من خلال تجارب كثيرة، إثبات النفس والسعي للتطوير الشخصي هو سلاحك في وجه جميع منافسيك سواء سعودي أو أجنبي

نصيحه لكل شاب لاتصدق كل ماتسمع ابحث عن عمل والخبره تفيدك وتطورك والغير مقتنع بكلامي اقول لك

إذا كان الأجنبي يُخَرِّب ويسرق ويسعى في الارض فساداً كما تزعم … فهذا يعني إما أنك غير موجود أو أنك مقصر !


في الوقت الذي يعمل ويبني فيه الأجنبي … يقف بعضنا دون إنجاز يذكر غير الشكوى من الأجنبي !

لا اكلونا والسبب الي سمح لهم يشتغلوا في وظائف السعوديين قادرين يكونوا فيها ورواتبهم خياليه وتوفير سكن وسياره والخ
والسعودي لاشي يتوفر له

واضافة حاليا وزارة العمل وضعت نظام اجير لتوظيف عوائل الاجانب العاطلين ومرافقيهم وتتعاقد معهم في وزارة الصحه ووزاره التربيه والتعليم
برافوا بصراحه
((وزارة العمل تتيح لـ «التربية» الاستفادة من خدمات المرافقين عبر «أجير»))
(("العمل" تتجه لتوظيف المرافقين عبر "أجير" في القطاع الصحي))
والتربيه والتعليم اوقفت التعاقد مع السعوديين من كم سنه والصحه الي بيتعاقد لازم اختبار ومسابقه ومقابله الخ
اهم شي الاجنبي في بلدنا ويقدم له كل وسائل مواصلة العمل ولكن السعودي لاشي من هذا

موضوع مضحك ومبكي في نفس الوقت

اقترح اخوي صاحب الموضوع انو نطلع ناخذ جنسية انا وانت ونجي نشتغل هنا سياره ببلاش وجوال وبدل سكن يحبه قلبك.لاكن ااحنا بعض السعوديين متلحط في سوق الخضار وملعون ابو جد تدور احد بس يسدد لك فاتورة الكهرب والا الجوال.لاكن لكل مجتهد نصيب.
بس للامانه احيان الاجنبي افضل من السعودي الحق ينقال ليه لعدة اسباب منها الاجنبي ماعنده مانع يشتغل اي وقت لو تتصل فيه خارج الدوام ومتاخر حتى بيرد عليك ويجي يداوم ماعنده مشكله حتى لو تكلمه يوم الجمعه الاجازة الرسمية اما السعودي والله بيدخل عليك برشاش بالدوام من بكرى لانك دقيت عليه خارج الدوام. السعودي وبكل اسف حتى لو كان مداوم ينتظر بس متى يخلص الدوام . بكل اسف اذا تبي تقيم السعودي ابيك بس تروح للدوائر الحكومية وشوف كيف الوضع (البعض منها طبعا) فمادري احنا صابنا التبلد او عدم الاحساس بالمسؤلية لعدم توفر الوظايف او مادري وش السبب...صحيح فيه ناس سعوديين مبدعين لاكن ماراح يشتغل لك براتب 3000 اخر الشهر صحيح فيه سعوديين حريصين على العمل لاكن وش المقابل اللي بتعطيه الشركة اذا ابدع؟؟؟!!!!! هنا السؤال هل هناك تقدير؟ترقيه؟تطوير وتديب في العمل؟ نعيش في حالة غبن بصراحه لكم تقديري

سلمتو .. راح ارد على بعض الردود .. والردود الي مارديت عليها فليعذروني مع خالص شكري للجميع

اقتباس:

المشاركة الأصلية كتبت بواسطة الظل الابيض نصيحه لكل شاب لاتصدق كل ماتسمع ابحث عن عمل والخبره تفيدك وتطورك والغير مقتنع بكلامي اقول لك إذا كان الأجنبي يُخَرِّب ويسرق ويسعى في الارض فساداً كما تزعم … فهذا يعني إما أنك غير موجود أو أنك مقصر ! في الوقت الذي يعمل ويبني فيه الأجنبي … يقف بعضنا دون إنجاز يذكر غير الشكوى من الأجنبي !

كلامك جميل .. بس بعض الاجانب يتعمد انه يستقعد لك , تخيل مديرك ومشرفك وزميلك واالخ من نفس الجنسيه اتحداك تاخذ حقك ..


