الـحرس الـوطني_جـميع_ "اســتفــسارات ونقاشــات""لعــام1437هـ

عاطل برتبه لواء · #**5901** (**permalink**) 28-02-2016, 11:46 AM

اقتباس:

المشاركة الأصلية كتبت بواسطة ابن بطي

ربي يزينها ويعين ياصاحبي

وانا اشهد الجوع والعطش ذبحنا وخاصه العطش بس والله الاوضاع حلوه ماعليها

بس ابسئلك ويمكن ماشوف ردك الا الخميس الجاي ان شاء الله

الان بما اننا اخذنا 45 بخلال 4 ايام بس

كم باقي من مدة دورة فقط شهرين ؟ او شهر ونص ؟ والغياب هونت مانيب ناقص سجن وجزاوات

لا الدورة هي هي نفسها نفسها 3 شهور تاخذها لا تنقص ولا تزيد
تزيد بحاله انكم اخذتوا اجازات واجد وقلبتوها دوام رسمي فتزيد إلى 10 او 15 او 21 يوم على حسب القائد وتخريجه

عاطل برتبه لواء · #**5902** (**permalink**) 28-02-2016, 11:52 AM

اقتباس:

المشاركة الأصلية كتبت بواسطة سلطان الخضراني

عاطل برتبه لواء
مساك الله بالخير طال عمرك
اخوي انا قدمت وقبلوني بالقطاع الشرقي وراجعتهم وخلصت الفحص الطبي ابشرك بعد ما سلموني استماره التعيين والبصمات والاحوال
وقالو بندق عليك بعدين تسلم الاوراق

سؤالي متى بعرف تخصصي ومكان تعييني؟
ودورتي وين راح بتكون؟ يعني اللي يخلص اوراقه بالشرقيه وين دوراتهم؟
وهل اذا مافيه دورات هالفتره بيقولون داوم لين اقرب دوره؟

مساك الله بالنور ياعزيزي بنسبه القطاع الشرقي معقدينها شوي والغربي أشد تعقيد واحمد ربك انك منت في الغربي

بنسبه لكيف تعرف تخصصك يعطونك ورقة بيضاء عليها صورتك اللي هو موعد الفحص الطبي مكتوب فيها اسمك رتبتك تعينك
اذا ماعطوك راجع التجنيد وقول لهم وين تعينك

وبنسبه لدورات الشرقيه ماعندي علم ممكن يكون عندكم مراكز تدريب في الأحساء او اذا كثرتوا يحولونكم الرياض لاني اذكر 70 واحد ارسلوهم من الغربيه يدربون فرد أساسي في الرياض

بنسبه لدورات الحرس الوطني على مدار العام دورات جديدة لكن فيه استثناءات اللي هي شهر 8 9 مايدخلون فيها دورات
اخر دورة بتدخل شهر 7 بدايته واول دورة بتبدا بعد الإجازة 10/10 بالضبط فخلك جاهز انت بكل الأحوال يمكن يقولون لك تعال حضر قبل رمضان بكم يوم يمكن تتيسر امورك ويخلونكم دوامات عشان رمضان

عموما الله يوفقك وقطعكم الشرقي مشدد شوي يحسب نفسه الأمن العام
لكن الحرس في الرياض جدا متسير واموره طيبه

عاطل برتبه لواء · #**5903** (**permalink**) 28-02-2016, 11:55 AM

اقتباس:

المشاركة الأصلية كتبت بواسطة محمد احمدالعواجي

السلام عليكم ورحمة الله وبركاته ي شباب انا سلمت اورقي يوم الاربعاء 15/5/1437
وقالو لي انتظر اتصال وانا تخصصي شرطه عسكريه
هل فيه دوره قريبه والاتصال راح يطول والا اسبوع ياخذ
ارجوو الرد بالله ي شباب والله يوفقكم

عليكم السلام و رحمة الله و بركاته
انتظر حبيبي يكملون اصدقاءك اللي باقي ماطلعت نتايجهم من الشرطه العسكريه اللي في نفس كتيبتك عشان يدقون عليك تداوم دورات ماراح يعطونك الآن لانك توك مسلم اوراقك فانتظر يا يقولون لك تعال داوم بدون دورة يعطونك راتبك الأساسي مع البدلات لكن بدون 50% والدورات مثل ما شرحت اخر دورة بتخش هي شهر 7
لكن 9 و10 مافي تبدا من 10/10 بالتوفيق لك حبيبي

عاطل برتبه لواء · #**5904** (**permalink**) 28-02-2016, 11:59 AM

اقتباس:

المشاركة الأصلية كتبت بواسطة سعود الحربي1178

السلام عليكم شباب وشرايكم فالمدارس كويسه ولا لا

عليكم السلام و رحمة الله و بركاته

اذا عرفت تدور مكان فيه 50% مثل الشرطه العسكريه ، الدوريات الأمنية ، للواء الملك خالد ، للواء الملك عبدالعزيز بالقصيم ، للواء التدخل السريع ، وزارة الحرس الوطني فيها ما يعادل 50%
كثيره الاماكن اللي بها 50%
وعندك المخدرات والاستخبارات 60%

