السلام عليكم ..

كيف حالكم ..

فيه عندي مشكلة انا ياطويلين العمر والسلامة تخرجت من الثانوي وعمري 18 بنسبة عالية فوق التسعين ولله الحمد والقدرات 78 والتحصيلي 75 يعني درجاتي ممتازة وسجلت بالجامعة وقبلوني ودرست ترم ثم ماكملت الدراسة طلعت من القسم رحت لقسم ثاني بعد مارحت للقسم الثاني درست ترمين بعدين بديت ااجل واعتذر الى ان وصلت لحد الاعتذار ثم حولت من الانتظام الى الانتساب كل هذا بسبب الكسل والاهمال وانا الان عمري 23 ونادم اشد الندم على اللي فات وباقي على دراستي الجامعية سنة لكن بالنهاية انتساب وبعد هالمقدمة الطويلة ابيكم ياجماعة تشيرون علي وش السواة كل الوظايف اقدم عليها بشهادة الثانوي وكلها استقبال ولا كول سنتر هل فيه معاهد ممكن تقبلني وادرس دبلوم على الأقل ولا فيه حلول ثانية انتظر منكم الإجابة ..

ودمتم بود

عليكم السلام ورحمة الله ...
اممم فهمت انك انتساب طيّب "كمل دراستك وقدم ع القطاع الخاص وكمل دراسات عليا ثم قدم بالماستر في الحكومي ...
وع فكرة فيه شركات جيده وكثيرة وراتبها حلوه، وثانياً الانتساب لا يقبل في الوظايف التعليميه اما غيره مقبول تقدر تقدم اداري ..
انت الحين خلص دراستك وجيب معدل ، المعدل عليه 80% ..

ماقصرتم الله يعطيكم العافية والله اني كنت محبط لكن اساليبكم الايجابية رفعت المعنويات الله يعطيكم العافية