يا اخوان - ت السلام عليكم ورحمة الله وبركاتة

انا خريج بكالوريوس كيمياء بتقدير مقبول للاسف
وما حصلت اي وظيفه ارجو منكم مساعدتي عن أماكن ممكن اقبل فيها
او دورات ممكن تساعدني في التوظيف وقريبة من تخصصي
ولكم جزيل الشكر

وعليكم السلام ورحمة الله
هلا فيك اخوي
أولاً : التقديم على جداره والخطوه الثانيه لازم تاخذ دوره ترفع نقاطك في الديوان والافضل تزيد عن سته أشهر
ثايناً : ليه ما تكمل دراستك الماجستير شوف جامعه اهليه تكمل دراستك فيها ومستقبل الشهاده عالي وفي احتياج في السنوات القادمه وتخصصك رائع
إبحث بالنت وإن شاء الله تلقى جامعة أهليه وهي كثيره
اتمنى اكون افدتك بالتوفيق لك

حياك الله اخوي
والله يسعدك ع الرد السريع
لكن حبيت استفسر منك ع النقاط اللي اتكلمت عنها ؟؟؟
وايش الدورات اللي تتكلم عنها وهل تقصد ديوان الخدمة
والله يسعدك ي الغالي

بخصوص ماستر بالجامعات الاهليه شوف
المنح الداخليه

الله يوفقك ويرزقك من واسع فضله

أنا نفس التخصص ولحد الحين ماتوظفت ومدري إذا فيه دورات تفيد بالتوظيف غير الحاسب والإنجليزي !!
إذا ودك بالماجستير مافيه إلا برا المملكة وأول كم شهر على حسابك لين تنضم للبعثة ترى ربعنا يحبون اللي يجي من برا
والنقاط اللي يقصدها "عاشق اسبانيا" هي نقاطك ب"جدارة" للتقديم على الوظائف الإدارية
إذا ماعندك دورة بالحاسب خذ دورة كامبردج اللي مدتها 6 أشهر
وأسأل الله لي ولك ولكل عاطل التوفيق والرزق الحلال