سلام عليكم جميعا
ياجماعة الخير ، انا موظفه وحابه استقيل ، لمن كلمتهم قالولي عشان نعطيكي حقوقك (شهادة خبره، اخلاء الطرف ، مكافأة نهاية الخدمة ) لازم تداومي شهر شرط جزائي طبعا دا الشهر مدفوع الراتب ، قلت لهم مااقدر ، قالولي خلاص يسير تدفعي لنا حقت شهر
المهم بعدين قلتلهم طيب وروني فين مكتوب في العقد هدا الكلام قالولي في هده الفقره: (( للموظف الحق في انهاء هذا العقد وتقديم استقالته عن العمل قبل انتهاء مدة العقد الاصليه او لفترة التجديد التاليه على ان يخطر الموظف كتابة صاحب العمل برغبته في ذلك الانهاء كتابة قبل انتهاء مدة العقد الاصليه او المجدده بشهر على الاقل وفي حال تقديمها بعد تلك المده يلتزم الموظف بتعويض صاحب العمل كجزاء لاخلاله بالعقد بمبلغ يعادل المده المتبقيه من العقد ))
بالله ايش فهمتوا من هذه الفقره؟
كل واحد يكتب ايش فهم
انا عن نفسي فهمت انه حكاية اني ادفع زي ماقالولي صحيحه ، لكن حكاية اني اداوم شهر جزائي انا ما فهمت كده من دي الفقره
وشكرا انا في انتظار ارائكم

دوام شهر اظن يسمى شهر الانذار زي كذا.. تداومين من يوم ااالاستقالة و اخذين حقوقك و شهادة خبرة و اخلاء طرف... بس لو صار بينك و بينهم تفاهم يمكن يتغاضون عن هالشرط بس اتوقع بينكم مشكلة عشان كذا عقدوها..

معروفة هذي شهر الانذار
ولازم اما تداومينه او تدفعين قيمته كجزاء
وحتى لو ماذكرر في بنود العقد هذي تعتبر من أنظمة العمل المتبعة

اسمه شهر الانذار عشان تاخذي حقوقك

اما حكاية انك تدفعين فهذي من عندهم وكلام فاضي

الافضل انك تقدمي استقالتك وتقولي اوكي راح اداوم شهر وداومي على كيفك وقتها يوم دوام واسبوع غياب

إذا رغب الطرف الثاني اللي هو الموظف في إنهاء العقد قبل انتهاء مدة العقد فإن عليه أن يدفع للطرف الأول (صاحب العمل) راتب شهر كتعويض بالإضافة لجميع النفقات والمصروفات التي أنفقها عليه الطرف الأول بما فيها تذكرة القدوم وعليه أن يرحل على حسابه الخاص.

شكرا لكل اللي اتفاعل معايا في هذا الموضوع
انا خلاص قررت اني ادفعلهم واخلص نفسي و امشي ، لانه بصراحه جاتني وظيفه احسن ، لكن انا دحين بس سلمتهم ورقة طلب الاستقاله ووقعتها ، بس قالولي انه اخلاء الطرف حيجيكي اقرب شي بعد اسبوع وممكن اكتر ، انا سؤالي : هل في هذه الحاله عادي اقدر اروح اوقع عقد عمل جديد مع الوظيفه الجديده والا لازم استنى الين ما يعطوني ورقة اخلاء الطرف وبعدين اروح اوقع مع الوظيفه الجديده؟

أختي الكريمه

ولا هلله تدفعين لهم

خلاص مستحقات ماأبي مستحقات حلال عليكم

لاكن شهادة الخبره وأخلاء الطرف غصب عنهم تأخذينها

لاتطلعي من عندهم لين تتأكدي انهم نزلوك من التامينات الاجتماعية عشان تقبلك الوظيفة الجديدة

اذا قالوا نزلناك خلاث لاتصدقيهم ادخلي من جوالك لموقع التأمينات وتأكدي

شغلة التنزيل من التامينات ما تاخذ ثواني بس هما يكذبو يقولو اجراءات وتاخذ وقت خليكي قوية

وحكاية الدفع لهم والله المفروض ماتعطينهم ولا ريال ... الحكاية مو عناد بس من واقع خبرة وتجربة 6 شركات

انتو تقولولي لا تدفعي وانا كمان والله ماابغى ادفع ، لكن انا العقد اللي وقعته كان مكتوب عليه من ضمن الكلام هذه العباره : (( للموظف الحق في انهاء هذا العقد وتقديم استقالته عن العمل قبل انتهاء مدة العقد الاصليه او لفترة التجديد التاليه على ان يخطر الموظف كتابة صاحب العمل برغبته في ذلك الانهاء كتابة قبل انتهاء مدة العقد الاصليه او المجدده بشهر على الاقل وفي حال تقديمها بعد تلك المده يلتزم الموظف بتعويض صاحب العمل كجزاء لاخلاله بالعقد بمبلغ يعادل المده المتبقيه من العقد ))
ولمن سالت الشركه فين مكتوب اني لازم ادفع او اداوم لي العقد ، قالولي في هدا البند

نعم كلامهم صحيح في دفع المبلغ او شهر انذار

والله يوفقك