السﻻم عليكم ورحمة الله وبركاته

ان شاءالله رايحه مكتب العمل اشكي على مديري
طبعا انا موظفة استقبال بمستوصف خاص لي من1 رمضان موظفة وﻻ عمل لي عقد وﻻ دخلني بالتامينات غبت يوم واحد بعد اجازة العيد اﻻضحي وجبتله ورقة عذر من مستوصف حكومي
والخميس نزل الراتب طبعا اعرفكم ب مسير الراتب


الراتب اﻻساسي1500
بدل سكن 500
مكافاة 500
بدل انتقال500

طبعا كله 3000 ريال اعطوني راتب 2600 ريال خاصم علي 400 ريال غياب على يوم اﻻ غبته وزعلت من الكﻻم هذا رسلت لهم راتبي بدون مااوقع على اﻻستﻻم ورسلت نسخة من ورقة العذر وقلت يجيني راتبي كامل ﻻن مالكم حق تخصمو على وانا معي ورقة عذر من مستشفي حكومي المحاسب اخذ الراتب حقي وطنش وان شاءالله يكون معي حق رايحه اﻻحد ان شاءالله اقدم شكوى على مكتب العمل شرايكم

انا موظفة بوزارة العمل
والحق معك
اولا يجب كتابة عقد مباشرة يكون اول ثلاث شهور تجريبي
وانتي انهيتي فترة التجريبي
ولازلتي تعملين
بهذه النقطه سيحاسب المدير على عدم كتابة عقد تجريبي وعقد دائم
اما بالنسبه لراتبك صعب محاسبته على ذلك لعدم وجود عقد يثبت فيه قيمة راتبك وسياسة الخصم

لذلك اغلب المحتالين يماطلون في كتابة العقود

وبالتوفيق .. دعواتك

لازم تطلبين توقيع عمل او اتركيهم.. و لو اشتكيتي عند مكتب العمل بخصوص الخصومات ما راح يفيدك مكتب العمل لانه ما في شي يثبت انك تعملين عندهم..

راح اصور دفتر الحضور واﻻنصراف حق هدا الشهر
والله كريم

ليش تشتغلي بدون عقد !!!

روحي اشتكي اذا وصلت مكتب العمل الشركة حتقول ما نعرفها ولا اشتغلت عندنا مين هيا ذي ؟

مشكلة عندنا مانطالب بحقوقنا من اول بس نحب نكبر المشاكل بعد ما يوقع الفاس بالراس


وبالنسبة للراتب الاف لو انتي مسجلة رسمي ما تستلميه كامل ينخصم منه التامينان وساند 10%

عموما الله يكتب لك الخير ويسهل امرك

هههههه شر البلية ومايضحك عندنا وعندك خير حنا نشتغل في شركة الشفاء لحقن الطبية بالدمام في الصناعية الآولى
أولها مافيها زيادة رواتب وغير كذا كرررررررررررررررررررررررررف ومافيها ميزات عدله حتى حق بطاقة التأمين فيها مشكلة

اتجهي لمكتب العمل واسألِ الموظفين عن حالتك وقول ِ لهم خصموا علي بدون وجه حق ولكن انا ليس لدي عقد عمل يثبت اني اعمل عندهم , اذا قالك الموظف راح تطلعين بنتيجة من الشكوى اشتكِ لمكتب العمل , اما اذا قالوا لك مافيه شي يثبت وماراح تطلعين بنتيجة فلا تشتكين حتى لاتدخلين في مشاكل مع الادارة
اتمنى اني افدتك والله يوفقك دنيا واخرة ويرزقك الرزق الواسع

الشكوى مافيها شي
ومالهم حق يخصمون من الراتب طالما الغياب بعذر طبي

إثبات العمل عن طريق الراتب سواء تحويل أو شيكات
مو شي صعب

* نقطه مهمة
الدوام لا تفرط فيه ،،، داوم ولا تتغيب