السلام عليكم ورحمة الله وبركاته
ياشباب اللي له خبره في امن السفارات او يعرف عنها شيء يفديني جزاكم الله خير

بسئله عن رواتبها + مدة الدوره + طبيعة العمل
وانا سمعت ان العسكري فيها كل شوي في دوله مدري هذا صحيح

اسمها الامن الدبلوماسي راتب الجندي فيها 7500 وبعد ماتتعين بثلاث شهور ينزل لك بدل قوه خاصه ويصير الراتب 8200 دوامها على حسب تعيينك فيه اداري باداره الامن والحمايه التابعه للقطاع وفيه حراسات بحي السفارات وفيه خفارات على السفارات الي خارج حي السفارت بالاحياء العاديه وغير صحيح انك كل يوم بديره بعد ماتتعين بسنه انت تطلب انك تطلع حراسات للسفارات الخارجيه وانت وحظك باي دوله يحطونك . مده الدوره سنه كامله في اكاديميه محمد بن نايف للامن الدبلوماسي قريب من محافظه الخرج . هاذا افضل قطاع حاليا عيبه انك ماتتسجل عسكري وانت بالدور لاكن يسجلونك طالب عسكري ويمشي لك مكافئه 900 ريال . محاكيك مفصول من القطاع هاذا والحمدلله على كل حال

دوام الخفارات بالرياض 6 بـ 24

ملفك نظيف يرسلون عريف وطالع لأحد الدول بالخارج وأنت وحظك فيها راتبين وبدل إبتعاث وتدام بثوبك في الخليج وبالكرفته في الدول الأخرى وأعلى سقف بدلات هو اليمن بسبب الخطورية إذا رفضت الذهاب للخارج من أول مره لن يتم إرسالك للخارج أبداً وألزم دومك سواءً بالخفارة أو إداري علماً بأني سمعت أنهم ما يرسلون الإداريين

محاكيك في أحد القطاعات يبحث عن دقيش في أمن السفارات علماً بأن العريف راتبه يوصل 10 آلاف حسب كلام أحد العرفاء العاملين بأمن السفارات هذا والله ولي التوفيق