المدارس عيبها مافيها فلوس لكن دوامها كويس واصنافها ممتازه
اذا بتتعين على رقم فيه أصناف امورك طيبة منت متعين على رقم فيه اصناف الله يعينك

ahmed059 · #**5905** (**permalink**) 28-02-2016, 12:44 PM

اقتباس:

المشاركة الأصلية كتبت بواسطة الطووول ضيعني

عليكم السلامم

انا زيك بالظبط بتاريخ 7 السنه اللي راحت جاني قبول وحصل لي ظرف ومارحت
ف رحت لهم ووسلمت لهم اوراقي رقمك موجود تطمن

انا طلعت قبل فترة جده ورحت راجعتهم صرفوني وما طلعت منهم بفايدة . انت طلعت الرياض ولا وين ? اعطيني رقمك لو تقدر

عالينوفيتش · #**5906** (**permalink**) 28-02-2016, 02:39 PM

ياعيال الدورة الي بدت في 5/5 في مركز التدريب الي في بحرة كلها جنود
لكن الدورة الي بعد العيد ان شاء الله كلها جنود والا اصحاب المؤهلات الدبلوم والجامعيه لها نصيب والا لا؟؟

عاطل برتبه لواء · #**5907** (**permalink**) 28-02-2016, 03:18 PM

اقتباس:

المشاركة الأصلية كتبت بواسطة عالينوفيتش

ياعيال الدورة الي بدت في 5/5 في مركز التدريب الي في بحرة كلها جنود
لكن الدورة الي بعد العيد ان شاء الله كلها جنود والا اصحاب المؤهلات الدبلوم والجامعيه لها نصيب والا لا؟؟

في الحرس الوطني في دورات الفرد الاساسي لا فرق بين جندي وجندي اول وعريف ووكيل رقيب ورقيب ورقيب اول ورئيس رقباء

كلهم متساويين نفس الشي وعلى حسب الانتظار

طفشت من · #**5908** (**permalink**) 28-02-2016, 03:26 PM

اقتباس:

المشاركة الأصلية كتبت بواسطة عالينوفيتش

ياعيال الدورة الي بدت في 5/5 في مركز التدريب الي في بحرة كلها جنود
لكن الدورة الي بعد العيد ان شاء الله كلها جنود والا اصحاب المؤهلات الدبلوم والجامعيه لها نصيب والا لا؟؟

+1

خريج معهد صناععي · #**5909** (**permalink**) 28-02-2016, 03:56 PM

ي عاطل لاهنت م جاوبت ع سوالي اللحين انا كشفت بتاريخ 4/29 وماجاني اتصال للان اراجعهم ولا انتظر علما بكره بكمل 21 يوم +

التدخل السريع لهم دوره خاصه او دوام بدون دوره لين بعد العيد كذا واحد قال دوام م فيه دورات اللحين

بن سامر · #**5910** (**permalink**) 28-02-2016, 05:58 PM

ي شباب الله يعافيكم
ابي توضيح لا هنتوا

الحمد لله جاني قبول مبدئي بالرياض
ومقابلتي ذا الاسبوع وطالبين مني الاتي
شهادة الاصل وصورتين والمؤهل الفني
الاشكاليه الشهادة الاصل بالجامعه تكفي صور مصدقه بختم المدرسه
وانا ثانوي حاف ويبون الموهل الفني من وين اجيب وانا ثانوي
وحاليا ادرس حاسب 6 شهور والشهر الجاي اخذ الشهاده ينفع اجيب تعريف من المهعد او ماتفيد
وش الحل انا مقدم بالنت من شهر 11 والخميس جاني رساله القبول
ومتاكد من بياناتي انها ثانوي
ان شاء الله بروح بس لو سئلوني عن الفني وينه وش يقصدوا به اخاف يطردوني ماصدقت لقيت قبول

اللي فاهم علي يوضح لي

الـحرس الـوطني_جـميع_ "اســتفــسارات ونقاشــات""لعــام1437هـ

إستفسارات ونتائج الوظائف العسكرية

بسم الله الرحمن الرحيم السلام عليكم ورحمه الله وبركاته هنا تجميع الحرس الوطني 1436هـ من وظايف ونقاشات من جميع القطاعات حبينا نفتح لكم صفحه جديده...

الـحرس الـوطني_جـميع_ "اســتفــسارات ونقاشــات""لعــام1437هـ

تسجيل الدخول

الـحرس الـوطني_جـميع_ "اســتفــسارات ونقاشــات""لعــام1437هـ

إستفسارات ونتائج الوظائف العسكرية

بسم الله الرحمن الرحيم السلام عليكم ورحمه الله وبركاته هنا تجميع الحرس الوطني 1436هـ من وظايف ونقاشات من جميع القطاعات حبينا نفتح لكم صفحه جديده...

الـحرس الـوطني_جـميع_ "اســتفــسارات ونقاشــات""لعــام1437هـ