بسم الله الرحمن الرحيم


السلام عليكم ورحمة الله وبركاته

ندخل بالموضوع على طول


انا شغال بقطاع خاص وعملت عمليه بعيوني والعمليه تثبيت للعدسه القرنيه المخروطيه

الحمدلله العمليه تمت بنجاح واخذت 3 ايام اجازه مرضيه من المستشفى

المهم شفت ان الثلاث ابام ماتكفيني لأن عيني اليمنى فيها مشكله مثل الغشاوه ما اشوف لا بنظاره ولا مع النظاره


طبعا المستشفى الخاص الذي عملت فيه العمليه لا يعطي الا ثلاث ايام كحد اقصى كاجازه مرضيه


وضحت للدوام ان عيني لازالت فيها مشكله وان العمليه لم تكتمل الى الان لعدم استطاعتي ممارسة عملي بشكل طبيعي نظرا لبيئة العمل اللي هي خدمة عملاء وعلى كمبيوتر 8 ساعات

8 ساعات ابدا مو سهله لواحد توه مسوي عمليه لعينه

المهم جبت تقرير من نفس المستشفى وفيه توصيه الابتعاد عن اشعة الشمس والابتعاد عن الغبار مع العمل الخفيف من اسبوعين الى ثلاث اسابيع

المشرف سجل التقرير على انه اجازه مرضيه وجاني بعد فتره قال لي مكتوب في التقرير عمل خفيف وانت اساسا ما داومت المشكله انا عطيته التقرير في البدايه ولا قال لي داوم قلت له التقرير فيه شي او ناقص قال لا قلت طيب و وضع العمل الخفيف قال مافي عندنا عمل خفيف !!! المهم اضطريت اكلمه قلت الفتره اللي ماداومت فيها مثل ماتقول ابيها اجازه حتى لو بدون راتب انا راضي


قال لي مو من عندي انا بكلم لك المنجر وهو يرد قلت اوك


المهم رسلنا رساله للمنجر. عن طريق الايميل في الدوام وقال المشرف


خلاص تقدر
تقدر تروح البيت واذا تم الرد على اجازتك بالقبول او الرفض برسل لك مسج


المهم بعدها بيومين ارسل لي رسال ان تم القبول على ان اباشر دوامي الاسبوع الجاي

تفاجأت امس ارسل رساله لي يقول قسم الاجازات ماقبل اجازتك كامله وعندك 10 ايام اجازه فقط ؟؟؟

وحاول تدبر نفسك الايام اللي راحت تجيب عذر طبي او جيب اي شي من المستشفى اللي هو تقريبا 10 ايام بيسجلوني غياب

ارسلت رساله له قلت وشلون هالكلام وانت قايل لي ان اجازتي تم قبولها قال مو من عندي المهم اني بعد شوي رايح له


بس حبيت استفسر انا طقت كبدي من هالدوام صحتي وعيوني اولى

اولا هل معاي حق لو تقدمت بشكوى لمكتب العمل وتوضيح التناقضات التي حدثت مع العلم ان الرسائل النصيه بحوزتي وان المشرف اوضح لس قبول الاجازه... وكم الاجازه التي لاتخضع لراتب من مكتب العمل ؟

ثاني هل لو قدمت استقالتي سيعطوني حقوقي مع العلم اني الشهر القادم اكمل سنتي الثالثه لديهم وكم المتوقع ان تصل استحقاقاتي او ما الآليه التي يتم الاستناد عليها في صرف الاستحقاق


الشي اللي مخليني اقدم استقالتي ان بعد كم شهر بسوي عمليه ثانيه بعيوني واحس اني بتمرمط مره ثانيه وانفصل بسببهم واللي سمعت ان الشركه لو هي اللي فصلتك لا يمكنك المطالبه بالمستحقات هل هذا صحيح ؟


اتمنى ايضاح كامل استفساراتي ولكم من الدعاء بالغيب مع جزيل الشكر

لاتشتكي بمكتب العمل على طول

روح اشتكي عند المنجرر عند التيم ليدر حقك ووضح للمنجر ان التيم ليدر هو اللي سبب لك اللخبطة ذي

غالبا المنجر لما يجيهم احد بنفس وضعك وله ظروفة والغلط مو غلطه غلط الشخص المسؤول عنه يتساعدو معه

اعتقد انك تتفاهم مع مديرك افضل
وخصوصا انه يعرف انك اجريت عملية في عيونك وانك كنت تعبان
حاول تفهمه ان الظروف اللي مرت عليك غصبا عليك ومو بيدك وحاول تلاقي حل للموضوع خصوصا انه يعرف انك اجريت عملية وانه كان عندك ظرف
الله يوفقك دنيا واخرة ويشفيك

الله يعينك

الله يفرج عنك ..