السلام عليكم ورحمه الله وبركاته
رجعنالكم اخواني ابشركم استأجرت محل الخضار فتحتين تعبت على مالقيت الموقع
الممتاز عندي استفسار وين احصل الي يزبطون الديكورات للمحل بحيث تكون مميزه والرفوف
مريت كذا نجار وشغلهم بطريقه التصميم ما اعجبني والحاجه الثانيه اذا احد يخبرلي شخص يجيب الخضار لي بسياره لحد محلي كل يوم صبح ...(والله من العجز )طبعا لو مالقيت اكيد اني بروح بنفسي بس اذا كان فيه شباب سعودي يترزق من هذا الشي راح اكون شاكر له وكلنا نستفيد من بعض هو يجيب الخضره الطيبه لي بمبلغ حلو ياخذه مني اطلت عليكم عارف إن شاءالله اذا زبط المحل راح انزل صور المحل لكم انتظر ردودكم يا اخواني

الله يوفقك ويسهل امورك

الله يجزاك خير ع المرور ....معقوله مافيه احد يعرف وين محلات الديكور او اشخاص يوصلون الخضار والفواكه للمحلات باجر

طبعا بداية بتلقائية صعوبات بشغلة الموزعين بس الأفضل بداية خلك انت شيال كل شي روح اشتر بنفسك لين ما تتعلم الشغله وتعرف الأساليب وبعدها خلك على الموزعين حتى تكون على دراية كامله

وشغلة الخضار هذا أنا الأمس جالس أناقش الموضوع حتى افتح محل وجالس أسوي دراسة عامة للميزانية والأمور وهيك من احتياجات المشروع

[align=center]

بالنسبة للرفوف موجود رفوف جاهزة المنيوم وتباع بالمتر
انت بأي منطقة اخوي؟
[/align]

بالنسبة للديكورات بتحصل محلات كثير لكن الي يضبطونها قليل
حتى الي يضبطونها لازم تصير وراهم عشان يضبطون الشغل ويتقنونه
أماِ الارفف فيه محلات خاصه لها مثل محل الهفوف للرفوف في طريق المدينه مخرج 28 اتوقع المحل هذا كويس اذا كنت من اهل الرياض
الله يسهل امرك وييسر لك ولنا ولكل مسلم