السلام عليكم ي شباب اللى خلص اختباره بالرياض يفيدنا تكفون كيف وضعهم مع الطول وكيف المقابله الشخصية واسالتهم والزي الرياضي ايش اللون لا تبخلون علينا ي شباب الله يوفقكم جميعا

شيء بديهي ياخوان هم شروطهم الطول 168 او اعلى واذا كآن طولك ناقص واحد من ثلاث ياتمشي بواسطه او انهم يتعاطفون معك ويمشونك او كالعاده يرفضونك ويمسكونك الباب لذلك ريح نفسك من الاسئله وتوكل علىٰ الله وشوف وش يقولون لك واذا جيت قياس الطول شد جسمك وارفع راسك لان اذكر انا بالجوازات يوم قاسوا الطول اول مره طلع 171 وقاسوني مره ثانيه بعدها بفتره طلع 172 يعني انت يمكن بسبب ارخائك لجسمك تخسر سانتي وممكن السانتي هذا يكون سبب في قبولك او طردك لذلك خل جسمك مشدود ورز نفسك والله يكتب لكم الخير

سلام عليكم هذا ياخوان جدول يوضح الحد الادنى والاعلى للوزن والطول



بآلتوفيق

و الي طوله تمام و ناقص كيلوين ويش مصيره

زود وزنك عشان ماتخلي لهم مجال للنقص بس اعتقد ماراح يدققون علىٰ االكيلوين والثلاث ماتضر لكن انت خلك تجيهم كامل مكمل لاتخلي لهم فرصه يحطون بك عذاريب

يارجاجيل أنا عندي قصر نظر خفيف ولابس نظاره هل بيكرشوني بالفحص ولا شلووون


انا جندي اداري

سلام عليكم ان شاء الله سلامات يا عيال وشفيكم وش كميات الخوف والتوتر الي فيكم يااخوان توكلوا على الله حق التوكل لك نصيب الخير واهله مالك نصيب احمد الله ومحد بيموت من الجوع انا لي خمس سنوات عاطل رايح جاي الحمد لله على كل حال الله اذا كان وضعكم كذا كيف في الدورة الله يعين بس

وين الشباب اللى اختبرو ما يفيدونا

السلام عليكم

انا قدمت لاخوي وجاء قبول مبدئي على الجوال المشكله يوم ادخل على الاستعلام عشان اشوف الموعد وكذا

ادخل السجل ثم ادخل رقم التحقق يوم ادخله صح يغيرونه واجلس على هالحال بس يتغير رقم الكود وش الحل ؟!