المديرية العامة للدفاع المدني - جميع إستفسارات ونقاشات للعام 1437

Mashel9l · #**2251** (**permalink**) 01-07-2016, 08:17 AM

اقتباس:

المشاركة الأصلية كتبت بواسطة alhoote

هههههه
يخوي انصح الرجال
قل ليه حرام عليك
هذا مستقبل ووظيفة حرام تفرط فيها .
قل استخر الله غيرنا يتمناها .
على طول كفو وين دورتك .
لاحول ولا قوة الا بالله

تبي الصدق انا فكرت عنده شي او انه متوظف غيرها والمعروف ان الدفاع المدني احسن قطاع عسكري ولاسجل فيه الابرغبته الشخصية فهمت قصدي يعني مااقصد اخربه او شي فكرته عنده شي صديقي الثاني اللي قلت لك عنه صايره له ضروف ولايقدر الحين وقال اذا تبيها خذها قلت باشوف الحوت وانا علمتك

نايف بن فيصل · #**2252** (**permalink**) 01-07-2016, 08:18 AM

اقتباس:

المشاركة الأصلية كتبت بواسطة alhoote

الله يبيض وجهك على كلامك

والله يالحوت اني مقهور عليه مثل ماني مقهور اني عاطل ياخي فكر وحط ببالك هذي الوظيفه بتريحك وبتغنيك وتعزك فكر بالزواج لاتفكر باشياء تافهه ترى الايام تمشي بسرعه

راعي الويله · #**2253** (**permalink**) 01-07-2016, 08:19 AM

وين انا عمري 30 ولا لي نفس فيها ي رياجييل جتني نفس منها رغم اني كنت حريص عليها بشوف لي مشرووع او اي شي

Mashel9l · #**2254** (**permalink**) 01-07-2016, 08:20 AM

اقتباس:

المشاركة الأصلية كتبت بواسطة alhoote

لو كان رقمك الخامس
ترضى اجيب واحد وادخلة الدورة ورقمة 30 بعدك
ما لا ترضاه لنفسك لا ترضاه لغيرك .
وفقك الله

لا ماارضى بس اللي اشوفه عكس هاذا
والشي الثانيه والله انك كفو يالحوت وبيض الله وجهك على العموم ان شاء الله الاحتياط يدخلون الدورة كلنا

alhoote · #**2255** (**permalink**) 01-07-2016, 08:21 AM

اقتباس:

المشاركة الأصلية كتبت بواسطة راعي الويله

يرياجيل نفسي يبي يتوقف رغم اني مشتري نصف اغراضي امس .

معاد فيتي صبر النوووم مجاني

شي طبيعي ان تفكيرك بيكون في الدورة
وبيطير عنك النوم
لان حلمك تحقق اليوم
وفرحة اهلك وربعك وجماعتك كلهم يتباشرون فيك
تعوذ من الشيطان واقرا قران لين يجيك النوم وترتاح .
واعرف ان كل واحد قبل اليوم محسود على النعمة اللي هو فيها
تخيل من بين 53000 الف تقدموا للدفاع المدني
انت تم اختيارك للوظيفة . شي ماهو سهل .
هذي نعمة تستحق الشكر لله .
بارك الله فيك

Mashel9l · #**2256** (**permalink**) 01-07-2016, 08:22 AM

يالحوت تعرف كم الاحتياط بمركز تدريب عسير ؟ او حدود كم؟

نايف بن فيصل · #**2257** (**permalink**) 01-07-2016, 08:23 AM

اقتباس:

المشاركة الأصلية كتبت بواسطة راعي الويله

وين انا عمري 30 ولا لي نفس فيها ي رياجييل جتني نفس منها رغم اني كنت حريص عليها بشوف لي مشرووع او اي شي

ياخي الله يعطيك العمر كله المفروض بهالعمر تفرح وتحمد ربك جاك الرزق اكيد انت عارف العطاله وبلاويها المفروض تكون ايجابي وماتدخل الافكار هذي اسوي مشروع ومدري وش كل اشروع يبي له اساسات والعاطل ماعنده اساس من وين تسوي مشروع ان شاء الله من حافز مثلا ولا وش ياخي ترى اكثر اللي يدخلون العسكريه يتعبون ببداية الدوره وبعدها يرتاحون وينبسطون والمستقبل لك ترى فكر زين تكفى لاتضيعها وانا اخوك

Hani1991 · #**2258** (**permalink**) 01-07-2016, 08:23 AM

اقتباس:

المشاركة الأصلية كتبت بواسطة راعي الويله

وين انا عمري 30 ولا لي نفس فيها ي رياجييل جتني نفس منها رغم اني كنت حريص عليها بشوف لي مشرووع او اي شي

الطموح وانا اخوك عمرة ما يوقف على عمر , الدفاع المدني افضل قطاع عسكري حالياً خلنا نطقطقها مع بعض كلها اخوان 9 اشهر و ترتاح باقي عمرك مضمون من ناحية وظيفة و راتب و راحة , اصمل بس و بتحصلني قدامك اذا الله كتب لنا عمر.

راعي الويله · #**2259** (**permalink**) 01-07-2016, 08:23 AM

الله يجزاك خير ي الحوووت مقصرت . والله ماني عارف اللزم روحي الامور تعكست على يدي اعوذ ب الله صرت ابكي من كثر الوسوسه

Mashel9l · #**2260** (**permalink**) 01-07-2016, 08:24 AM

اقتباس:

المشاركة الأصلية كتبت بواسطة alhoote

شي طبيعي ان تفكيرك بيكون في الدورة
وبيطير عنك النوم
لان حلمك تحقق اليوم
وفرحة اهلك وربعك وجماعتك كلهم يتباشرون فيك
تعوذ من الشيطان واقرا قران لين يجيك النوم وترتاح .
واعرف ان كل واحد قبل اليوم محسود على النعمة اللي هو فيها
تخيل من بين 53000 الف تقدموا للدفاع المدني
انت تم اختيارك للوظيفة . شي ماهو سهل .
هذي نعمة تستحق الشكر لله .
بارك الله فيك

عزالله كلامك سليم مثل العاده اذا ماعندك شي يمنعك جهز نفسك ورح توظف وعش حياتك فرصه جاتك ماتعوض نصيحة مني لاتفككككهها

المديرية العامة للدفاع المدني - جميع إستفسارات ونقاشات للعام 1437

إستفسارات ونتائج الوظائف العسكرية

بسم الله الرحمن الرحيم اخواني السلام عليكم ورحمه الله وبركاته هنا يطرح كل مايخص من وضائف ونقاشات تتعلق الدفاع المدني وتتطلعون على اخر النتائج ففتحنا...

المديرية العامة للدفاع المدني - جميع إستفسارات ونقاشات للعام 1437

تسجيل الدخول

المديرية العامة للدفاع المدني - جميع إستفسارات ونقاشات للعام 1437

إستفسارات ونتائج الوظائف العسكرية

بسم الله الرحمن الرحيم اخواني السلام عليكم ورحمه الله وبركاته هنا يطرح كل مايخص من وضائف ونقاشات تتعلق الدفاع المدني وتتطلعون على اخر النتائج ففتحنا...

المديرية العامة للدفاع المدني - جميع إستفسارات ونقاشات للعام 1437