انتبه لعمرك خلاص
:
كل يوم نقول بيوقف بينتبه لعمره ... بس ما فيه فايدة
:
ولد فلانه ما شاء الله تقول امه مهوب يذوق السكر والرز .. والحين ( غدا ) نصفه .. " غدا = اصبح "
:
انصف اكلك .. ما نقول لا تاكل بس انصف اكلك
:
من يبغاك انت ؟؟ .. والله لو معك شهادات الدنيا ما فيه بنت بتقبل بك
:
فلان ارفع وش اسمه .. قدامنا مطب لا يحك الموتر
:
فلان والله انك تلعب بالموتر لعب .. اجلس في النص تكفى

..

باختصار .. هاذي عبارات يومية يسمعها كل سمين سعودي

اليوم ابتكلم عن حياة السعودي السمين منذ نعومة اظافره ..

السمين & السمينة

كلهم كانوا في يوم من الايام اجسامهم عادية .. بس بقدرت قادر صار اللي صار

ابتكلم عن نفسي انا .. يعني انا بصراحة احمل سبب سمنتي لابوي وامي وكل اقاربي .. يعني انا اذكرهم لما كنت صغير وش حليلي كانوا يقولون كل كل .. فلان ياكل صحنين وانت ما تقدر تكمل صحن .. يجيك خالك يقول اذا اكلت صحنك كله باشتري لك من البقالة >> يعني توي ماكل وبيوكلني بعد .. خالتي الله يذكرها بالخير اذكرها تصلح لي كبسة في الساعة 4 الفجر عشان تقبص خديداتي
بعد هذا كله وش تبون جسمي يكون

بديت اسمن .. عمري 7 سنوات دخلت المدرسة وانا لاني سمين بس ما تقدر تقول نحيف .. تفاجأت بالطلاب اللي كانوا مثل عمري .. الكل كنت اشوفهم تحتي .. انا وكم واحد نعتبر اضخم الفصل .. هالشيء كان يضايقني .. طلاب المدرسة من جهه .. ومبزرة اقارابي من جهه .. الين سلمت الامر اني سمين بعد كم مقارانة سويتها في نفسي ..

المتين - لا فخر - وهو في الابتدائي .. تلقاه في المدرسة افضل حارس في الدوري >> كرموني والله .. و في العزايم اذا سوو المبزرة سباق يصير هو الحكم .. غالبا اذا صار فيه لعبة فيها فريق عيال وبنات تلاقيه مع البنات مدري ليه

ااما اذا جينا للمتوسطة .. فهنا ينقسمون شعبة المتان الى قسمين .. اما انه يكون دافور الفصل .. او انه يصير اقوى واحد في المدرسة .. ورئيس اقوى عصابة في الحارة ..
في هالمرحلة .. يبدأ الشعور بالاحباط والبؤس من شكلك .. وتبدأ المقارنات بينك وبين احلا واحد في المدرسة .. ولكن سرعان ما يزول هذا التفكير والاحباط .. ما ادري ليه
في هالمرحلة .. قررت اني خلاص .. اصير مشعل النحيف والعب كورة مع عيال الحارة >> كان طموحي في ذيك الفترة .. لكن للأسف .. بائت المحاولة بالفشل

نجي للثانوي .. صرت خلاص متأقلم مع الوضع .. واللي حبوك يبونك كذا .. كونك اظرفهم وخفيف دم و محبوب من الجميع و لطيف >> على قولت بعض الناس .. في كل صيفية اشترك في نادي لتخفيف الوزن .. مدة الاشتراك شهر .. احضر اوول اسبوع كل يوم ساعة و باقي الاشتراك اسحب عليه ..


الحين .. المرحلة الجامعية .. بدأ البؤس والحزن يعود مجددا .. لكن السبب مو مقارنة نفسي بأحلا واحد في الجامعة .. لا .. السبب انه في هالمرحلة يكثر التفكير في زوجتك وهل بتقبل بك ولا لا .. وكيف بتخفف وزنك .. ( احصائية : * يعتبر السمين هو السعودي الوحيد اللي ما يكلم بنات في مرحلة المراهقة * ) .. لكن سرعان ما ينصدم بالفراغ العاطفي اللي يعيشه .. ويصير يحب كل من هب ودب >> .. تصدقون اعرف واحد من شلة المتان حب وحده من اسمها .. والله فراغ عاطفي موب سهل

>> في كل سطر وانا اكتب هالموضوع يجيني شعور يسألني : طيب وبعدين ..؟؟ وش الهدف من الموضوع ؟؟


المهم ..

ابي اجابة صادقة وصريحة من الشباب و البنات ..

1- هل السمنة سبب كافي - بالنسبة لكـ ( لكي ) - لرفض البنت او الولد السمين ..؟
يعني لو توفرت جميع الشروط اللي تبيها ( تبينها ) في الولد او البنت .. لكن كونه\ــها سمين ـة ممكن ترفض او ترفضين ؟؟
وكيف تنظر او تنظرين للبنت او الولد السمين ـة اللي تعرفه او تعرفينها ..

