لا تشكيلي ابكيلك

حياك الله ونتي بين اخوانك وخواتك فضفضي طلعي الي بخاطرك


كلنا على هل حال عاطلين

طيب لمتى ؟

طيب بقولكم وضعي
متخرجه من قسم دراسات طفولة من الجامعه
وطبعا مدري ايش الايحاء العجيب اللي جاني وخلاني ادخل هالقسم الخايب

اخرتها بكون معلمة رياض اطفال وانا اكره ماعلي التدريس

وياليت في السعوديه معطيين بنات هالقسم فرصتهم من الوظائف في الروضات الحكوميه

متمسكين في المعلمات القدامى واللي وصلوا لعمر المفروض يحولونهم تقاعد لكن !!


عموما انا ماودي في هالقسم ولا ودي في التدريس

انا ميولي مكتبيه او اي اعمال خارج عن اطار التدريس


اجلس عالكمبيوتر كثير وفكرت اخذ ماجستير في الحاسب لكن مطلوب ادرس سنتين قبلها مواد تكميليه

غير ان الماجستير في جامعة الملك عبد العزيز موت ياحمار عشان يقبلونك فيه


قدمت هالسنه لكن للاسف ماقبلوا لاني مالحقت على اختبارات التوفل نتيجة ظروف معينه وقالوا مافي تسجيل الا بشهادة التوفل وطلبت منهم اسجل والتوفل بعد التسجيل لان الوقت مايساعد

ماوافقوا


الان جالسه اختبر ال icdl

وافكر اخرتها اقدم على وظايف اداريه في المدارس الاهليه مع اني مااااااااااااااااااااااااااااااااااني حابه لكن مجبر اخاك لابطل



الوظايف للنساء هنا محكوره عالتدريس .. او مجالات اخرى لابد من الاختلاط فيها وخبركم اختلاط يعني قطع رقاب


وودي
ودي ودي ودي ودي اشتغل في اي مجال فيه دعاية واعلان

اعشق تصميم وابتكار الافكار


وفكرت لو فيه شركة نسائيه بحت تهتم في مجالات الدعاية والاعلان بس ماظن بلقاها في السعودية

أنا لي شهرين بس وقربت أتجنن ..
كيف اللي أكثر مني ..
موضوعك جاء علجرح ..
الله يرزقني ويرزقكم ..
قولوا امين ..

المشكلة ما ننتبه ونعرف قيمة السنين الي ضيعناها الى لما نشوف بعيننا الحقيقة ...
ليه مو من اول ما مشينا صح وليه كنا نسمع ونطش و و و .... !!!
اسئلة كثييييييير مرررررة ...
بس السؤال الي لازم ينطرح هنا !!!
هل احنا احسن من غيرنا ؟!!
كل واحد فينا يبغى يقفز قفزة نوعية فكل شي لا ما يسير كذا :S ...
لازم نبدا من الـ٠ نتعب نكرف ولكن العبرة في لما يشتد ساعدنا وقتها نعرف ان التعب ما ضيعناه من فراغ ...
واسآل الله للجميع التوفيق والصلاح فالدنيا والاخرة

تخرجت بمعد 4.75 من تخصص العلوم والرياضيات كلية التربية إعداد معلمات وبتقدير ممتاز والثانية على الدفعة وطالبت بلإعادة قالت لي دكتورة وذات مركز مرموق في جامعة البنات انتظري سبع سنوات بعدين فكري بلإعادة يعني تصيرين معيدة . يأست وقررت أدخل ماجستير جامعة الملك سعود وقدمت على تخصص معين وإجتازت الأمتحان التحريري وبالنهاية تم ترشيحي من بين 200 متقدمة قلت شكله بداية النجاح مادريت أنه بداية الحظ العاثر حضرت للمقابلة وعددنا 18 وكلهم في عمر متقدم وموظفات في قطاع التعليم الحكومي يعني مواجهة مدرسة من 15 سنة وغيرها ويوم دخلت التخصص عادي وطالبوني بلغة أنجليزية فل وكانت أنجليزيتي بسيطه فخسرت الفرصة وكانت أغرب مقابلة شفتها بعمري .. بعدها قررت دراسة دبلوم حاسب برمجة ودخلت ودرست وإبدعت إبداع خلني احب البرمجة وبجنون وفي نفس سنة تخرجي من الحظ العاثر اقرت الأمتحانات الشاملة وقلت خيره ودخلت الأمتحان وتخرجت بمعدل 96.14 وتقدير ممتاز ومازلت عاطلة وحظي عاثر لكن الحمد لله على كل حال ..ومازل الأمل بالله تفائلوا بالخير والله لن يتوفك الله حتى تحصل عى رزقك والحمد لله على كل حال ..