السلام عليكم

اخواني الله يسلمكم انا مسجل بالجامعة ومن زمان ما اداوم ولم يكتب لي اكمال الجامعة،المهم قررت اقدم ع ريادة والحق ع التسجيل قبل ما يقفل ورحت للجامعة وطلبت اسحب ملفي،المهم اعطاني الموظف ورقة طي قيد وسويت جميع الاجراءات لكن الموظف يقول ما اقدر انزل اسمك من النظام يبقى اسمك موجود وترجع في اي وقت قلت له ما ابي ارجع قال هذا النظام،اسمك يبقى موجود في النظام

والله اني خايف اقدم ع ريادة ويقول اسمك مسجل بالجامعة وانا ساحب

الله يسلمكم هل طريقتي صحيحة والا ايش تنصحوني فيه

سجل ماعليك اصلاماراح يخاطبون الجامعه ولا الجامعه تعرف انك مقدم على رياده أثنين اعرفهم بدو المشروع وهم طلاب ويدرسون بالجامعه بسس اهم شي رح للأحوال حول من طالب الى متسبب وتوكل ع الله والله يوفققك

اكبر خطأ ترتكبه في حق نفسك الله يهديك هو انك تترك الجامعة !
كثير من رجال الاعمال رجعوا يكملون دراستهم اما اجل التجارة او اجمع الثنتين

اتمنى لك التوفيق وان يتسع صدرك للنصيحة

اخوي زايد الله يسعدك وينور قلبك مثل ما نورتني بشيء ماكنت اعرفه

اما اخوي نخيل لا تنحني لم يكتب لي اكمال الجامعة وعسى ان يكون خيرا والله يوفقك ويسعدك

وقت التقديم عادي تكون موظف او طالب
لكن قبل اعتماد القرض لازم تكون متفرغ وبيتحققون منك

وترى ريادة وبنك التسليف ياخذون وقت طويـــــــــــــــــل يمكن تقعد سنة او اكثر الى ان يعتمد قرضك وينزل
لو قدمت وكملت الدراسة لكان افضل

توكل على الله, ريادة طيبة.

أهم شئ يقبلونك وركز على المقابلة الشخصية وحاول تفهم مشروعك وتظهر الجدية لأنها اهم شئ في المقابلة.

اذا اجتزت المقابلة فهذا يعني انك تقدر تحصل على القرض

[align=right]

خسارة تترك الجامعة حتى لو تصير تاجر قد الدنيا..
لكن الله يوفقك ويسهل امرك ويوفقك في تجارتك

(( الخيرة فيما اختاره الله ))


[/align]

اذا بتتأكد اكثر عشان مايرفضونك لانك طالب رح للاحوال ونزل اسمك من طالب الى متسبب انا سويتها ونزلت اسمي الى متسبب