أخوي العزيز : الغلا
لا تتضايق وريح بالك لأن اللي أعرفه دامك أنت ترشحت هالمره ,, معناها راح تترشح بإعلان المفاضلات القادمة لأن نقاطك وصلت المستوى المطلوب بالخدمة المدنية ,, وشوري عليك لا تسوي حذف لطلبك السابق على موقع جدارة ( خل كل شي بمحله ) وأنتبــــه وأحرص جداً للإعلانات القادمة ولا يفوتك شي من الوظائف اللي يطرحونها الجهات الحكومية نفسها ( خل سهامك بكل مكان ) وهونها وتهون ما ضاقت إلا فرجت _ إن شاء الله _
ولعلها خيره لك ,, هيئة التحقيق يحتاج لها واحد صــابر وباله وسيع جداً ( من كثر القضايا اللي تمر عليه )
واخيراً ,, أحمد الله على كل حال ,, ولا تشحن نفسك على أحد وأنا أخوك .
عوضك الله بخيراً منها ووفقنا واياك وجميع المسلمين لكل خير ,,,

اسأل الله أن يبشرك ب فرحة قريبااا ؛
مو مكتوب لك هالأمر لو مكتوب لا هو ولا أشكاله يمنعونك واحتمال كبير ان واسطه دخلت مكانك وزحلقوك لكن الله حسيبهم من عالي سماه
لاتحذف أي شي من جدارة بتل وتابع لين ينزل وظايف وقدم بكل مكان
بالتوفيق

من ادخل المقابلة الشخصية لهذه الجهات له حاجة في نفوس يعقوب.
ووزارة الخدمة المدنية من الوزارات عالية الشفافية في اظهار النتائج ويجب ان تنبه لهذه الثغرة واعني
اسطوانة المقابلة الشخصية حيث يكون الالتفاف بدخول الواسطة عن طريقها .
وصراحة ذكرت وزارة الخدمة المدنية في تقريرها الاخير الذي تمت مناقشته في مجلس الشورى من هذه الظاهرة وهي عدم تجاوب الوزارات في المرشحين من تلكأ وغدم تمكين المواطن من مباشرة وظيفته المرشح لها اما لتعيين شخص عليها أو ترقيه وهي الاكثر.
ويلزم على الوزارة اعطى المرشح جهة اخرى والا عليه التوجه لديوان المظالم.

وكذلك ان كانت مقابلتك سليمه يمكنك تصعيد الموضوع لرئيس ووزير الجهة وان تطلب بتكوين لجنة لمقابلتك لاتقل عن ثلاثة اشخاص.

المهم خلك وراهم والله من وراء القصد؛؛؛؛؛؛؛؛؛؛؛؛؛؛؛؛؛؛؛

اخوي ماشاء الله نقاطك عاليه

باذن الله ربي يرزقك افضل منها لاتحزن

إذا تقصد بالشكل= الخلقة= فهالشيء ماله دخل. لأن الله هو الخالق ومافي اعتراض على خلق الله.


شوف أول مرة تدخل مقابلة؟ ترا عادي يصير كذا. تعلم منها واستفيد ونصيحة خلال فترة انتظارك الآن قدم على القطاع الخاص وأدخل مقابلات (عشان تجرب الجو أكثر من مرة) وفي كل مقابلة ح تعرف وش أسرار تخطيها (طبعا إذا نجحت في المقابلة وطلبوك للشغل وأنت ماتبي اعتذر) لكن الفكرة تجرب وتعود نفسك.



المقابلة تهدف لكشف الشخصية. وبما إنها المقابلة الأولى لك فممكن ماكانت شخصيتك ظاهرة وكنت متوتر وكلنا نتوتر ترا.


الهدف من الأسئلة مب عشان تجاوب .. الهدف يشوف نظقك+ ثقتك وأنت تتكلم+ بشاشة وجهك.

وتقييم خارجي على الشكل اللي هو اللبس (رسمي ونظيف ولاتكثر عطر)


اللي أوله شرط آخره نور. مشترطين على هالوظيفة مقابلة يعني كنت عارف إن ترشيحك عليها من قبل الخدمة مش تعيين نهائي.


ونصيحة في أي أمر لك توكل على الله. أنت شايل هم من أول وموسوس ولو ماقبلوني كيف؟ ...ألخ



والحياة تجارب وكلنا نتعلم. الله يوفقك.

اقتباس:

المشاركة الأصلية كتبت بواسطة الغلا الغلا للاسف رفضوني بالمقابله يقولون في الخطاب اللي ارسلوه للخدمه المدنيه غير مناسب مع ان المقابله بس وش اشتغلت كم عمرك متزوج والا لا لكن الحمد لله الرزق على الله لو الله كاتب لي رزق فيها خذيته الحمد لله على كل حال يعلم الله كم محتاج للوظيفه حسبي الله ونعم الوكيل عليهم والحمدلله الحين ياشباب انا نقاطي 92 في جداره احذف الطلب واقدم والا اخلي الطلب انتظر اذا فيه مفاضله جديده واللي عنده خبر عن المفاضلات الجايه لا يبخل علينا