السلام عليكم





اسال الله لكل من دخل موضوعي وفادني لو بالقليل ان يرزقه الجنه ويرزقه رزق مابعده تعب

انا مليت انا تعبت من الفضاوه والعطاله بالعربي ابي استقل ماديا ونفسيا

نعم المراءه مكفوله محفوله ولله الحمد

لاكن هل حققت طموحها !!

هل كونت نفسها بالشيء الى تتمناه

من هنا
حابه انطلق ولااجلس صافه يدي انتظر الوظيفه الى درست وتعبت ولالقيتها ولعل في الامير خيره



موضوعي

انا حابه اخوض مجال الطبخ وتسويق

انا ماشاء الله اجيد عمل ورق عنب لذيذ والله لذيذ بشهاده الي ذاقو طعمه والي يشجعني افضل المطاعم ماتسوي زيه يسوونه شي يقلب الكبد وماشي سوقه فالرزق بيد الله وحده.


طيب انا ابي اعمل ورق عنب واسوقه طيب شلون

تنصحوني اعمل لي كرت واحط لقب وانستقرام ورقم واوزعه

ولا اروح للمدارس واعطيهم طبق فيه ورق عنب يجربونه ومعه كرتي بس احس منحرجه كيف اروح اطق بابهم واقول ذوقو هههههههه

ولا اروح للفنادق واعطيهم كرتي وطبق يجربونه

هاه وش رايكم
تأيدوني بهالمشروع البسيط ولالا

ابي منكم تساعدوني

كيف ابدا بهالمجال لاني ان شاء الله احس بينجح الكل يحب الورق عنب وانا بيكون هو فقط تخصصي ويمكن ادخل معه ملفوف الكرنب

طيب كيف اسعر الطبق !!

بيكون مناسب لو بعت الحبه بريال

والله مادري ابدا فيه ولا لا


انتظر ردودكم

وين مدينتك او محافظتگ

ربي يوفقك ويرزقك من واسع فضله روي للمدارس ولاتخجلي وصممي علي هالموضوع ممكن يكون بداية خير لكي

اختي ابي اعرف من اي مدينة انتي

وعليكم السلام ورحمة الله وبركاته

الله يوفقك دنيا وآخره يارب

وآتمنى للكثير من الفتيات العمل مثلك والمباذرة بروح وشجاعة عدم اليأس

اما بالنسبة لنصيحة

مبدئياً توجهي إلى ماذكرتي به


>> اعمل لي كرت واحط لقب وانستقرام ورقم واوزعه <<

وانشري حسابك ولقبك في كل من صداقاتك وآهلك واحبابك المقربين لك وكل من تعرفينهم

حتى يسهل عليك نشر ما تبدعي فيه وسلمت اناملك

وافتحي مجال لطرح اكثر من طبخة واشيد بيدي على ان يكون هذا من قٍبل الانستقراميين وطرح اكثر الطبخات المستحببه لديهم والمفضلة وان تعمليها بإبداع ونكهة خاصة لكي تفرقي بينكٍي وبين بقية الانستقراميين

اتمنى افدتكٍ ولو بالقليل

تقبل مروري الكريم

موفقة

اقترح عليك انك تروحين لمحلات الحلويات والمخابز
انتي ذكرتي ان شغلك احسن من المطاعم
اعرضي عليهم شغلك
وافتحي لك حساب على الانستقرام
وحاولي تكون طريقه العرض جذابه
وبالنسبة للسعر احسبي سعر التكفله
والتوصيل ..
والله يرزقك يارب من واسع فضله ،،،

مدينتي الجنوب ..الخميس

انا معك وبقوة المشروع جدا ناجح
اول شي خذي لك لفه عن تاجرات ورق العنب
وشوفي كم اسعارهم وخذي فكره وكذا

وبالنسبه للطلبات
يبي لك تخصصين مبلغ عشان تعلنين بحسابات الهوامير ويجونك الزباين
اهم شي اعتمدي على التصوير لأن التصوير الرائع هو اللي يجذب الزبون

وفيه حسابات بالأنستقرام يعلنون لك مجانا وفيه ايضا تبادل اعلاني
مايحتاج تلفين على المدارس والخ
لان الحين فيه انستقرام وانتي عارفه الناس شلون طايحة فيه هو اسرع وسيله للتواصل حاليا

ونصيحة
اذا معتمدة مشروع الورق عنب
حاولي يكون طبخك له بشكل مختلف ونكهه مختلفه عن المتعاد

عندي حساب وحدة من الرياض تبيع ورق عنب بالانستقرام اذا حابه اعطيك حسابها راسليني خاص
عشان تاخذين فكره
والبنت الله يرزقها ماشاءلله سوقها ماشي بس سعرها شوي غالي بس يمدحون ورق عنبها
موفقة عيني

اذا تجيدين طبخات اخرى انا انصحك بالمدارس القريبة من بيتكم

من واقع تجربة في العمل نبحث عن فطور طبخ منزلي كرهنا المطاعم

واذا عندك اي استفسار انا حاضر

وباذن الله بتدعي لي

جميعكم

جزاكم الله خير

ووفقكم ويسر لكم اقصى طموحاتكم

استفدت والله يعيني على التطبيق ويفتح لي ابوابه ولكم

ممكن تعرضين على مطاعم نسائية موجودة في الخميس
فيه مطاعم ممكن تتعامل معاك مثل مطاعم ذوق خيال والطاهي وغيرها بالتوفيق