السلام عليكم جميع اعضاء المنتدى المحترمين.
لدي مؤسسه مقاولات نطاق اخضر وفاتح مكتب صغير مؤثث
الموضوع :
ماعرفت اشغلها ولاقدرت استقدم عليها لاني نقلت عليها سواقين عمومي زي قلتهم ... الان ادفع اجار محل ورخصة المحل كل سنه وسجل تجاري واشتراك غرفه تجاربه وسعوده وتأمينات اجتماعيه .
وش الحل ياغالين ؟
اتمنى المشاركه من اصحاب الخبره واصحاب التجارب ولايهون الجميع .. فديتكم

هلا اخوي احساس عميق انقل كفالات عليك عمالة مهنيين واشتغل بالنسبة او بالمتر شف الجنسية الهندية او اي جنسية تعجبك وعندك عدة خيارات امسك شغل اوهم يمسكون شغل او شغلهم عند احد باليومية او بالساعة واسال اهل الخبرة وترا فيها خير لاتسمع كلام الحساد وبالتوفيق بالدنيا والاخرة......

انتظركم يا غالين ...

اصحاب الخبره والتوجيه مااستغني عنكم واشكر من يشاركني

انقل كفاله على موسستك عماله مبلطين مليسين
(( هنوود ))
وعطهم سياره وانيت اجرها عليهم واشتغل بالنسبه معهم
20 % مثلاً حلوه جداً
وهم يتحملون تكاليف كل شي اجار محل - تامينات " اشتراك الموظف " واذا مسجل احد من اهلك وطالبك تمشيله راتب يتحمله العامل الي متفق معه بالنسبه - رواتب موظفين - تجديد رخص بلدية واشتراك غرفة تجارية وسجل تجاري .
واكتب بالسياره اسم موسستك ورقم تلفوناتك
وخلهم يدورون شغل الدنيا الحين قايمه عماير وبناء
وجبلهم شغل انت من معارفك وخلهم يشتغلون
اذا ماتبي هذا كله
شف شركه او مؤسسه وأجر عليها عمالتك
بالتوفيق

ماشاءالله بداية موفقة
عندك كذا حل :
1-اما انك تشغلهم و تمشي معاهم كمقاول عليهم وهذي فيها ربح ممتاز احد اخواني مقاول ومشغل العمال ويتابعهم طبعا معطيهم سيارة وله كم سنة ع الشغله ومرتاح .
2-او انك تأجر عليهم السياره وتاخذ منهم على اساس انك كفيلهم كل شهر على العامل لا يقل عن 500 ريال شهريا في جيبك وبالنسبة لاقاماتهم وسكنهم هم مسؤلين عنه .
3-او انك تستأجر عماله خارجية يشتغلون لك تتفق معهم بمبلغ معين بحيث يكون لك مكسب
الله يسهل امرك ويوفقك .

اولا الله يرزقك ونا اخوك من واسع فضله

انا أفكر في مؤسسة مقاولات بصراحه

بس أنصحك نصيحه حاول تحط احد العمال يدور عليهم ويوصلهم دائم بالونيت الي تشتريه لهم

يعني اترك عامل واحد يدور عليهم بالسيارة ويوصلهم ويرجعهم ودائم هو يتعاقد مع عمائر وله 2% على كل عماره

وحاول تجمعها له وتعطيه إياها كل 3 شهور او 6 شهور طبعا هذا من غير الراتب الشهري الي يأخذه


او خذ نسبه زين اذا أعطوك 20% وعليهم كل شي


الله يوفقك

وعليكم السلام ورحمة الله وبركاته.
والله ونا اخوك يمكن تقول انا متشائم لاكن دائم احب احسبها وحس الطيحه لان الطيحه هي الي توجع اما انجاح فدائم يزيدك حماس ويشجعك اكثر
المهم نرجع للمؤسسه شوف حول تجيب كم معلم بلبناء من معلم وعمال اقل شي لو معلمين ثنين وثلاث عمال وحول تمس عمائر سيرميك بلالط وكذا
وعاد بعدين فحط لين تجيب فيز علشان تقدر تشتغل مثل تجيب بنائين سباكين كهربائيه علشان تقدر تاخذ عماره كامله
الان حول تمسك شي واحد لان مراح تتوفر عندك العماله وذا ما قدرت مع التعقيدات الي عندنا فقفلها ورتاح
لان الي اعرف الحين الفيز انك تطلع فيزه بصعوبه لازم تجيب عقود وشغله توجع الراس



اكرر حول تمسك مجال واحد في بدايتك