30-10-2014, 03:45 PM
|
 |
عضو مهم
|
|
تاريخ التسجيل: Nov 2011
المشاركات: 261
معدل تقييم المستوى: 16072
|
|
محمد الحربي والله انك رجال وتنحط ع الجرح ولو بيدي ساعدتك
رسالتي لصاحب الموضوع يتعلم من محمد الحربي خلك رجال واترك عنك الضعف
ترى كلنا عانينا وأنا لا زلت اعاني ذي خامس سنة لي بالجامعة متأخر فيها لا عندي
سيارة ولا مصروف شهري ولا شي حتى المكافأة وقفت من سنتين وكل يوم رايح
وجاي تاكسي لكن الأمل بالله كبير تصدق بالله اني بعض الاحيان أكون محتاج فلوس
اروح الجامعة مشي وارجع مشي عشان آخذ فلوس التاكسي !
وعندي ديون لو اجمعها توصل 4 آلاف بالراحة ومشاكل ما يعلم فيها إلا الله ..
يا رجال استهدي بالله انت واضح من كلامك إن عندك مشكلة عويصة في الماضي
يا حبيبي مهما كانت ما عليك بأحد دامك بصحة و عافية والله لو إنك في الهند تقدر
تثبت نفسك كل شخص يقدر على الفرصة الثانية والحياة الجديدة ما دام في أمن
وأمان وصحة وعافية ربك ما خلقك عبث ولا قدر عليك هالأمور عبث هذي الظروف تصنع
الرجااااال حط خطين تحت هالكلمة كل بداية محرقة لها نهاية مشرقة
والصبر وحده ما يكفي لازم تشتغل على نفسك
خذ الكلام من الآخر : خلك رجال + الصلاة باوقاتها+ بر امك وابوك مهما تعبت معهم
يبقون أمك وابوك والتوفيق بعد رضا الله في رضاهم
الشي التالي سوي ديليت للماضي ولكل الأودام وعيش حياتك مثل ما انت تبي
سوي لك خطة وامشي عليها يبغون مشوار طنش وصرفهم على اخوك خل لك كلمة
الشي اللي بعده شوف لك مشروع تجاري حر راسك يعني لا دوام يشغلك ولا شي
والمشاريع كثيرة أنا بعطيك فكرة كنت أجهّز لها لكن انتظر لين تتدبر السيارة لكن ما يضر
يمكن تكون مصدر رزق لك وتدعيلنا :
سوي لك صفحة في انستغرام وتويتر وحساب في موقع حراج وموقع مستعمل
ثم روح للأسواق الكبيرة عندكم في الرياض وخذ معك كاميرا وركز على الماركات
حاول تتفاهم مع صاحب المحل على إنك بتصير مثل المندوب تعرض بضاعتهم
في الإنترنت وإذا رفض ما عليك ما راح يرفض إنك تاخذ صور وإذا رفض بعد الصور بتلقاها
في النت هذي ماركات يعني بتلقاها اكيد
اعرض الصور خلنا نقول مثلاً شنطة ماركة وسعرها مثلاً 260 ريال اعرضها في انستغرام
وغيره وحط سعرها 285 يعني زيد على السعر الاصلي 25 ريال وقول للتوصيل 15 ريال فقط
على الطلب الواحد مكسبك 40 ريال وعاد تخيّل كم طلب بيجيك في اليوم !!!
وكل ما جاك طلب ما عليك إلا إنك تروح تشتري السلعة المطلوبة على حسابك
وتبيعها بزيادة ومكسب .. والرياض بالذات فيها عوايل وبنات اغنياء ويطلبون فما بالك إذا
قدمت خدمة التوصيل معها .. اعقد العزم وتوكل على الله انا لو معي سيارة بديت فيها
من اليوم .. لكن فيها خيرة ان شاء الله .. استفيد من الفكرة وجربها دامك تملك سيارة ..
انا استغرب حقيقة من اللي عنده سيارة ويقول طفران أو مو لاقي شغل
يآخي اضعف الإيمان توصل مشاوير قول 10 مشاوير بالقليل يطلع معك 100 ريال
هذي 3 آلاف آخر الشهر !!
آسف إذا قسيت عليك بكلامي لكن لأني مريت بنفس ظروفك ولازلت وشعرت بشعورك
الحمد لله ما اشتكي لاحد والامل بالله وليس في خلقه .. حاول تتصدق ولو بريال في اليوم
حافظ على الصلاة مثلما قلت لك واكثر الاستغفار
خلك واثق بالله
والسلام عليكم ورحمة الله وبركاته
|
العرض الشجري
