السلام عليكم

كل يوم اكون زي دا الفيس من القهر

وكنت شايله هم اني ماتوظفت ولما اتوظفت ماارتحت


اعمل كاتبة في قطاع خاص في روضة وحتى بوية للجدران وضربت

كملت شهرين وماكتبت عقد

اول شي شهر من غير راتب قالتلي المديرة شهر تجريبي من غير راتب واعتقد انهم محاسبين على دا الشي من مكتب العمل انه من غير راتب بس انا سكت

المهم المديرة كل شويه تهددني انه لو غلطت بتخلي طرفي طيب ياناس جديدة ولسه بتعلم

ماادري هل يحقلها

وهل لو فصلتني اقدر اشتكيها لمكتب العمل ولا ماليا شيييييييي

افيدوني الله يسعدكم

ولو فصلتني لسمح الله ايش اسوي

اكيد تقدري تشتكي بس وين الله اعلمم
ومالها حق تجلس تهددك .. يعني هي اللي خلقت عالمة !!
وبصراحة ماقد سمعت ان فيه عمل بدون راتب او تجريبي
صح ممكن يأخرون الراتب بس ماتعطيك ابدا ..؟ ماقد صارت

حسبي الله ونعم الوكيل علا كل ضالم

اول فتره بالوظيفة دائما فيها صعوبات
تحمليها هي فترة وتعدي

تعلمي الانظمة ردي على المديره بشكل رسمي كموظفة
وش الخطأ اللي يتطلب عمل اخلاء طرف؟
طالما انك ماشيه على النظام والعقد ومو مقصره بشغلك؟

اذا عندك اخطاء ومقصرة بشغلك اعتذري على الخطأ ووضحي انك بالشهر الأول طالما مااستلمتي راتب انتي في فترة تدريب وتدربي بإجتهاد وبإصرار وفهميها انها بتشوف بالشهر الثاني شغل احترافي وإلتزام

لأن بصراحه مافي مدير يتحمل ان موظفينه يكونون غير كفوء ومايخلصون اعمالهم صح وبالوقت المطلوب


موفقه وشدي حيلك

معليش انتي سمحتي لها تهددك !
اولاً : خطأ انك ماتوقعين على عقد ، حتى ولو بالفترة التجريبيه لآزم توقع معك عقد ولا شيلي عبايتك وروحي لمكتب العمل
لأن اصحاب القطاع الخاص يكرفونك على خشمك بدون عقد وبدون راتب ،
وبالاخير يقولون لك : برى
ومااافي شي اسمه فترة تجريب بدون راتب !!
لازم يجيك راتبك كامل ماينقص منه ولا ريال
حسبي الله ونعم الوكيل ، لازم البنات يتثقفون شوي عن وساخة القطاع الخاص ويكون عندها خلفيه عنه علشان ماينضحك علينـا

يا بنتي ما في نظام يخليك تشتغلي شهر بدون راتب ويحق لك تشتكيها على وزارة العمل
وحتى لو كان فيه شهر بدون راتب هذا الكلام لازم يكون مذكور في العقد انه يوجد شهر تجريبي بدون راتب
توقعي عليه بموافقتك غير كذا لا يردك عنها الا وزارة العمل وهم يجبو لك حقك دام البداية كذا
فلا تتوقعي انها بتخليك تستمرين معها

يا اختي العزيزة انتي طحتي بين سطوة وجهل المديرة بالأنظمة
واستغلالها لظرووفك وحاجتك للعمل وجهلك بالأنظمة
بالنسبة للعقد حتى ولو توقعي العقد هذا لا يعني بعدم وجود عقد
بل بالعكس اذا اشتكيتي راح تحصلين اشياء ماتتخلينها
اول شي مكتب العمل بيشوف انهم اذا كانو متعمدين عدم كتابة عقد من أجل استغلالك
سوف يجبرونهم بعقد نموذجي للسعودي
بداية راح يكون العقد غير محدد المدة بحكم أن السعودي في حال عدم ذكر مدة العقد له يعتبر عقد غير محدد المدة والأجنبي مدة رخصة العمل
وراح يكون بدون فترة تجربة بحكم ان من شروط فترة التجربة بأن تذكر في العقد وهو اصلا مافي عقد اذا راح تكون بدون فترة تجربة
الاجازة السنوية بتكون 21 يوم
الراتب بيقولون لك عندك اثبات على الراتب المتفق عليه اذا مالقو معك اثبات بيشوفون اذاا في موظفات بنفس المجال بمقر عملك ويعطونك نفس راتبهم واذا ماكان فيه يشوفون الرواتب في السوق لنفس مهنتك كم تساوي وغالبا لا تقل عن 3 الاف
بالعكس خلي المديرة تبلط بحر واشتكيها بمكتب العمل ولاتقدر تفصل والا شي
موفقة خير واعتذر عن الاطالة

