هااام للي مقبل على دوره عسكريه
ابي اقدم لك نصيحة مجرب
اول شي توكل على الله اول ما تدخل من باب المعهد وقل حسبي الله عليه توكلت وهو رب العرش العظيم واقراء المعوذات ووكل امرك لله
النفسيه بتكون رديه شوي اول ما تدخل بس انت لاتفكر بالي براء وخش مع اخوياك الي داخلين معك كون لك اصدقاء على طووول ونصيحه اذا شفت احد منفس حاول انك تخفف عنه وانصحه ولاتخلونه انت والي معك جيبوه معكم حاول انك تنسيه العالم الخارجي واذا مره مافيه فايده ترى بياثر عليكم
وخذ الدوره طقطقه ووناسه ولاتتحمس من اول ماتدخل وتشد على نفسك يدرون انك مستجد وماتعرف شي واهم شي الاخوياء كون لك اصدقاء وانتبه تجلس لوحدك
شربات اعزكم الله خذ اقل شي 30 لبسه وبودره منع رائحه القدم والجزمات اعزكم الله خذ وحده ماركه ووحده اي كلام
والملابس الداخليه المطلوبه سروال قصير وفنيله خذ معك من كل نوع 20 اقل شي لانك كل يوم بتضطر انك تتروش
وخذ معك مزيل عرق بخاخ 2 واحد ماراح يكفي

ونصيحه للي يبي يبزوط فلها بال 45 خذ راحتك بس بعد ال 45 انظبط لانك اذا بزوطت بتنحجز