السلام عليكم ورحمة الله وبركاته

هذه اول مشاركه لي بالمنتدى احب ابارك للمقبولين جميعا بالحرس الوطني والي ينتظرون القبول وانشالله يكون من نصيب الكل ويحالف الحظ من لم يتم قبوله بالتقديمات الاخرى باذن الله

اما مشاركتي كالتالي:

انا مقدم قبل فتره عن طريق القبول المفتوح للجامعيين طول السنه بالموقع وجاني قبول مبدئي قبل
شهر وسلمتهم اوراقي بمكتب التجنيد بالرياض واعطوني بطاقة الكشف الطبي ومحدد المدفعيه (1) ورتبة رقيب ودفتر المعرفين وطلب التعيين ومطلوب مني الحضور يوم 5/11 ولم يحددو لي مكان التعيين .

استفساري للجميع واتمنى من لديه معلومات الرد:

1- المدفعيه(1) وين مكانه بالضبط وهل المقصود التعيين بالرياض او الاحساء؟

2-هل هذه الاجرائات تعتبر قبول نهائي ولا بأمكاني عدم الحضور والتقديم من جديد على التقديم الجديد لغرض امكانية اختيار المناطق غير التقديم السابق لاني ابي الغربيه؟

3- لو فرضنا انه خدمت سنتين والمطلوب للخدمه العسكريه بالحرس 4 سنوات وجاني تعيين بالتدريس انشاءالله يحق لي الفصل والالتحاق ولا فيه تعقيدات؟

4- كم راتب الرقيب الجامعي بالمدفعيه (1)؟


اخيرا اسف على الإطاله واتمنى التوفيق للكل في جميع مجالات حياتكم وخدمة الوطن

بسألكم ؟ كم راتب الجندي حاف بالحرس ؟؟؟!!؟؟؟؟

شباب فيه احد من كتيبة 122 اتصلوا عليه؟؟

وعليكم السلام ورحمه الله ،
إذا انت رحت مكتب التجنيد وخلصت اجرائات القبول المبدئي معناته عديت باقي الامور بأذن الله ،
بالنسبه للراتب الجندي بالحرس يستلم 6200 مع البدلات ،
والبدلات تنزل وترتفع ع موقع التعيين والتخصص ،
والراتب للرقيب بسلم الرواتب ضيف عليه البدلات ،
مثل ماقلت لك تروح وتجي ع التخصص والبدلات وموقع التعيين
اما بالنسبه انك تقدر تسحب وترجع تقدم الله أعلم ما افتيك

ياشباب اناا سويت الفحص الطبي

يوم 4/6 في احد ارسلوله شي

مع العلم ان الملف الابيض ( ملف المعلومات ) ماسلمتهم

احد عنده خلفية عن الموضوع

السلام عليكم للجميع ياخواني عندي سؤال وياليت احد يفيدني

انا قدمت العام على الحرس وجاني قبول مبدئي وسويت الاوراق وعطاني الدفتر الابيض
وعطوني موعد في شهر واحد وحصلت لي ظروف
هل الان لو اروح لهم يقبلوني والا كيف افيدوني الله يجزاكم بالخير

ماذا نحضر معنا في الشنط اثثنا دخول الدورة