17-10-2014, 03:04 PM
|
عضو جديد
|
|
تاريخ التسجيل: Oct 2014
المشاركات: 2
معدل تقييم المستوى: 0
|
|
|
ياشباب براسي مشروع يطلع ذهب سيارة أجره وابغى استفسار منكم لاهنتم
اولاً السلام عليكم ورحمة الله وبركاته
والصلاة والسلام على اشرف الأنبياء والمرسلين
طال عمركم انا افكر جدياً بمشروع سيارة أجره. ماهو مكتب وسيارات كثيره.
لا بس سياره وحده واستقدم عليها عامل واخليه يعطيني مبلغ معين شهرياً والمخالفات وخرابات السياره عليه.
انا سمعت ان العامل بس يبغى سياره اجره جديده وتكون قير أوتوماتيگ ويعطيني باليومي 250ريال
يعني تقريباً بالشهر 7500 ريال شهرياً. مبلغ ممتاز جداً.
مع العلم ان سيارة الأجره إنترا سعرها جديده 57الف يعني خلال 8 اشهر تسترجع قيمة السياره
ومع الوقت تشتري سياره ثانيه. والفكره اللي عندي اني اقدم على بنك التسليف ويعطيني قرض 60الف
وقيمة القسط 1000 ريال شهر. يعني الأمور👍
ادري اني طولتها شوي بس حاب أستفيد وأفيد غيري
اليوم قابلت سواق أجره ووقفته واستفسرت عن الأمور هذي وقال لي ان السواق يعطيك باليوميه 150ريال
يعني 4500ريال بالشهر وانا بصراحه ماصدقته قلت يمكن يبغى اجيب احد من جماعته ويستفيد اكثر.
وانا ابغى استفسر من اللي عندهم خبره بالأمور هذي؟
كم اليوميه اللي يعطيني السائق؟
وهل فيها مشاكل معينه؟
وهل استطيع اطلع اجره وسائق بأسمي علماً بأني عسكري؟؟
وهل الأفضل اني احط السياره والسأئق بأسم زوجتي عشان وظيفتي؟؟
مع العلم اني مو الرياض
وشكراً على وقتكم الثمين وأسف اذا طولتها معكم☺️
|
العرض العادي
