يابوي انا طال انتظاري ومليت
صبري نفذ ما باقي الا قليله

صبرت يابوي وتحريت ماابطيت
والخالق ارجي رحمته واشتكيله

حبيت بنت العم يابــــــــوي حبيت
من قبل ماتربط على الراس شيله

ذكرها على بالي اذا اقبلت واقفيت
ارعـــى خيـــالها كل يوم وليـــله

لاتحسبني داله يـــوم غنيـــــــت
اضحك مع العالم وروحي عليله

بينت لك شكواي وابديت ماخفيت
وابيك تجهدلي باية وسيلـــــه

ماعاد ينفع دوى لو تـــداويت
والامر لله مامع العبد حيــله

بئس الحياة اللي بها ماتهنيت
اعيش عمر مارضيت بحصيله

الله على جمع ثلاث لها صيت
الديــن والدنيــا وبنــت جميلة

رائعـــــــــة..حجــــاب بن نحيت