اساسا الاجنبي فالغالب الي من رحم ربي يحسد السعودي .. وهذي من تجربه فالله المستعان

اقتباس:

المشاركة الأصلية كتبت بواسطة البلدللاجانب لا اكلونا والسبب الي سمح لهم يشتغلوا في وظائف السعوديين قادرين يكونوا فيها ورواتبهم خياليه وتوفير سكن وسياره والخ والسعودي لاشي يتوفر له واضافة حاليا وزارة العمل وضعت نظام اجير لتوظيف عوائل الاجانب العاطلين ومرافقيهم وتتعاقد معهم في وزارة الصحه ووزاره التربيه والتعليم برافوا بصراحه ((وزارة العمل تتيح لـ «التربية» الاستفادة من خدمات المرافقين عبر «أجير»)) (("العمل" تتجه لتوظيف المرافقين عبر "أجير" في القطاع الصحي)) والتربيه والتعليم اوقفت التعاقد مع السعوديين من كم سنه والصحه الي بيتعاقد لازم اختبار ومسابقه ومقابله الخ اهم شي الاجنبي في بلدنا ويقدم له كل وسائل مواصلة العمل ولكن السعودي لاشي من هذا

ردك عين الصواب .. والخبر الي طرحته يزيد الطين بله

الله يعين

اقتباس:

المشاركة الأصلية كتبت بواسطة أبـــوفراس موضوع مضحك ومبكي في نفس الوقت اقترح اخوي صاحب الموضوع انو نطلع ناخذ جنسية انا وانت ونجي نشتغل هنا سياره ببلاش وجوال وبدل سكن يحبه قلبك.لاكن ااحنا بعض السعوديين متلحط في سوق الخضار وملعون ابو جد تدور احد بس يسدد لك فاتورة الكهرب والا الجوال.لاكن لكل مجتهد نصيب. بس للامانه احيان الاجنبي افضل من السعودي الحق ينقال ليه لعدة اسباب منها الاجنبي ماعنده مانع يشتغل اي وقت لو تتصل فيه خارج الدوام ومتاخر حتى بيرد عليك ويجي يداوم ماعنده مشكله حتى لو تكلمه يوم الجمعه الاجازة الرسمية اما السعودي والله بيدخل عليك برشاش بالدوام من بكرى لانك دقيت عليه خارج الدوام. السعودي وبكل اسف حتى لو كان مداوم ينتظر بس متى يخلص الدوام . بكل اسف اذا تبي تقيم السعودي ابيك بس تروح للدوائر الحكومية وشوف كيف الوضع (البعض منها طبعا) فمادري احنا صابنا التبلد او عدم الاحساس بالمسؤلية لعدم توفر الوظايف او مادري وش السبب...صحيح فيه ناس سعوديين مبدعين لاكن ماراح يشتغل لك براتب 3000 اخر الشهر صحيح فيه سعوديين حريصين على العمل لاكن وش المقابل اللي بتعطيه الشركة اذا ابدع؟؟؟!!!!! هنا السؤال هل هناك تقدير؟ترقيه؟تطوير وتديب في العمل؟ نعيش في حالة غبن بصراحه لكم تقديري

هو بالفعل الحال مبكي ومضحك بنفس الوقت انت جبت الجمله المناسبه

وصدقني يابوفراس بعض الاجانب اوقات من جنبها ولايشتغل زي السعودي بس فرص االاجنبي هي الي تخلي له التميز في كل الوظائف ..

اما السعودي فرصه قليله ليش مادري

نعم بعض الاجانب مهم وافضل من السعودي , بس مثل مافي سعودي مفلت فيه اجنبي مفلت .. ومثل مافي اجنبي مجتهد في سعودي مجتهد

ووهكذا

الاجانب فيهم لعانة ولهم وجهين من خلال شغلي معاهم الصناعية الثانية حثالة هم بنسبة 70%

اشتغلت في مصنع على شارع 74 واسمة البنجر لي البلاستيك سوبر فايزر بنقالي وراتبة 3 ونص وسيارة كامري
بيضاء لا وفوق كذا يجية بونص هذا الي يقهر وشايف نفسة هالقرد

وشي الثاني هندي حق مستودع مدلعينة وراتبة مو بطال لكن في حالة ومرات يسوي حركات واذا برى
دوام يصير دجاجة كذا هم الاجانب يستقوي في شغل بس برى تراه ماعندة سالفة وخوافين

