي او مافيه
الله يرزقك من واسع فضله

وعليكم السلام ورحمة الله وبركاته

وصلتكـ رسالة على الخاص ..



بالتوفيق للجميع

حياك الله اخوي اخر السنه
اوك ارسل بياناتك
وعسى الله يكتب الخير لنا ولك

بالنسبه للاخت حايليه جزاك الله كل خير ع نصيحتك
واما سالفة الولد فالله يرزقه من واسع فضله ولو صار معي فرصه واحتجت احد ابشري
لاكن نصيحه بقدمها لك ( سالفة قريشاتك انتبهي عليها وماهو كل من هب ودب ترسلينها له صاحيه انتي
كان ودي ارسلك رساله خاصه

بالتوفيق

ما قصروا الأخوان معك اسأل الله لك التوفيق والتيسيررر