سلام عليكم اخواني

انا طالب جامعي حاليا

تخصصي كيمياء حيوية Biochemistry

هالتخصص هذا متوفر بالمجال العسكري ؟ " ضابط جامعي " يعني

وايش الافضل من ناحية المميزات والعمل

وزارة الدفاع ، ولا الداخلية ؟

وكم النسب المطلوبة ؟


ووش رايكم اخش المجال العسكري بدورة الضباط الجامعيين ، ولا اقعد مدني ،، ؟

المشكلة ماني عارف وين اروح بعد ما اتخرج بالمجال المدني ،، تكفون مساعدتكم واستشاراتكم يا رجال لا هنتم .

تحية لكم

تخصصك بالأمنية مطلوب ولاكن حسب الاحتياج

بالدفاع غير مطلوب وانصحك بالأمنية

المدنية ما أفيدك لان تخصصك ما اعرف مجالات عمله

ممكن مدنية ياخذونك مختبرات ومستشفيات لاكن نسبة القبول ٪٤٠

لو تخصصك إدارة او لغة انجلش او إعلام او هندسة تنقبل بالراحة ف القطاعات العسكرية

ما ودي أحطمك لكن بأقولها لك بالعربي الفصيح عشان ما تنصدم بعدين ... الكلية الامنية يبي لها "واسطة"

أعرف واحد قدم عليها وكان عنده واسطة وتخطى كل شي من قبول مبدئي وفحوصات واختبارات يعني كل شي ممتاز مابقى غير القبول النهائي

لكن في النهاية سحبوا عليه

يبغالك واسطة قوية من المناصب اللي فوق مو أي واسطة عشان تدخلها

شفني تخرجت وتخصصي حاسب وغاسل ايدي من الضباط والنجوم ان جتني رقيب فهي خير وبركة

اذا ربي وفقك وخشيت الامنية بيكون عملك في الادلة الجنائية يعني عملك بيكون محصور بين جرائم القتل و الاغتصاب و التزوير .. اعطيتك مجال عملك بعد التخرج عشان تكون في الصورة لان غيرك دخل وتفاجأ بعدين بالعمل

الله يكتب لك اللي فيه خير

تتيسر .. بشكل عام الكليات تبي واو

الكلية ظابط ماعاد تقبل الا انتظام ونسب محدده لكن ماتدري قدم يمكن يجيك رزقك واما التعليم ف انصحك اذا منت ممتاز وانتظام لاتقدم اخوي قدم فيه معدله جيد له 3 سنوات ساحبين عليه ولازم قدرات وكفايات ومدري وشو ... المهم اذا ماجت نجمه او استاذ ,,,,,,,, انحش من العسكرية ودور لك وظيفه مدنية راتبها عالي لان القطاع الخاص فيه رواتب عاليه شوف ارامكو شوف سابك شوف معادون شوف الطيران في مجالات متعدده وغيرها كثير لانك لو دخلت العسكريه برقيب تنغبن واخوياك ظباط ومعلمين حتى لو جبت الماجستير تبقى رقيب حتى لو جبت الدكتوراه لن يزيد راتبك بل معك ابو الثنويات وهمجيه العسكر هذه نصيحه مني لك وبالتوفيق

والله ياصاحبي .. انا عندي دبلوم برمجة حاسب صحيح شهادتي ماتقارن بشهادتك .. لكن تبي الصدق الايام ذي ماعاد فيه الا عسكرية ..!
الوظائف المدنية ماتحصلها الا بواسطه حتی العسكرية واسطه ..
قدم علی كلية الضباط تخصصك مرغوب فيها .. اسال الله ان يوفقك
انا الحمد لله انقبلت نهائي في مجال الحاسب بالجيش دعواتكم لي طفشت من البيت ابي الدورة تجي واتوظف وارتاح تعععععععععععبت ..~