توظفت بسبب جملة قريتها بالمنتدى :)

سعيد العمرري · #1 (**permalink**) 27-10-2014, 07:16 AM

السلام عليكم ورحمة الله وبركاته

من لا يشكر الناس لا يشكر الله ، شكرا من اعماق قلبي لهذا المنتدى الرائع الذي أُسس على مساعدة العاطلين في إيجاد وظائف تناسبهم ، بصراحه مدري وش اقول مدري وش اخلي خانني التعبير في وصف فرحتي ، انا خريج محاسبة كلية التقنية تخصص مناحسه لا خلاص صار الحين محاسبه .. كنت اظن انه مستحيل اتوظف خاصه اغلب المواضيع المرتبطه بكلية التقنية وخاصة المحاسبه

قليله الوظائف فيها ، مع انه تخصص مطلوب في كل القطاعات العامه والخاصة ، نسيت اقلكم خريج سنة 1428 يعني سبع سنوات عاطل

تخيلو وصل عمري 29 وبدأ يجيني الشيطان يوسوس لي خلاص ماراح تزوج ولا تتوظف والمشكله كل اخوياي توظفوا من خمس سنوات مع انهم جيد جدا وانا ممتاز

ماراح اطول عليكم .. حبيت ابشركم توظفت بالمرتبه السادسه في احد الجامعات :$ عن طريق المفاضله الاداريه بوزارة الخدمة المدنية اللي عددهم 2400 سويت فحص طبي وخلصت وارسلو خطاب للجامعه وراجعتهم وقالوا تعال بعد بكره وانا انتظر اليومين تخلص بسرعه عشان اباشر :$

ملاحظة : نصيحة لجوءك لربك والله هو سبب في توفيقك والدعاء والاستغفار ، انا كنت اشوف ناس تكتبها وكنت استغفر واقول مستحيل تجيني وظيفه وشوف الان توظفت احلى وظيفه ،، يلا استغفروا استغفر الله العظيم واتوب اليه ..
اسأل الله ان يرزق كل عاطل بوظيفه حلوه ، تكفون شباب اللي يقرأ الموضوع يدعي لي بالزوجه الصالحه .. تكفووون .. وشكرا لكل من قرأ موضوعي مقدما .. وسامحوني لو في اخطاء بالكتابه بسبب الفرحه ) عقبالكم يا رب

حروف الكون · #2 (**permalink**) 27-10-2014, 08:23 AM

وعليكم السلام

ماشاء الله الف مبروك

الله يوفقك

سعيد العمرري · #3 (**permalink**) 27-10-2014, 11:25 AM

اقتباس:

المشاركة الأصلية كتبت بواسطة حروف الكون

وعليكم السلام

ماشاء الله الف مبروك

الله يوفقك

الله يبارك فيكم ... ويووووووفقكم يا رب
شكرا لمشاركتك .. فرحتي

سعيد العمرري · #4 (**permalink**) 27-10-2014, 02:01 PM

معقوله مشاهدة 97 ولا احد فرح لي .. تكفون ادعوا لي بالبركه بالوظيفه ، بالزوجه الصالحه
وتذكر ان الملائكه تقول ولك بالمثل .. :$

سعوديه ع · #5 (**permalink**) 18-01-2015, 03:45 PM

الله يبارك لك في وظيفتك
ويرزقك الزوجه الصالحه وجميع المسلمين

كالماء · #6 (**permalink**) 27-10-2014, 03:10 PM

اقتباس:

مع انه تخصص مطلوب في كل القطاعات العامه والخاصة ، نسيت اقلكم خريج سنة 1428 يعني سبع سنوات عاطل تخيلو وصل عمري 29 وبدأ يجيني الشيطان يوسوس لي خلاص ماراح تزوج ولا تتوظف

هذا اللي انا افكر فيه الحين وعايش حياتي فيه
تخصصي حاسب آلي وللحين ماتوظفت بهالمجال وظايفي كلها ادارية

الف مبروك ي بعدي وان شاءالله تكون مرتاح فيها وتنبسط

سعيد العمرري · #7 (**permalink**) 27-10-2014, 06:27 PM

اقتباس:

المشاركة الأصلية كتبت بواسطة كالماء

هذا اللي انا افكر فيه الحين وعايش حياتي فيه
تخصصي حاسب آلي وللحين ماتوظفت بهالمجال وظايفي كلها ادارية

الف مبروك ي بعدي وان شاءالله تكون مرتاح فيها وتنبسط

الله يبارك فيك يا عسسل ،، الله يكتب لنا ولكم الراحة والسعادة الدائمة يا رب