16-10-2014, 03:57 AM
|
عضو نشيط
|
|
تاريخ التسجيل: Jun 2011
الدولة: الفقر الاقشر
المشاركات: 120
معدل تقييم المستوى: 1477
|
|
|
هام للي يبي يصير عسكري
السلام عليكم ورحمة الله وبركاته
اللي مولود بدولة خليجية أو أمه خليجية أو كلاهما يقبل بالعسكرية
اللي بها مرض وراثي ولكن غير مصاب به يقبل بالحرس الوطني وقطاعات الدفاع
واللي يلبس نظارة يقبل بالحرس الوطني فقط لأصحاب التخصصات وسائقي العربات (رخصة عمومي)
معلومات عن الدورة
كثر شرابات وكثر ملابس لأنك بتخيس ومافيه مغسلة بمزاجك يجيبون شركة الجبر وشف متى يجيبونها
قبل لاتدخل الدورة اختبر نفسك صلع ووقف مستعد تحت الشمس مباشرة لساعات لمدة 5 أيام لأنه البعض ماتحمل وفصل وخسر فلوس وتعب عالفاضي
راح تصحى قبل الفجر بساعة وطول يومك هرولة وتمارين وحركات عسكرية وماراح تنام الا الساعة يمكن 11 م
راح تصلون بجزماتكم مافيها تفصخها هههههههههههه مايبون يضيعون أي وقت لكن قهروني قال الله تعالى { يَابَنِيۤ ءَادَمَ خُذُواْ زِينَتَكُمْ عِندَ كُلِّ مَسْجِدٍ} نصيحة لاأحد يهايط ولاحد يسولف واسمع الكلام ونفذه بالحرف الواحد ولما يقول واضح اصرخ واضح ولمايقول وزنن اضرب صدرك بيدينك الثنتين وقل الله
ولما يسئلك عن اسمك تصارخ الطالب العسكري فلان بن فلان الفلاني
وخذ معك كريم لآلام العضلات والمفاصل
وحبوب للزكام والصداع والحرقان وغيرها
لأن مو بمزاجك يودونك العيادة الطبية
أنا دخلت الدورة لمدة يومين وفصلت منها لأني خفت على صحتي لأني حامل أنيميا منجلية ورأسي انتفخ وورم وبداخل رأسي أحس بحرارة وضغط شديد ويوم رحت العيادة طلب الدكتور احلل ولارحت حللت رجعوني أستعد تحت الشمس هههههههههه والحمدلله على كل حال
لكن أتمنى للكل التوفيق والسلامة
وريحتكم بتطلع هههههههههه حتى وقت للتروش مافيه كرف بكرف
ولما تخلصون أكل مرات مايخلونك تغسل يدينك ومرات تأكل ويدينك كلها عرق
وراح تشربون ماء من نفس الكوب ولاحد يسوي اتيكيت ويغسل الكوب ويشرب لأنه كوب واحد وكل خوياك بيشربون منه ولماتغسله بتضيع عليهم الموية
ومافيه حتى برادة داخل الحضيرة هههههههههههههه صرنا غنم
وربي يرزقكم ويقويكم في حماية وطننا الغالي
وسلام
التعديل الأخير تم بواسطة أبي وظيفة محترمة ; 16-10-2014 الساعة 04:01 AM
|
العرض الشجري
