الله يفك كربك

الله يفرجلك همك نصيحه اخت اكثري من الاستغفار

الله يفتحها بوجهك

اختي راسليني على الخاص ...

السلام عليكم ورحمة الله وبركاته،،
أختي العزيزة,
مثل ما أشار عليكي العضو محاسب يجب انك تاخدي حقوقك بالقانون,ثانيا الحين صار الاقامه الدائمه وفيه زوجات كتير سووها بالدمام وجده والرياض تضمن لك حقوقك, الله يفرج لك همك ويرزقك من حيث لا تدرين

هـذا موكفو يكون اب
حسبنا الله ونعم الوكيـــل فيه وعليه
وانت ِ عليك بعمل ماقاله لك الآخ محــاسب
عن طريق المحكمه وهي اللي راح تنصفك وتلزمه وتسعد ابنك وهو بجوارك

اقتباس:

المشاركة الأصلية كتبت بواسطة محاسبـ إن كان في مجال لارجاعك انتظري واصبري ان الله مع الصابرين ان كان لا توجهي للمحاكم نحن نعيش بدولة شرع ولله الحمد ولا نعيش بغابة زمن استعباد الاخر واستبداده ولى وانتهى بغير رجعه المحكمه تلزمه بان يستخرج لابنه اوراق ونفقة ثم ان كان لايريدك يطلقك وان الطلاق ابغض الحلال عند الله وهكذا تحفظي حقك وحق ابنك من الضياع ... ولا اعتقد من يرمي ولده هكذا وبهذا الشكل الا لمجنون ولو كانت امه فيها كذا وكذا يأخذ الولد ولا يطشه بالشارع هذا انسان لا يستحق الأبوبة الاف من الناس يتمنى أن الله يرزقه بولد على مر السنوات ولكن........ ما هذا ماذا يحصل بنا ..... والله ان لم ارى اولادي او اسمع صوتهم يوم واحد اشعر بان يومي غير طبيعي والحمدلله الذي فضلنا على كثير من خلقه ....

..... معلش .. آه يآوجعى

الى هقدر افيدك فيه انه النظام ذا تحت الدراسة وبدا تطبيقة في الرياض

وهو اعطاء الاقامة الدائمة لي اي ام اجنبية ... وانا اعتقد هذآ آهــم شى مبدئيا

بالنسبــة للحالــة النفسية عندكـ ...فآنا اتمنى انكـ تخرجي منهآ باسرع وقت وتكونى الام والاب عشآن البيبي الى معآكى ..

((((

الله يعينك

الله يفرج همك
انا عندي من طليقي (مريض نفسي)ولد الحين عمره 5 سنوات والسنة الجايه المفروض مدرسه
اهل طليقي رافضين يعطوني هوية ولدي ولا اي شي من حقوقه
انا لي سنتين ادخل ولدي روضه على حسابي ونهاية السنة افصله عشان ماله شهاده لان ماعنده كرت العايله خايفة السنة هذي تروح عليه
لي سنين بالمحاكم ماخليت كلمت الاحوال وحقوق الانسان و واعي و الاماره محد فادني .....
حطيت معاناتي اللي تشبه معاناتك كثير حتى بتفاصيل خوفك على ولدك من اهلك وهواشك معهم عشانة ..وانا سعودية وعندي ولاية على ولدي مو حضانه ولاااايه وعجزت اخذ كرت العائله من اهل ابوه...شكرا يابلدي

دائما ضحايا الطلاق هم الابناء سواء كانوا صغار أو كبار , سواء كانوا الاب والام من جنسية واحدة او من بلدين مختلفين

الاب يقدر يكمل حياته بعد مايطلق زوجته
والام تقدر تكمل حياتها ايضا

لكن الابناء اذا محد اهتم فيهم يضيعون ,لابد من التنازلات والتضحيات من الطرفين أو احدهم

اعملي اللي عليك واسعي واستعيني بالله, مافيها شي لو واجهتي ظروف صعبه , كل الناس عندهم ظروفهم وعانوا وتعبوا حتى اللي زواجهم مستمر مو مرتاحين

هذه هي الحياة وفيه نساء ربوا اطفال رضع لحالهم وكبروهم لحد ماتزوجوا مو طفل او طفلين لا خمس وست اطفال في ظروف صعبه ومعاناة وألم والحمدلله ربك يفرجها بوقت ما

لاتتوقعين ابداا ان لاقامة او الجنسيه تعني السعادة والراحة صحيح انها حق لكن لاتظنين ابدا انها كل شيء ولا كان كل اللي عندهم اقامة والجنسية مرتاحين ولا كان كل اللي متزوجين مرتاحين,

الطلاق ومعاك طفل يعني مسؤلية يعني تحمل أمانة كبيرة لوحدك يعني قدامك مرحلة طويلة صعبه بتمشين فيها لحالك
قوي نفسك, اسعي اجتهدي خلي هدفك تربين ولدك احسن تربية وتحسنين من حياتك وظروفكم

شوفي قصة وحدة من الاخوات اللي شاركوا في مسابقة الاصرار ضروري تشوفينها
ظروفها كانت صعبه جدا كانت تبيع في بسطة مع طفلها تطلقت وعمرها 14 سنة يعني طفلة ماعندها احد يساعدها لكن بشجاعتها وقوتها غيرت حياتها بعون من الله وفضله . هي الحين صاحبة مركز تدريب معروف وناجح

لاتخلين هدفك فقط الاقامة او الجنسية , ترى مابتسويلك شي ولابتغير حياتك اذا انتي ماسعيتي واشتغلتي وتعبتي وتعلمتي
قولي الله يغنيني من فضله واستعيني بالله

وانتبهي اختي انتبهي من ضعاف النفوس اللي ممكن يستغلون حاجتك وضعفك انتبهي
لاتلجأين لأحد ولاتشكين لأحد ولاتتوقعين من احد مساعدة خصوصا في المسائل القانونية لانها ماتنحل الا بمكانها الصحيح المحاكم والوزارات والشرطة الخ مو مع اشخاص بالخارج
حتى لو احد قالك انا شغال في جمعية وبساعدك
او شغال بالمحكمة وبساعدك
ابداا لاتصدقين , احفظي نفسك الله يحفظك