السلام عليكم ورحمة الله وبركاته
الله يسعدكم يارب دنيا واخرره ..
ابي اسال انا توا قدمت ع الضمان لاني مهجوره وعندي 3 بنات وهذا اول شهر ينزلي 1714 ريال واكتشفت ان زوجي بعد اول شهر ينزله ضمان مثلي ونزله 4840 ريال وهو عدد افراده 12 بدوني انا وبناتي ..
اللي بسال عنه هل اللي نزله له هو وافراده ولا انا وبناتي معه وبسال هل ياثر علي بضماني ويقدر يشتكيني او ﻻ مع العلم ان لي سنه وشوي مهجوره والان احنا بمشاكل بالمحكمه ع الطلاق والنفقه ..
تكفووون يريحوني وفهموني الله يسعدكم ..

وعليكم السلام
ربي يسعدك وضعك يمشي كما هو ولديك بطاقه ضمان مستقله ومعاشك 1714 ماشي
وضع معاش زوجك انتي قلتي ان عدد افراد اسرته بدونك انتي وأبناءك 12 ويأخذ معاش ومقداره 4840
هذا المبلغ غير صحيح لأن هذا المعاش مخصص لعدد الافراد المسجلين معه وعددهم 15 فردا وليس 12 فردا كما ذكرتي اذا النتيجه ان زوجك يأخذ معاش ضمان ابناءك ال 3 لكون ان المخصص لعدد 12 شخصا هو 3988 ريال
سياتي اليوم الذي يعود معاشك الى 862 ريال فقط لكون بناتك مضافين مع اباهم وليس له تأثير عليك
حفظك المولى

جزاك الله خيرا اخوي بس ممكن انوه هو يعرف اني اخذ من الضمان او هم نفسهم الضمان راح يعرفون وبعدين بساال هو عادي انوه يمشي ضماني انا وبناتي كذا وبنفس الوقت يمشي له هو ..
انا رقم زوجي المدني عندي وهو اللي خلن اعرف انوه ياخذ 4840

سؤالي لك هل لديك صك اعاله على بناتك اذا كان كذلك فليس من حقه ان يأخذ معاش بناتك
بأمكانه ان يستفسر عن حالة الضمان الخاص بك ويعرف انك مشتركه بالضمان كما عرفتي انتي برقم السجل المدني
كما انه لايجوز نظاما ان تأخذي انتي معاش ضمان بناتك وهو كذلك يأخذ معاش بناتك في اّن واحد وهذا خطأمن الضمان
اذا كان صك الاعاله لديك وأنتي فعلا من يقوم برعاية بناتك راجعي الضمان وافهميهم ان زوجك يأخذ معاش الضمان الخاص ببناتك حتى يتم ايقافه عنه وحتى شرعا لايجوز الجمع بين المعاشين

ايوا اخوي عندي صك اعاله لبناتي ماخذته من محكمه المدينة المنورة ..
طيب مثلا اذا عرف ان معي صك اعاله يقدر يشتكي علي ويقول انوه هو احق بمعاش بناته مع العلم انوه وربي له سنه واكثر مايدري عنهن ولا يصرفهن ..
والله يسعدك ويفرج همك اخوي مثل ماريحتني ..[align=center][/align]

طالما لديك الصك فليس له حق بالمعاش ابدا هذا اللي اعرفه فصك الاعاله يتضمن انك مسئوله عن بناتك وما يتعلق بهن