طيب كيف تشتكيها على الوزاره ومافي شي يثبت انك موظفه

ماوقعتي عقد ؟

على اي اساس انتي موظفه؟


تاكدي من موقع التامينات ان اسمك مو مستخدم في السعوده



واتركي وظيفه ابو كلب هذه

ومره ثانيه لاتتوظفي الا بعد ماتاخذي صوره من العقد وقتها باشري الوظيفه


ويحق لك ترفضين صبغ بويه لانه مو من اختصاصك هذا اذا كنتي موقعه عقد


عساك مستمتعه بنفسك وانتي تصبغي بويه شهر بدون راتب؟ والله يالسعودين فيهم طيبه الى حد الغباء للاسف

معقوله شهر كامل بدون راتب ؟! هذي اول مره اسمع فيها
انا جلست في روضه 3 ايام تجربه واستغنوا عني وطلبت منهم يعطوني حق الثلاث ايام ودفعوها لي (( 300 ريال ))
نصيحة لاتفرطين بحقوقك المادية بالذات ولاتبخسين حق نفسك , الحين المديرة تخليك تصبغين بويات وتكرفين وتسوين شغل الروضه واذا خلص الشهر استغنت عنك وجابت وحده ثانيه تشغلها بنفس الطريقة عشان ماتدفع رواتب , انا صراحة مادخل في نواياها بس اعرف صاحب معهد كان يقول لمدربات الحاسب عنده انا ماعطي فلوس بس اعطيكم شهادات خبرة يعني تشتغلون عندي فترة اعطيكم عليها شهادة خبرة وتمشون , وفيه موظفات يوافقون لأنهم محتاجين شهادة الخبرة في السي في , هذي طريقة بعض اصحاب العمل يستغلون حاجة الخريجين عشان يوفرون على انفسهم .
بصراحة هو الخيار لك اما انك تصبرين عليهم وتشوفين بعد شهر احتمال يوظفونك ويمشون لك راتب وتستمرين معاهم لأن احيانا الحياة يبيلها صبر بالذات اذا الوحده شهادتها ماتساعدها ولا عندها خبرة لازم انها تصبر وتجتهد عشان تبني نفسها , والله يعينك لأنه اذا هذا اسلوب المديرة وفوق كذا مافي حتى راتب يحفزك على العمل .
أو انك تتركينهم واذا حصلك تشتكين عليهم في مكتب العمل .
انتي على العموم كلمي مكتب العمل واسألي عن وضعك والله يوفقك

وجهة نظر:



اولا :- عدم تسليمك راتب وقبولك بذلك يعتبر عملك تطوعي لكسب الخبرة مثلا ولا يحق لك تقديم شكوى لتوفر شرط قبول الطرفين شفهيا


ثانيا:- لو تم توقيع العقد ومذكور به فترة التجربة والعادة ما تتكون من ٩٠ يوما فلو فسخ احد الطرفين العقد لا يحق لك او لهم تقديم اعتراض او شكوى فهي تعتبر فترة سماح للتاقلم او اثبات الكفاءة


ثالثا:- التهديد باخلاء الطرف قد يكون دافع لك لاجل التطوير والتركيز وعدم الوقوع بالخطأ فاجعلي نظرتك للعمل ايجابية وكافحي بهذه البداية واكسبي من هم حولك



النصيحة/
توقيع العقد فورا لو كنتي مرتاحة لبيئة العمل وموافقة على العرض الوظيفي من راتب ومهام وخلافه مع محاولة اقناع الادارة بان يتم التثبيت رسميا من اول شهر حيث ان الفترة السابقة تحسب لصالحك بانك امضيتي فترة التجربة واثبتي جدارتك الخ الخ



موفقة باذن الله


تقبلي مروروي