السلام عليكم ورحمة الله وبركاته
مساء الخير جميعاً

يا أخوان من زمااااان وأنا أقرأ ردودكم وأتابع، ودي أرد بس ما عندي معَرف في هذا المنتدى، وكل يوم ابسجل وانسى! المهم واحد من الشباب قال لي عنده معرف جديد ما يبيه، وخذته

أنا راجعت جامعة شقراء قبل فترة، يا شباب أحنا فاهمين خطأ!!
النتايج تجي بشكل متفرق على حسب الإدارة والكلية. ما تجي مع بعض
كل كلية أو إدارة تخلص الترشيح ترفعه لشؤون الموظفين بالجامعة ثم الجامعة ترفعه للخدمة المدنية
الخدمة المدنية تطابق الأوراق والشهادات وتتأكد من الإجراءات، ثم ترجعها للجامعة
الجامعة ترجعه للإدارة اللي فيها الوظيفة (اللي سوت الإختبار والمقابلة) عشان ترشح الموظفين على الوظائف الملعنة.
بعد الترشيح تروح الأوراق لوزارة الخدمة المدنية للتأكد والاعتماد، ثم ترجع للجامعة ويتصلون عليك وتجي تباشر
بعض الإدارات خلصت أمورها بدري وانتهى ترشيحهم، وبعض الإدارات لسى
المهم لا تقطعون الأمل، أنا إلى الآن إدارتي ما رشحت وما باشر ولا واحد من الموظفين الجدد في إدارتي

وتبون الحقيقة؟ بعضكم يقرأ الإجراءات ويتوقع أنها طويلة ومعقدة، لا لا، الخدمة المدنية كويسين وما تجلس المعاملة عندهم إلا يومين أو ثلاثة بالكثير، خلها أسبوع
التأخر من الإدارات اللي مسويه الاختبارات والمقابلات، هي اللي ما ترفع النتائج بسرعة.


طبعاً حنا الآن على مشارف انتهاء الإجراءات لأكثر الإدارات، أتوقع الأسبوع الجاي النتائج واصلة الجميع.


فكّر بعمق (ترى رزقك مكتوووووب) لو تحب السماء وهذي الوظيفة موب مكتوبة لك ما راح تاخذها لو تطير.
والعكس كذلك
عليكم بالدعاء، ترى الدعاء يفتح أبواب ما تتخيلها (تجربتي شخصياً)
لو عندك مصيبة مستحيل تنحل عليك بالصلاة آخر الليل والدعاء، لو يوم واحد، وصدقني بتشوف شيء فوق ما تتخيل
وأدعوا لي تكفون