وعليكم السلام ورحمة الله وبركاتة

اخوي انا لي 4 سنوات مع معانات الضمان الاجتماعي المخيس وشروطها الغبية

بخلال الـــ 4 سنوات هاذي كان يكتب الدكتور إعاقة مؤقتة في مستشفى الشميسي

بعد الــ 4 سنوات هاذي قدمت على الاعانة المقطوعة الي هي 10000 كل سنة على ما اعتقد لكن قالو ما تشملني ليش لأني تحت مسمى إعاقة مؤقتة رحت للمدير عطاني ورقة تحويل للمستشفى لعادة التقرير الطبي رحت للمستشفى علمت الدكتور وش الي فيني بالضبط ولا اقدر اشتغل حالي حال اي احد بالقطاع الخاص شي طبيعي مرضى الانيميا المنجلية ما يقدر يشيل عمره فما بالك في مسؤوليه وشغل بالقطاع الخاص الي هم ما يرحمون اي أنسان المهم بعد الكلام هذا كله ادرجني الدكتور تحت مسمى إعاقة دائمة
لكن ما استفدت شي من التقرير لاني توظفت والله الحمد واستلم راتب دبل راتب الضمان بـ 3 مرات

جوابي لك ي اخي انك تروح للمدير الضمان وتطلبه ورقه للمستشفى وجمعلك بذا التقارير الي تثبت فعلا عطب رجلك جزئياً او كلياً وان شاء الله يتعدل التقرير ويدرجونك تحت مسمى الاعاقة الدائمة والله يوفقك ويوفق الجميع ويشفي مرضانا ومرضى الجميع