و اللي عنده تجربة .. كان سمين وصار نحيف .. كان نحيف وطلع تفخ .. يشاركنا خبرته
برضوه البنات .. كانت سمينة وحققت امنيتها وطلت نحيفة .. او العكس ..
وبس

هههههههههههههههههههههههه اسلوبك روعه ماشاء الله ...
كنت مفكره بس البنات اللي يتأزمون من سمنتهم طلع حتى الشباب معليش تهون و تتعدل مع الايام ..
مقدر اجزم ان كل ابنات يرفضون المتين لأني اشوف كدا وحده من اللي حولي ازواجهم متان وعايشين حياتهم عادي .. وفي اللي يهمهم الشكل والمظهر الخارجي ...

الله يرزقك ببنت الحلال اللي تحبك زي ما انت و تسعدك وتسعدها ...

مشكوره على الرد الجميل غريبه محد يرد الا واحد

هههههههههههههه
اسلوبك ممتع بطرح الموضوع
بالنسبه لسمين مافيه شي يعيبه والسمنه مو عيب
المشكله هنا بالصحه فقط
ولاتحاتي اعرف كثير تزوجو ملكات جمال بعد لا جا النصيب مايرده شي

الله يعينا جانا الشتاء نتعشى 3مرات من طول الليل وهنا نلاحظ زياده بالاوزران لو نصك احلوقنا حنا ابخير
وبالفعل شي يقهر لمن يجيك احد ويقول وش هالعصاقل تحس بتحطيم ولمن تسمن يقلون وش هالدب طيب وش تبون حاسه المجتمع نفسيات

ياعزيزي أنت معطي الموضوع أكبر من حجمه

والله أعرف واحد انه نسخة نبيل شعيل نفس الشكل الحجم وأنه ماخذ بنفسه مقلب يتميلح في الانستقرام ومواقع التواصل والمشكلة له معجبين كثير من الجنسين

بإمكانك تنزل وزنك متى ما توفرت فيك الارادة

لا تروح نادي ولا شي بس حافظ على نظام ثلاث وجبات في اليوم ولا تاكل بينها وامشي كل يوم ساعة او نص ساعة

وأهم شي لا تنسى الخضار والمشروب السحري "خل التفاح" بعد الأكل خذ لك ملعقة وحطها بكاسة موية واشربها

شوفي وانا اختك لا تنحفي علشان عريس ولا علشان كلام الناس انحفي علشان انتي تبي كذا
ولا تشربي اي شي يمكن يسببك لك شي موكويس اهم شي الصحه وانا اختك

ثاني شي انا كل اصدقائي سمنين ومخطوبين ومتزوجين وسمان من زمان من قبل الزواج )) يعني ماكان عائق قدام حياتهم وانا لي جسمي كويس ما انخطبت يعني السالفه سالفه حظ وقدر و ع فكره الرجال يحبون البنت الدبه صاروا هههههه
و انا اعتبر الناس دبدوبين عسولين ودمهم خفيف اتمنى ما اكون طولت عليك

هههههههه الله يسعدكـ ...

اشوف الافضل تحاول يكون جسمك ع الاقل وسط وتبدأ عزيمة لكن لا تسوي رجيم لان بعده بتسمن اكثر ، اعمل نظام غذائي يعني ابتعد عن الي تحس يسمنك على حسب فصيلة دمك ... واشترك في نادي مرتين بالاسبوع او مارس الرياضة مرتين بالاسبوع ..
وبالنسبة للزواج اعرف واحد سمين وتزوج عادي ، السمنه لا تقف ضد الزواج .. لكن اكيد البنت تفضل واحد مو بدين مره ...

للرفع

اهم شي الابتسامه اللي بالعنوان

شوف مدري شوفي اذا كنت راضي عن وزنك مالك ومالك الناس قسم بالله مايرضيهم شي باقول لكم عن قصتي انا ياطويلين الاعمار ومعاناتي
وزني يتراوح بين 57 و 59 متى عرفت هذا الشي بعد ماشريت الميزان ومتى شريت الميزان بعد ماصار وزني حديث المجالس قسم بالله ما ابالغ ان قلت كل ما اجلس مجلس انت سمنانه انتي نحفانه شوي وتنفضخين وبسك اكل المشكله اللي يعطون رايهم دببه
ماعلينا
انا صدقت وتحطمت وصرت ما اكل وقمت شريت ميزان وكل ماقالو سمنانه قست واذا قالو نحفانه قست الا الوزن هو هو حتى التقويم ركبت لعلى وعسى انحف اخرتها هو هو اذا مو 57 59 وهكذا اخر شي انفجرت وقلت خلو عني خرطيكم ياغيرانيين يابكاشين ماراح اصدق الا الميزان وبس

هيه انتي قسم بالله رفعتي لي ضغطي اش هذا ترى ماتزيد مشاركاتك هنا بالواحه يارب تجي الراسيه وتشمع ع اسمك