ريم

والتسعير كيف يصير ؟

التسعير له طرق كثيرة واهل الخبرة اتمنى يفيدونا فيها

هذا برأيي الخاص ووضحته مع امثله لان ماينطبق على التصميم ينطبق على كل الاعمال الفنية

الحين لو بتخيطين فستان بتدفعين لخياط هندي يادوب يعرف يمشي الماكينة ولايعرف يستخدم الباترون ولايعرف اساسيات القص الصحيحه
نفس اللي بتدفعينه لخياطة فاهمه وخياطتها احترافيه وتطبق التصاميم صح على المقاسات؟
اكيد لا
الاول صح يخيط الفستان بس خياطته اي كلام وماتسوى وغالبا فيها اخطاء
الثاني حتى لو دفعتي غالي بتضمنين ان فستانك يطلع مضبوط ومن شكله تعرفين ان اللي خيطته فاهمه وشاطره ويدوم معاك الفستان وتستفيدين منه

هذا واحد من أساسيات تقييم السعر
الجودة والجمالية والاتقان


مثلا
وحده تستخدم صور جاهزة بس تكتب عليها او تستخدم ملفات مفتوحه او تصاميم مجانية وتمسح وتعدل عليها
هل بتعطينها سعر نفس اللي تصمم بنفسها؟ وتعطيك تصميم حصري لك حتى لو تستخدم صور جاهزة المهم تشتغل عليها ماتحطها لك مثل ماهي وتقول سويت لك تصميم


هذه نقطة ثانية من اساسيات تقييم السعر
العمل الحصري والجديد


النقطة الثالثة الجهد و الوقت بس مو مثل ماقلتي حسب عدد الساعات يحسب التكلفة
التصاميم والكروشيه والاشغال اليدوية وكل الاعمال الحرفيه اللي تاخذ وقت بعض الناس يسهينون فيها ويحسبونها تسليه ماتتعب ولاتاخذ وقت
ولا فيها مجهود عقلي او بدني
مع انها العكس تماما
لذلك البعض يهضم حقها ويقول ادفع خمسين ولا ميه عشان صورة !! مايفهمون وش يعني تصميم او يفهمون بس يتقصدون مايدفعون فيه يبونه بلاش
ولا اللي يقولك ادفع ميتين عشان قطعة صوف !!!
مع ان هذه الاعمال قيمتها عاليه جدا ومشغولة باحترافيه وحصريه وحتى لو دفعت لها غالي انت مستفيد
يعني لو دفعت مية عشان تصميم التصميم بيفيدك اكثر واللي بتدفعه بيعود عليك بفايده بتستفيد منه وقت طويل سواء بتجارتك او دراستك او عملك
والصوف اللي قضت وقت طويل تشتغله وخامته من افضل واغلى الانواع بيفيدك ويدفيك وبيعيش معاك يعني اللي تدفعه له مابيضيع في الهوا

فالنقطة الثالثة هي ان يقدّر المصمم جهده ووقته وأن يقدّر الزبون قيمة العمل والجهد والوقت المبذول فيه وقيمة الشي اللي بيشتريه

يعني المصمم نفسه هو يعرف شغله كم اخذ منه مجهود وكم اخذ منه وقت وكم تعب عليه
وهل فعلا اللي عمله يعتبر تصميم او مجرد صورة وعدل عليها
هل تصميمه مافيه اخطاء مقاساته صحيحه , الوانه صحيحه, الجودة والصيغه صحيحه
شكله جميل واحترافي وفنااان ولا خالي من الجمالية
هل العمل من جهدة الشخصي وافكارة الخاص او مقلد او مسروق
هل العمل مكرر يبيعه لأكثر من عميل او خاص للعميل هذا فقط



شوفي في انستقرام كثيــــــــــــــير يدعون انهم يصممون شعارات وهم اصلا يجيبون صور جاهزه مثل هذه ويكتبون عليها اسم المشروع ويقولون شعار من تصميمنا
مثل كذا مايستحقون ريال لانهم يغشون الزبون . لان الزبون لو جا بيطبعها على كرت اعمال مثلا يكتشف ان الشعار ماينفع للطباعه
حرام يكون دافع فيها حتى لو مبلغ بسيط خمسين ريال الزبون على باله كسبان شعار يفيده ويطلع العكس حتى الخمسين خساره في تصميم مجاني وجاهز بغوقل







بحثت في قوقل عن بعض الصور للتصاميم ولااعرف اصحابها للامانة

هذا التصميم مثلا مااشوفه يستحق ريال وأي احد مايفهم بالتصميم بيقول مايستاهل مايحتاج بتقييمة خبره شخص فاهم



وهذا مره سيء كله اخطاء


مثل هذه صور جاهزه مافيها تصميم ولا متعوب عليها


اللي مثل كذا صورة بس وكتب عليها ماتعتبر تصميم


شوفي هذه فيه صور جاهزة بس مستخدمينها بطريقة احترافيه يعني تصميم متعوب عليه موصورة جاهزه وخلاص