مشروع قرطاسية هو احد المشروعات التى لاغني عنها على الاقل بالنسبة للطالب والمدرس وجميع العاملين في الحقل التعليمي، فالقرطاسية تبيع الكتب الدراسية والمراجع والدفاتر وتصور الاوراق الخاصة بالمراجعات والاختبارات كما انها تقدم خدمة كتابة وطباعة الابحاث التى يحتاج اليها طلاب الثانوي والجامعات بالاضافة الى انها تقدم منتجات وخدمات اخري ولكي تبدء مشروع قرطاسية ويتحقق النجاح المأمول فلابد من مرعاة بعض المعايير الاساسية مثل اختيار المكان المناسب ومصادر الحصول على البضائع وحجم العمالة اللازمة وغيرها من المعايير.مع تمنياتي للجميع بالتوفيق

حط في بالك انو تجلس مايقارب 3 شهور بسبب اجازات الطلاب والشغل بيقل بشكل كبير

انا افكر بمشروع مغسلة ملابس في عمارة عزاب

والله يوفقك الجميع

برضو كلامك صح بس هالخدمات ماتجيب قيمة كرتون ورق الطابعه

تسحب ورقه ملونه 5 او 10 ريال

قليله تحديث حافز برضو مايتعدا 10 على الشخص الواحد يعني لو تحسبها كلها

صدقني ماتجيب كرتون الورق والاحبار ..


امين الله يجزاك خير فكر بمشروع المغسله والاهم الموقع الممتاز على شارع وكذا

بسم الله الرحمن الرحيم ..

انا مرت علي هالفكرة وسبق اني درستة ,, وبصراحه المشروع ناجح ومربح بإذن الله وتوكل على الله
المشروع برأيي
يحتاج صاله لا تقل عن 200 متر عشان تخصص منها 30 - 20 متر قسم تصوير وطباعة وخدمات انترنت << وهذا مشروع لحاله مايحتاج مواد خام ولا تكاليف غالية وله سوق مزبوط ..
والقرطاسية بالجملة متوفرة بكل المدن بأسعار تحقق فايض ربح عالي وسبق اني سعرتهن .. وسمعت ان فيه ناس ينزل لك بضايع وتسدده على التصريف .
وكميزة تنافسية وفر شنط الدراسة بالمديلات والماركات العالمية تخبر سوقها ماشي بالجامعات عن خواتنا الطالبات .. وطبعا شي يجيب لك شي عشان كذا لا زم تكون عندك منتج مناسف ومتميز ..

اما بخصوص سلبيات وعوايق المشروع اللي واجهتها انه طال عمرك اكثر المدن متشبعة منه يعني يمكن ماتحصل شارع كبير الا وفيه منه وهذا اللي خلاني اتراجع عنه فقط .. لكن اذا مدينتك سوقها بكر والناس مقبلة على الجديد توكل على الله بس بشرط ( قرطاسية كبيرة ومتكاملة ) لأن الصغيرة هذي منتشرة ومبيعاتة قليلة والناس الحين دايم توجه للأسواق الكبرى ..
الشي الثاني سعر الاات التصوير والطباعة مرتفع شوي وانت لازم توفر المضمون والأصلي ...
باقي الأمور من تجهيزات وأثاث وبضايع كله متوفرة ومتيسرة وهالتجارة سوقها ماشي واعرف ناس صارو هاي منه ..

والله يرزقك