المشاركة الأصلية كتبت بواسطة رقيش

الرواتب قد تكون قليله ولكن في البداية فقط وعلى عكس القطاعات الحكومية
ولاتقول تخصصي مو مطلوب كل التخصصات مطلوبة اهم شيء بكالوريوس
ولاتنسى التطوير التطوير لاتوقف دراسة ودورات ولاتهتم بالراتب الان او على الاقل اول 3 سنوات
وحاول تسجل سعوده حتى بدون راتب او تشوف لك وظيفة ابو كلب عشان بكره او ماتتخرج
تكون عندك خبره في التأمينات، اعرف ناس مسوينها عندي بالشركه من ايام ماكانوا بالثانوي
والنتيجة راتبه اكثر من راتبي بفارق، مع اننا نفس المؤهل وكلنا ايام التقديم ماكان عندنا خبره على ارض الواقع لكن هو مسجل سعوده وانا لا.
القطاع الخاص تبدع تحصل اللي تبي وتوصله بسرعه
القطاع العام المبدع والنايم مثل بعض لاحوافز ولا اي شيء اللهم الراتب الضعيف تأخذه كل شهر مع زيادة سنوية ضعيفة وتبقى على هالحال عكس القطاع الخاص تامين طبي لك ولعايلتك تأمين على السيارة تأمين سيارة لك نادي رياضي تذاكر سفر هدايا في حال الزواج وهدايا في حال ولادة طفل تأثيث منزل قروض ميسره من الشركة نفسها وبدون فوائد تأمين منزل واشياء كثيره وتعتمد على الشركة نفسها مو كل شركة تكون فيها كل هالاشياء ولكن كلها راح تكون تحت يدك في حال انك ابدعت وتعبت على نفسك

الى متى والشوام والهنود وبقية الاجانب يأكلون القطاع الخاص؟
اجلس مع نفسك وفكر وابحث واقرأ وانت حر نفسك.
على فكره انا موظف قطاع خاص وراتبي الحمدلله افضل من المرتبة السابعة مع ان مؤهلي ثانوية عامه أدبيوماصار لي اكثر من سنة ونص موظف الحمدلله