السلام عليكم
اخواني بفتح مؤسسة نظافة منازل
عندي استفسارات مهمه
1- هل اقدر افتح باسم حرمه لاني عسكري ماقدر افتح باسمي
2- كم عدد العامل راح يعطوني لاني بشتغل
3-من وين احصل الالات النظافه من جلي للبلاط وتلميع السراميك وتنظف الكنب
واذ عندكم اقتراحات ياليت تفيدوني

انسب شيء لهالمشروع العماله الفلبينيه والله يوفقك

هلا اخوي تقدر تفتح باسم حرمه على مااعتقد واسال عن الجنسية الاحسن من وجهة نظري اشوف البنقالية والسريلانكية والهندية احسن ويعطونك تاشيرتين كبداية لكن لاتتحطم بالنسبة للعماله لو بالايجار تلقى عشرات وبالتوفيق ومن لزم الاستغفار تيسرت اموره وراحت همومه

لاهنتم افيدوني بعد

الله يوفقك

[align=center]بالتوفيق[/align]

صلي صلاة الاستخارة ترى الفكرة حلوه ولو تركز على جلي البلاط وتفتح المحل بالاحياء الجديد لو أنت بالرياض تروح غرب وتفتح بحي نمار راح تخدم اكثر من مخطط هناك ولو تروح شرق عندك حي الندوة
ولو تروح شمال عندك الصحافة وطريق سلمان وان شاء الله في اي موقع راح يجيك الخير

او فكرة ثانية تروح للشركات الصغيرة وتتكفل بنظافة المبنى لهم بقيمة عقد بيك وبينهم كذى راح تقدر تدخل عالم المنافسات في قسم التشغيل والصيانة وعندك شركات كبيرة للتشغيل والصيانة والخدمات مثل سدر و الزهراني والنصبان وغيرها عقبال مانشوفك مثلم الله يوفقك

للرفع

عليكم السلام ورحمة الله وبركاته ..

حياك الله والله يوفقك ويفتح أبواب التوفيق ..

1 / تستطيع أن تفتح بأسم زوجتك وتروح لكتابة العدل وتاخذ منها توكيل شامل وعام ..
توضح فيه صلاحيتك بمراجعة جميع الدوائر الحكوميه وتعددها
(وزارة كذا ووزارة كذا ووزارة كذا وبآخر شي تكتب وجميع الدوائر الحكوميه ذات العلاقه وفروعها وتحصيل المستحقات الماليه وإلى آخره ...)
وفتح حسابات لدى البنوك وتعددها
(بنك الراجحي والرياض والأهلي ...إلخ ) (بعض البنوك ماتفتح لك إلا بحظور صاحبة المؤسسة أو بمعرفه مسبقه ...)

##ممكن تلاقي صيغه جاهزه لدى كتابة العدل أو مكاتب الخدمات ..

2 / عدد العمال الوزارة كل يوم لها نظام وماني عارف بالضبط ..

3/ في محلات الأدوات الصحيه والسباكه ومواد البناء تلاقي الأدوات اللي تبي ..
والأفضل تبحث عن شركات الجمله عشان الأسعار الأرخص ..




أنا أشوف بالبدايه يكون مجرد محل صغير ..
بشرط يكون مكان نظيف وواضح ولوحه كبيره حتى لو كانت بألفين أو ثلاثه(يلزم ترخيص البلديه) ..
ويكون فيه عاملين أو ثلاث بالكثير ومعهم سياره قديمه اللي بـ10 آلاف و15 ألف ..
واللي يبي نظافه أو نقل عفش أو مثل هالأمور للمحل رقم يتصلون عليه ..
البعض تجيه فكره ومن الحماس يدفع عمره ..
وآخر شي ويتفاجأ أنه محتاج خبره وان فيه مشاكل وتروح فلوسه وهو ماتعلم ..


بالتوفيق


وربي عز وجل يوفقك ..