نجي لي لعين السوري تنفيذي شايف نفسة يوم كنت سكرتي بنص دوام يسلم ولا يطالع في جهتي
كلب لا وشفتة في اكسترا الي في الفيصلية ترى مايسوى نفسة ماشي مثل ساعه جزم الاجانب
لا وراتب 21 معا تذاكر ويسافر دبي ومعطينة جمس اسود وكالة ويفكر نفسة انة فوق وفوق كذا ولا مرة
شفتة يصلي في مكتب مؤسسة الي في شارع الاول بالدمام عند نظرات المغربي ناس يصلون وهو يقرى
جرايد
موسسة اسمها يوسف محمد الدوسري علشان تصدقون كلامي وعندهم مصنعين في صناعية الثانية على نفس شارع 74
مصنع البنجر لي البلاستيك مخلين سكرتي سعودي والاستقبال واحد منسق مبيعات وفيه سوري مسؤؤل سواقين حتى هو ما يصلي اكثرية السوريين علويون اما سوبر فايزر بنقالي والي يراقب بنقالي مستودع
هندي ومعا مساعدية ومهندس فلبيني يوصل راتب معا اوفر تايم 6200 مايسوي ذاك الكرف شغله عادي
لاحظت فيه تكبر يفكر نفسة فوق وهو داخل بفيزا مثل خدامة
مصنع الثاني حقهم اسمة انجاد سكرتي سعودي اما مدير سوري ومستودع نيبالي وسوبر فايرز هندي
يعني ولد البلد مو معطينة حقة الاجنبي مساك كل شي

في نت ,, صدقني جبت المفيد وهذي الحقيقه



والله يابعض الاجانب في الدوام يشوف نفسه وين يحسبن نفسه فرعون .. وبعد الدوام لو تشوفه برى يجيك زي البسه

أستغرب من بعض التعليقات الي يحطون المشكلة بالسعودي !

شيء طبيعي لما يكون رآتب السعودي ضعيف ويشوف الآجنبي فوق رآسه ومدلعينه سيارة وجوال والخ ..

فآكيد ان السعودي بيتأثر نفسيا وبأثر على عمله !

يعني تخيلوا رآتب سعودي ممتاز وبمميزات نفس الأجنبي هل رآح يأثر على عمله بشكل سلبي أو إيجابي ؟
هل من المعقول يتهاون بالعمل ويهدد منصبه ووظيفته ؟

العن جنسيات للاسف عربية المصري والفلسطيني والسوري والله انهم العن الجنسيات على السعودي اتذكر قبل فترة زرت صدبق لي يشتغل بشركة سويدية لاجهزة طبية وانا عند الباب اسمع اثنين سورين واحد يقول للثاني شو خفت ويضحك وهذاك يرد عليه شو اخاف شايفني سعودي السعودي بنظرهم مسبة لكن ما نقول الكل نسبة معينة منهم لكن يجب حذرهم وردهم والي يتفلسف كسر اسنانه الدولة دولتك والبلد بلدك واذا جاك احد تفلسف سعودي مثلك قول له وعدنا وزارة التجارة او العمل او الصحه وتشوفه يهايط اوله انه مو هامه ما تحصله بعدها الا يجون يحاولون يراضونك


وقبل فترة شفت شباب سعودي مثل الورد والله العظيم الي معاه ثانوية والي دبلوم والي بكالوريوس ومقدمين على وظايف بالمستشفى بعد اجراء المقابلات اختارو للوظايف الادارية بنت مصرية واثنين شباب واحد سوري وواحد سوداني وسعودي خريج نيوزلندا حطوه استقبال بالمستشفى والمصرية معها جامعه عشان ما نهضم حقها لكن السوري وظفوه على ثانوية بادارة المشاريع والسوداني حطوه في شؤون الموظفين علما ان مديرة التوظيف فرنسية من اصل جزائري والسعودين مرمية ملفاتهم بالادارة الامنية لاختيارهم رجال امن او مشرفين او مراقبين

المفروض الدولة تجبر القطاع الخاص لتوظيف السعودين من ثانوية وفوق على وظائف ادارية لكسب الخبرة ودمجهم بسوق العمل ويكون رجال الامن والمشرفين والمراقبين فقط على شهادات الابتدائي والمتوسط والمتقاعدين العسكرين او المفصولين من العسكرية