اي شركة تكون مدعومه من الموارد البشرية يعني الموارد تدفع 2000 مده سنتين و الشركه تدفع الباقي

وبعد السنتين الشركه تدفع الراتب كامل

وماعليك من كم مبلغ الراتب ؟ كم اكثرهم 4000 او 3500 ومدعوم


يعني هو هذا الموارد البشريه يخدم الشركات لتوظيف السعوديين وليس يخدم السعوديين


واتمنى يحطو برنامج يخدم السعوديين ووضع سلم رواتب لشركات في القطاع الخاص وشكرا

يعني مثلا كل سنه يزيد 500 ريال او اكثر

مدعوم من الموارد معناه 2000 من الموارد والباقي من الشركه لمدة سنتين وبعد السنتين الشركة تدفع كامل المبلغ

ودعم الموارد يكون مره وحده فقط اشتغلت في شركة تدعم موارد البشريه

ما تقدر تشتغل في شركة ثانيه تدعم الموارد لو طلعت من الشركة يعني


واي شركة تساله الراتب كم قول له

ابي بعد التامينات كم يكون ؟؟؟


طبعا احب اضيف ان عرض شركة الزامل جيد لكن الراتب قليل مده سنتين 3500 مدعوم اقلها 4000 بعد التامينات وليس 3150 ريال

مع تمنياتي للجميع بالتوفيق والنجاح

عرض مغري جدا !!!



لزوم نبلغ الشيخ بالسالفة


قال 3500 على سنتين !!

طيب الي يقسط شهريا 1400 للبنك و 1250 سيارة و 1000 سكن شهررري
و ترا العمر 21 , بالله 3500 تنط بالجيب !! لا أحد يقول تدرس دبلوم
لو ابي دبلوم درست تقنية يعوممري ههههههههههه

و حتى لو جديد خريج ثانوي ما ينفع يبووي ماينفع , يومميا الواحد يصرف ال 100 هوا هوا (عزابي)
فاتورة جوال بنزين مغسلة ملابس , احول فلوس لأهلي , اسسدد سلفه



عندنا ما ينفع الا شغل ابو تركي ولا تصير حرامي محترم عشان تقدر تعيش بككرامة

ب_ب

شركة إلزامل كبيره ولها سمعتها
ولكن رواتبهم. دائما قليله مع انه لها مشاريع كثيره!
بس رواتبهم قليله طيب فترة تدريب سنتين و3500 !!
ومدعوم من الموارد البشريه ؤألله انه مايسوى أعيش على راتب كذا
وفوق هذا إلي يدعمه الموارد مايقدر يدعمه مره ثانيه مثلي أنا طلعت من شركه مدعومه من الموارد البشريه
رحت قدمت ف ماك قالو لي مدعوم من الموارد البشريه مانقدر نأخذك معانا يعني بالله الواحد شنو يسوي كذا يشحت يسرق يبيع مخدرات استغفرالله بس ي ليت لو مكتب العمل يصحون شوي ويشوفون شركات شنو تسوي ف شعب. ؤلأ بس يعطون مخالفات للمنشآت الصغيره وجلد فيهم والمنشأت الكبيره مأحديقدر يقول لهم شيء
لأحد يتعب حاله ي شباب عندي شهادة صناعيه ومن تخرجت 3 سنوات مأقدرت آتوظف بمجال شهادتي. لأنه للأسف مأحصلت مكان يعطيني حقي وحق التعب إلي تعبته ؤانا أدرس
بس الله كريم ورزق بيد الله سبحانه وتعالى

والنعــم بالله

صدقت ي عواطلي

والمشكلة ل جاووك وحطوا اعلانات وتوظيف هنا ونسجل ولا يجينا منهم خبر .. اجل ماله داعي تحطون وتتعبون وتتعبونا معكم

واذا ع شهادتي حلوة تمشي الحال ( فني ميكانيكا - خبرة ثلاث سنوات ) وش يبون ما ادري

لكن يالله الحمد على كل حال رزقي بيد الله متى ما قال كن راح يكون

بس كذا سالفه طقطقه ع مخنا
واكثر الإعلانات. مأحذ حولك يحظ الإعلان ولايرجع لك
ؤلحمدلله انت. قدرت تأخذ خبره بشهدتك. راح تنفعك بإذن الله
أنا شهادتي نفسسك ماني قادر آتوظف فيها لأنهم يبون خبره واأنا مدرري من وين أسرق لهم خبره
صار لي شهرين تقريبا من شركه لشركه مصروفي بس ع شركات أمشي واقدم أوراقي ؤلأ شركه دقت علي
ومن ضمن شركة إلزامل قدمت ولي الحين تقريبا 3 أسابيع مأحد اتصل

انا من ضحايا، الاعلان هذا الزامل من المعروف راتبها جدا ضعيف وبالنسبه للدوام سيئ جدا اطلع من البيت الساعه 6 ص وارجع البيت الساعه 6 م ع راتب 3900 ريال
تقريبا عشر ساعات ونص الدوام وبالنسبه لشهر رمضان الدوام بالشركات الاخرى 6 ساعات فقط وانما الزامل 8 ساعات عمل
باختصار شركه تمشي عكس الانظمه الوزاريه وذلك بوجود واسطه جدا قويه بحيث ان الزامل لايوجد عليه اي رقابه ظلم واضح ضد الموظف او العامل المكروف عشر ساعات ونص
هذا وماقوله والله ع كل شي شهيد

[QUOTE=


أقراء من جديد ... 18 إلى 25 [/QUOTE]

طيب انا اسف هههههههههه يعني في شي جديد ؟ ههههههههههه القصد واحد 18 والا 25 وعلى فكره كلمة اقراءا خطأ ماتنكتب بالشكل اللي انت كتبته تنكتب كذا اقرأ بالفصحى وحتى بالعامي تنكتب نفس الشي بس بدون همزه فوق الالف



بالتوفيق

انا مايقهرني الا حقين الشهادات الثانويه يهايطون يبون رواتب فوق ال 5000 وش نقول حنا يالبكلريوس الي درسنا خمس سنوات والي اكثر .. مش لاقين ولا راتب ب 4 ولا 3 الاف...

العرض معقول ومقبول بالنسبه لشخص عمره من 18 الى 25 .. وشهادته ثنويه ماتعب تعب صاحب البكلريوس ..

وشكرا