بسم الله الرحمن الرحيم .

السلام عليكم , وشلونكم عساكم طيبين ان شاء الله ~
قبل لا أتخرج هالسنه , إتصل فيني ابوي قال : عطني رقم إثباتك < كرت العايله معي انا طبعاً .
وعطيته وقلت ليه ؟ قال يجيك راتب وانت قاعد , انا عن نفسي إستانست ..
طالب ويجيك فلوس والله نعمه , العموم قال لاتعلم احد ووظيفتك جاهزه بإذن الله - قلت ماعندك مشكله .
( وظيفــه خاصــه )
بعد هالكلام بشهر إتصل فيني وقال تعال للديـره الفلانيه علشان اعطيك بطاقة التقاعد , رحت وإستلمتها واحس الوناسه قطعت وجهي .
ورجعت لديرتي وبعدها بإسبوعين قال ياولدي انا ابي سياره بإسمك وخدماتي موقفه ومن هالكلام .
قلت ابد ماعندك مشكله < كنت ابغاه يرتاح ولا يعاني من أيّ شي .

رحت وقالي ترا هذا المكتب الي تشتغل فيه وعلمني وش اقول إذا جانا المندوب من الوكاله , قلت ابشر - وجاء الرجال وانا على المكتب مسوي اطقطق على الكيبورد , كأني موظف ههههههههههههه والله كل ماتذكرت الموقف هذاك اضحك تسثيير تسثيير.
المهم سئلني عن الراتب ووين ساكن و و و اسئله كثيره قالها ابوي قبل لايجي الرجال والحمدلله جاوبت ولا تلعثمت .

ورحت للوكاله مع ابوي وسويت كل الاجراءات - واستلمت السياره وسلمّت ابوي المفتاح وقلت يالله يبه مع السلامه ورحت لديرتي ^_^.

انا حالياً إسمي بالتأمينات الإجتماعيه وعلى رأس العمل - ولا ادري كم أستلم لأن ابوي الي يستلم بدالي ..
معي بطاقة التقاعد ويجي فيها 2500 ريال , وابوي الله يسعده مايصرف على البيت وازعجوه اهلي بالرسايل , وفكر وجابها صح ! وقال ليه ما أوظف ولدي واخذ راتبه واعطيه بطاقة التقاعد على اساس إني اصرف عليهم .

لعب على الحبلين , وخلاني ما اخذ الفلوس كامله لأني اذا خذيتها اتصلو فيه وقال عطهم .
وبعض المرات يقولي خذ الفلوس كلها ؟!
يحاول يرضييني ويرضي أهلي .
المهم صرت أخذ 500 ريال بس .. علشان مايرسلون له وتصير مشاكل < مع إني المفروض اخذها كامله لكن الشكوى لله .


مشكلتي الله يحفظكم إني ما أقدر اتوظف ! وفيه معهدين قبلوني ومن ظمن شروطهم إنك ماتكون مسجل بالتأمينات : )
والمشكله الثانيه إن السياره بإسمي وباقي 4 سنوات وتخلص .

تكفوون والله من رمضان وانا حالتي حاله , وكل ماتقبّلت أمي تقول ليه ماتتوظف ؟ ماتدري إني منكب ولا يمديني .

س : أقدر أدرس ؟ او اطلع بعثـه ؟ وهل اقدر اوقّف اقصاد السياره ؟ وكيف أدري كم أستلم ووين أنا موظف .

الله يسعدكم أتمنى إنكم تردون وأسف على الإطاله .

احس عقلي فتر
يمكن مو اكيد

ادا رحت لتأمينات تقدر تاخد وين مخر عملك واسمك تبع اي شركة مسجل

الله يوفق لك

وفرج عنك

عزيزي
بخصوص الدراسة
صح تقدر تدرس بس حط ببالك بأن المكان الي اسمك مسجل فيه
سوف يتضرر
لأنه سوف يظهر اسمك كطالب وتحسب بنصف في حال لم تتجاوز المنشأة المخصص لها من تعيين الطلاب
وتقدر تتواصل مع الدعم الفني للتأمينات وتأخذ منهم رقم الأشتراك تبعك وتدخل الموقع حقهم وتسجل وتعرف جميع تفاصيلك
وبخصوص اقساط السيارة
مالك الا انك تحولها بأسم واحد ثاني وهو يكمل اقساطها او انك تسدد قيمتها كاش كي تنخفظ عليك المبلغ المقرر اما انك توقفها كذا ماتقدر حتى لو فكرت ترجعها لهم بيحسبون قيمة السيارة بالسوق ويخصمونه من المبلغ المطلوب منك ومانصحك بهل الخيار

شكراَ لكم , ربي يجزاكم الجنه <3.

مثل ماقالوا الاخوان دق على التامينات وخذ رقم الاشتراك وصلح استعلام في الموقع ويطلع لك انت وين موظف

الله يسهلك عليك


ويهدي ابوك

اللي انا فهمته من قصتك .. ان ابوك استغلك بشكل غريب.. اتوقع يتقاضى راتب كبير جداا بدليل انه اعطاك بطاقة التقاعد.. يعني صار العكس.. انت تاخذ 2500 ريال و هو ياخذ اضعافها.. ولا كيف طلع سيارة اقساط؟؟؟
انت لازم تجلس مع ابوك و تضع حد لهذا الشي.. انظر لمستقبلك كيف تتوظف ..؟؟؟ كيف تتزوج؟؟

Up
سبحان الله