[align=center]صبحكم / مساكم الله بالخير


كيف حالكم


يالغالين

انا نويت افتح محامص قهوه عربيه
ومشتقاتها

ابي اللي عنده تجربه في هالموضوع يفيدني
عن الالات و اسرار العمل والبضاعه من وين الافضل

قاعد ابحث عن الموضوع في قوقل ما حصلت احد يفيدني

[/align]

الله يوفقك أخوي تقدر تروح لشرق الرياض (تحديدا النسيم والنهضة ) فيه محامص اسمها (كيف الشيوخ )ضاربه بالسوق الناس ما تشري الا منهم ،، وماشاء الله فتح له اكثر من محل ، نصيحة اخوي خل المحل مرتب لان بعض المحامص ما خرب عليها الا الحوسه لدخلته ما تدري وش تشوف غير كذا الديكور ايضا لا تكلف نفسك مره لكن خله ملفت ، اما القهوة فما تحتاج خلطات وخرابيط زي بعض المحلات معروف مكوناتها ، ايضا تقدر تبيع معه شعبيات مثل التمر والإقط اكثر المحلات كذا ، اما الالات فما عندي خبره تقدر تسأل محلات القهوة عن الالات اكيد فيه شركات هنا تورد لهم ،، فقط أسأل ،، اتمنى اكون افدك ،، اسأل الله التوفيق للجميع

مريتهم صراحه شغلهم مرتب وخدمهم مساحه المحل

وزي ما قلتي التنويع مطلوب


ابي اعرف وين القى الالات ؟

وووين القى سوق الجمله للقهوه والهيل

أخي جبر العتيبي
انا مالي اي خبرة بهذه المحلات لكن بحكم خبرتي في دراسات الجدوى
راح أذكر لك بعض النقاط اللي ممكن تستخلص منها امور مهمة لمشروعك
اغلب الاشياء اللي تحتاجها موجوده هنا
http://www.aldlall.com/%D9%84%D9%84%...%88%D8%B1.html

بخصوص اماكن بيع القهوة ممكن تزور محلات التي تبيع اكياس البن و الهيل
و صور اسم المصنع و رقمه عندك مصنع الخير من اشهر موردين البن بأنواعه
لكن كيف توصلهم بالرياض ما ادي و الله
http://www.alkhair-coffee.com/aindex.html

هذا الموضوع ممكن يفيدك
http://www.albreah.com/vb/t2864.html

ايضا ممكن تتعرف على انواع البن و الهيل من اقرب عطارة لك رروح اشتري
ربع كيلو من كم نوع و تعرف عليها و الفرق بينهم

ايضا ابحث في الانترنت عن محامص للتقبيل و زورهم و دق سالفة طويلة عريضة مع
صاحب المحل و اساله عن المحل اسبب التقبيل - من وين يشتري البن و بكم و كذا
كم تكلفه الكهرباء بالشهر - راقب شكل الديكور و اساله كم كلفه و خلي نيتك انه اذا
لقيت السعر طيب بتشتريه او بتشتري منه بضاعة او الديكور راح تستفيد كثير ان شاء الله
http://www.mekshat.com/vb/showthread.php?t=394119

http://www.aldlall.com/%D9%85%D8%AD%...%AA%D8%B1.html

http://haraj.com.sa/114795788/_للبيع...أسعار_منافسة_/

يعطيك العافيه اخوي ارباح استفدت منك كثير

وبشوف اذا حصلت احد من اهل الخبره في هالمجال

او حولت النشاط

الله ولي التوفيق.