بسم الله الرحمن الرحيم
اللهم صلّ وسلم على نبينا محمد وعلى أله وصحبه أجمعين


السلام عليكم ورحمة الله وبركاته

عندي أستفسار عن الوظائف الأكاديميه بالهيئه الملكيه بالجبيل

أول شي أنا شفت هذا الموقع اللي هو تابع للهيئه الملكيه وهم منزلين فيه وظيفة المعيده وقدمت فيه عالوظيفه تقريبا من أسبوع وإلا الأن ماردو ولا شافو الطلب اللي قدمته
هذا الموقع
هنا


عندي أسئله عن نفس الوظيفه
وش الإختبارات اللي يطلبونها ؟ (يعني قدرات الجامعيين وستيب )
وفي إختبار ثاني نفس الكليه تسويه للمعيدات؟
وايش طبيعة المقابله الشخصيه وكيف أستعد لها ؟؟
وهل الهيئه الملكيه توفر سكن للموظفات في الهيئه الملكيه ؟

:::::

وأتمنى أي أحد عنده أي معلومه أكيده عن وظيفة المعيده يخبرنا فيها عشان الكل يستفيد حتى لو كانت بسيطه بس أهم شي تكون من مصدر موثوق واكيده
ولو تعرفو موظفات في الهيئه اسئلوهم كيف أنطباعهم عن وظايفها وينصحونا نتوظف فيها او لا

وشكرا
----
أستغفر الله الذي لا إله إلا هو الحي القيوم وأتوب إليه

في مشكله بالموقع




احذفو المسافه

http://rccis.ba yt.com/ar/login/

ماعندكم علم بالموضوع ؟؟

حسبنا الله سيؤتينا الله من فضله إنا إلى الله راغبون

مشكوره أختي الله يجزاك الجنه

هل الوظائف ايضا للبنين ااول مرة اسمع عن ذا

ايه للجميع
سجلو بالموقع وقدمو على الوظايف اللي تناسب تخصصكم
كلها وظايف أكاديميه طبعا
في وظايف بدرجة معيد ومحاضر وأستاذ
الله يوفق الجميع

قريت الموضوع اللي حطت الأخت رابطه بس مالقيت اجوبه لأسئلتي

ابي احد يكون مجرب هالموقع ومتوظف منه اخاف مقدمه بموقع غلط

اللي عنده معلومه لايبخل علينا فيها

وشكرا

هلا اختي

انا قدمت عليهم وظيفة محاضرة تقريبا شهرنوفمبر السنة الماضية، وتكون الخطوات كالتالي:

1-يراسلك موظف منهم وتعبي ابلكيشن باللغه الانجليزية( بالايميل)
2- تحديد يوم كامل للاختبار من الساعه8 الى الساعه 10.30 ويكون مقسم كالتالي:
* مقابلة شخصية : جدا رائعه وبسيطة جدا اسهل مقابلة مرت علي: تحدثي عن نفسك ؟ ليه حابه تتوظفي عندنا؟ عندك مشكله لو تسكني بالجبيل ؟ مدتها 20 دقيقه عن التخصص

*اختبار انجليزي اون لاين

* عرض بوربويينت لمدة 20 دقيقه هم يرسلون لك ايش الموضوع اللي يبغوه

والحمدلله اجتزت كل هذا واتصلوا علي علشان يعملون اختبار تحريري لانه كثير المترشحين ، ولكني رفضت لانه بفضل الله حصلت على وظيفة

وترى كثير المقدمين عليها تقريبا يصلهم 100 متقدم في كل اسبوع !!كلام السكرتيرة


الله يوفقكم ويسهل امركم وفالكم القبول باذن الله